Karjalan Kielen Kodi:
Nouzou ku nostetah
Karjalan Kelen Kodi, 126 s.
Kirju Karjalan Kielen Koin srojindas on painettavannu da kodvazen peräs piäzöy ilmah. Sidä voi ostua KKK:n tapahtumis da tämän kirjuttajalgi (ozuteh löydyy opastajat.net:an luvettelos tmp tiijostos ozuteh.jpg). Kirjan hindu menöy kogonah KKK:n srojindah. Tarkembi konzu kirju piäzöy painamospäi. Kirjan algusanat:
SyväindöTämä kniigaine dokumentiiruiččou erähän projektan ruaduo, konzu se on vie allus, Karjalan Kielen Koin filosoufistu da konkriettistu fundamentua.
Karjalan Kielen Koin muamo da primus motor sellittäy koin idejua da sen kehittymisty: luadie kodi, kus karjalan kieli hyvin eläs.
Eri-igäzien kyläläzien pagizutteluloin tarkoitus on vallottua karjalan kielen ``ekolougiedu'' da stuatusan kehittymisty voinan aijois nygyaigah. Kui rahvas duumaiččou omas karjalan kieles.
Allus pidi vaiku löydiä nengoine taloi, kudaman seinih karjalan kieli kodi vois azettuo. Löydyigi, a vuvven peräs ozuttihes, ku pidäy srojie kogonah uuzi kodi. Arhitektoroin paginois šeikuijah, kui azuo hyvä kodi.
Karjalan kielen srojindas subotniekat ollah ei vaiku vältämätöi eziruado, a oza tavoitehtu --- ottua oza omih käzih. Tiettäväine nygyaigazes srojindas pidäy ammattiruadajiigi, da dengua. Kuvakerdomus srojindas sellittäy piäkohtii ruavon eistymizes.
Srojindan kuvasanakniigaine on ylen vajai ezimerki karjalan kielen tävvendämizes nygyaigah pädijäkse. Moine ruado, äijiä leviembi da syvembi, pidäs ruadua joga alal.
Karjalan Kielen Koin tarkoitus ei ole seinät, a toimindu seinis.Toimindan tavoittehii on kirjutettu Karjalan Kielen Koin ustuavah, a se on vie loitton tozi ruavos. Kui sidä vediä? Midä pidiä mieles, ku iče Karjalan Kieli ei puuttus maguamah toppukazah saruan tuakse sil aigua, ku karjalan kielen kannattajat pruaznuijah koin zualas?
Kirjan fotokuvat ollah Martti Penttozen da kuvasanakniigan kuvat ollah Tatjana Kuznetsovan. Ustuavu on Jelena Filippovan kiännetty. Passiboičemmo Natalja Sinitskajua kohendusluvendas.
1 Mi se on, Karjalan Kielen Kodi?....... 1
2 Kodiväin paginoi ..................... 5
2.1 Galina Isakova da Anni Zaharova .... 6
2.2 Vasilii Zaharov ................... 14
2.3 Valerii Ivanov da Vera Ivanova .... 17
2.4 Tamara Lutoškina .................. 24
2.5 Nadežda Zaitseva .................. 27
2.6 Aleksandr Karpov .................. 31
2.7 Nadežda Stafejeva ................. 36
2.8 Andrej Savinskii .................. 42
2.9 Anni Izotova ...................... 47
2.10 Irina Čakkojeva .................. 51
3 Hyvin nostua kodi ................... 55
4 Karjalan Kielen Koin srojindu ....... 65
4.1 Srojindupiätös .................... 65
4.2 Vahnu kodi piälpäi ................ 65
4.3 Vahnan koin sydämes ............... 69
4.4 Riičindy .......................... 69
4.5 Jygei piätös ...................... 72
4.6 Uuzi algu ......................... 80
5 Karjalan kieldy nostamah ............ 87
6 Srojindan kuvasanakniigaine ......... 89
7 Karjalan Kielen Koin ustuavu ....... 107
