Aleksandr Volkov
Raštavan tiähti
Petroskoi 2013, 223 s.
Tämän runo-, prouzu- da kiännöskogomuksen painandah on suadu Rahvahallizen poliitiekan ministerstvon denguabuu da sendäh sidä nikus ei voi ostua, vaiku suaha ministerstvas libo kirjuttajalpäi.
Suuri vuitti runolois da prouzukirjutuksis on aijembi piässyh ilmah toizis kirjois. Ga tämä on toizii sangiembi kogomuksien kogomus, jygiedy tekstua. Tovengi, monet runot ollah aiga vägevii da kirjuttai koval sanal čakkua Ruoččii da Ven'ua karjalazien kurittamizes. Ga yhtelläh, kirjuttai suvaiččou piästä samah fotokuvah valdivoloin piämiehienke, moine kuvaliitehgi kirjas on. Piäpaino on runoloil, ga histouriellizet tekstatgi ollah mieldykiinnittäjät. Niilöis on rahvahanetymolougidu. Nämis tekstois minun mieldy enimän kiinnitettih evakkoaijan da omah ruadoelokseh da omah kyläh liittyjät mustelukset.