Jelena Filippova: Sanalipas

[mp]

Jelena Filippova
Sanalipas
Verso, 2014. 62 s.

Täs A4-kogohizes kirjas on äijy värikästy kuvua da kižua da harjoitusta, kudamien tarkoituksennu on tartuttua mieleh tavallizii sanoi da sanondoi. Sanaluvettelos on 669 sanua karjalakse da niilöin kiännökset ven'akse da suomekse. Suuri vuitti kižois on aijembi piässyh ilmah Kipinä-lehtes da on luajittu lapsih niškoi, a samoi sanoihäi aiguzetgi suuspäi piästelläh.

[Sinilind]

Kusbo voi kniigua ostua Suomen puolel rajua? Karjalan Sivistysseuran saital ei nävy.

[mp]

Onnuako KSS:späi sidä pidäs ruveta suamah, ku hyö ollah avvutettu ilmahpiäständäs. Iče ostin kirjuttajal 10 eurol, rubl'uhindu on huogiembi, pidäy vaiku panna parikku libo tegopardu piäh da ostua ven'akse murdajen.

[mp]

Täs kohtas himoittau mustoittua: Älgiä unohtakkua tädä kniigua, kudamas on kudakui saman verran sanua da on parembi kiini tämän päivän arres!

[Sinilind]

Emmo unohta – ga suanougo alenduksen tegoparral? Minä moizen jo hommain; nuaburin akku nygöi on plieššipiä. Ven’alazeh aksentah vie pidäy harjavuo. Vagavah sanuo, Marian kniigastu minul ei vie ni ole. Passibo mustoitukses, mp!

Toivon mugah KSS terväh algau myöndän, ku minul himoittau omua sanalipastu avata.

(KKK, KKS, KSS, SKS i m.i... olengo ainavo, kenen piä nämmien lyhendyksien periä on ihan segavuksis?)

[mp]

(KKK, KKS, KSS, SKS i m.i... olengo ainavo, kenen piä nämmien lyhendyksien periä on ihan segavuksis?)

Sit ollah vie KSK, SSK, SKK da SSS. Segopiäzys ei ole harvinastu nämmis joukkolois. Sidäpaiči KKK tarkoittau Kuopion KuljetusKalustuo da Ku Klux Klanua.

[Sinilind]

Nygöi suau kniigua Karjalan Sivistysseuraspäi: http://www.karjalansivistysseura.fi/kauppa/sanalipas/

Maksau 15 €; pardupluanu vikse ei olle vältämätöi.

[mp]

Hyvä ku rubieu Suomesgi suamah. Petroskois sidä suau 10 eurol parrattahgi. Da parranke da rublienke, passibo Putinale, sidä nygöi suau viegi huogiembal migu kuukauzi tagaperin.