srojindusanastuo luadijes

karjalankielizii kniigoi, lehtii, cdromoi, ...

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

srojindusanastuo luadijes

Viesti Kirjuttai mp »

Kehittelen mieles KKK kirjua, yhtenny ozannu srojindusanastuo. Täl nedälil äijän aigua on mennyh "hakkeroindah". "Kirpičöin" telefonan operuattorusistiemua päivittäjes, äijän tölmin senke. Sit himoitti ohjelmoija, kohendua erästy kuvienozutteluohjelmua. Sanouhäi eräs nuori naine, kudai kuhkuttau tyttölöi ohjelmoimah: "Ohjelmoiče iče libo roi ohjelmoijukse!"

Ga vähäzen kergein srojindusanastuo vedämäh edehpäi. Vähäzen olen kuvii lizännyh a kymmenii kuvii pidäs vie suaha. Da erähih kuvih voi liittiä moni sanua. Piätin lizätä suomen da ven'an bokkukielikse. Ozakse sentäh, ku Ven'an karjalazet erähiči duumaijah istin karjalastu sanua suomelazekse, hos sidä sanua ei suomes käytettäsgi. Da toizin päin. Ga se 3-kielistämine on vie ihan allus. Nygösty ruadoversiedy suau kaččuo ozuttehes opastajat.net/.peitto/srojindu.pdf Suau ilmoittua hairavolois da ehtotella nygyaigazen srojindan sanoi, kudamat vältämättäh pidäs lizätä.

Käyttäjän avatar
mp
Viestit: 2108
Liittyi: 05 08 2008, 19:45

Re: srojindusanastuo luadijes

Viesti Kirjuttai mp »

Nygöi sanasto jo on 3-kieline, a syväindös on vie äijäl tävvendettäviä da kohendettavia. Tiä sidä nygöi suau kaččuo.

Maria

Re: srojindusanastuo luadijes

Viesti Kirjuttai Maria »

Html-sivunnu lumias nävytäh kai vierekkäi olijat kuvat da telstat toine toizen piäl.. Pdf:nny suas kaččuo tälgi vehkehel :P Olen oppinuh duumaija sanua, no yksi pikoi pikkaraine mieleh juohtui. Sie on boltua, gaikkua, no silmäh minul ei puuttunuh ku olis 'prikka' (libo 'aluslevy','prikka' libo 'rikka' tiettäväine ruoččilazes sanas tulou)

Käyttäjän avatar
mp
Viestit: 2108
Liittyi: 05 08 2008, 19:45

Re: srojindusanastuo luadijes

Viesti Kirjuttai mp »

Maria kirjutti: Sie on boltua, gaikkua, no silmäh minul ei puuttunuh ku olis 'prikka' (libo 'aluslevy','prikka' libo 'rikka' tiettäväine ruoččilazes sanas tulou)
"O-rengas" sanuagi käytetäh. Ezmäi duumaičin ku tämä on mahtotoi kyzymys, a sit lövvin sanan ičen kiännetys julguamattomas Oxfordan kuvasanakniigas (Markianoval silloi äijän kyzelin). Sie oli sanat "välilevy" da "proklatku". A proklatku sanua käytetäh merkičykses "tiiviste". Srojindan suomi-anglii-ven'a kuvasanakniigas "aluslevy" ven'akse on "prokladka-šaiba". Boiko-Markianovan ven'a-karjal sanakniigu tariččou "prokladka" sanale kiännösty "proklatku" libo "välisloja". A sana "saiba" yksingi tarkoittau, paiči jiärkuroimerkičysty, boltan aluslevyy. Sendäh otan tämän kannan: "aluslevy" karjalakse on "välilevy" libo "šaibu". Pidäy panna nenga srojindan kuvasanakniigah.

Maria

Re: srojindusanastuo luadijes

Viesti Kirjuttai Maria »

Sähköazendamizeh liittyjiä sanua ei äijiä olluh. Pidäsgo niidy olla? Juotosaparattua duumaičin, ku suomekse eihäi 'hitsaaminen' da 'juottaminen' ole sama dielo. Karjalaksego käytetäh samua sanua? Nämih aparuattuloih vois tiettäväine ližätä nengozii ku 'hitsauspilli' i m.i.

Käyttäjän avatar
mp
Viestit: 2108
Liittyi: 05 08 2008, 19:45

Re: srojindusanastuo luadijes

Viesti Kirjuttai mp »

Hyvän sanan valličitgi. Jo luvetteloh pannes ečittelin "hitsata" sanan vastinehtu karjalakse. Ainavon ezimerkin lövvin SU-seuran sanakniigas, kus mainittih "metaloin" keittämine yhteh. Juottamine da "hitsuamine" ollah sama ilmivö, iellisty käytetäh madalis lämbötilois sulajih metaloih, jälgimästy korgiembis lämbötilois sulajih. Kaikis kielis eruo ei luajita - romanizis kielis kumbastugi vaiku "sulatetah". Kaččelin tukkuu sanakniigoi, midä sanua "hitsuamizes" käytetäh. Suomen sanahäi tarkoittau hiiluttamistu (laihin germuaniespäi), mugai ven'an sanas on sama "vari" kui varen'n'as. Virolazet keitetäh kui SU-sanakirjan mugah karjalazetgi. Ruočis, germuanies da anglies pohjannu on "higi", romanizis kielis sulatetah. Sanoin valličendas minul giidannu on olluh srojindan suomi-anglii-ven'a kuvasanakniigu da toizennu KKK:n ruavon eistymine, mittustu sanua vastah tulou. Luvettelos joudas ottua iäre "kirkan" jyttymii tarbehettomii sanoi da löydiä puaksuh tarvittavii sanoi, hyvä ku piäzis nenga kahtehsadah sanah.

BUTTON_POST_REPLY