Karjalazil očkil

[mp]

Ečittelin tänäpäi opastajat.net/luvekkua arhiivua da panin nägyvih tukun kirjutuksii, kudat sie oldih ga ei nävytty luvettelos. Erähät opastundukniigat da äijät omis kirjutuksis ei nävytty, a nygöi nävytäh täs luvettelos. Olen duumainnuh kerätä net kirjutukset, kuduat ei olla vahnattu, yhteh tukkuh da editiiruija kniigazekse, nimikandiduattugi on: "Karjalazil očkil". Löydynöygo kniigale yksi libo kaksi lugijua?

[Pekoi]

A täs yksi!

[mp]

"Karjalazil očkil" kirjan syväindö on tämän nägöine.

Lopus on vie yksi paha kiännettävy da vaigei kirjuttamatoi kirjutus. Da kohendettavua mones muusgi kohtas.

[Maria]

On kaksigi lugijua

[mp]

Lizäin kaksi uuttu kirjutustu täh kirjah. Toine on kirjutus kanzoinvälizis ristikanzanoigevussobimuksis, kudamis jo pagizin videol. Toine on matemuattine johtando kvantučotaičendah, kudamua suau kaččuo täs pdf-tiijostos. Pidäs vie kiändiä EN vähembistökielien peruskirju tämän kirjan liittehekse. Se on aiga ilgei ruado da viey aigua. Ku ken tahtonnou kačella kirjan käzikirjutustu enne lopullistu kohendusluvendua, voizin työndiä 1-2 hengele. Erähičči riputin kniigan käzikirjutuksen kodvazekse kačottavakse. Erähän päivän peräs huomain ku se jo oli sotsializoidu muile sivuloile lubua kyzymättäh. Ei kahtu kerdua samua hairavuo.

[mp]

Prostikkua ičekseh pagizendu. Ičenke kiistelemäl hommu eistyy. Kniigan syväindö on vähäzen kazvanuh. "Tulieh aigah" luvun Tiedotehniekku-kirjutus on vie kiändämättäh karjalakse, Vähembistökielien peruskirjan zakontekstan kiändämine on vie ihan allus. Erähii kirjutuksii olen siirrellyh. Uskon ku rakendeh jo ei äijiä muutu. Nenga kuukauzi libo kaksi vie menöy kačelles.

[mp]

Europan Nevvoston vähembistökielien peruskirjan kiännösty livvikse pdf-formuatas suau lugie täs ozuttehes. Varmah on vie kohendettavua. Myöhembi pidäs panna html:kse.

[Olói]

Mibo on tämän peruskirjan nimi anglien kielel?

[mp]

Angliekse sobimus 148 on "European Charter for Regional or Minority Languages". Kiännöksii on 54 kielel, joukos meänkieli da saami. En tiijä voisgo karjalaksegi sinne tarita, a sen jälgeh tiettäväine nostas vuadimukset, mindäh ei ole toizil murdehil. Kompromissu murdehien välil on - vouse ei karjalakse.

[mp]

Tämä tekstu on kiännös julgavos "ICT at service of endagered languages", kudai segi vie löydyy opastajat.netas. Kiännin sen "Karjalazil očkil" kirjah pandavakse.