Karjalan kieldy opastundukerhos 2009-2010

[Kirilä]

Lapinlahel Kaskikuusen rahvahanopistos rodieu kursa sygyzyl. Joga nel'l'äs päivy kerävymmö yhteh opastumah 18-19.30. Enzimäine kerdu on 17.9. Kursa pysyy elävälleh gu 5 hengie on opastumas joga kerdu. Kaččommo sit sygyzyl äijängö roih rahvastu da äijängö on himuo opastuo gu opastai olen mie Enämbi tovessah olen keral opastui. Onnuako puuttuu kursal pättävämbyä pagisijua, opastujua kui mie, toivon ku puututah!

Tulgua terveh opastumah!

[mp]

Huom. Javoin endizen teeman "Karjalan kieldy opastundukerhos" kahteh palah sikse ku, eroittus parembi nygöine školavuvven 2009-2010 tilandeh.

Opimmo kerätä tieduo, kus pietäh karjalan kielen kursii ruavahile sygyzyl 2009. Kirilä jo saneli, ku

• Lapinlahtes

moine kursi algavuu 17.9.

Kari Koslonen ižändöiččöy kursiloi

• Kuopios,
• Pielaveil da
• Leppävirral.

Raija Pyöli pidäy

• Lahten Wellamo-opistos 14-čuassuhizen livvin jatkokursin liga-kylmykuus.

Al kirjuttau Manutar, ku

• Jovensuus jo algoi ruavon karjalan kielen opastundukerho.

• Helsinkin kielikerhos opastajattah kävyy kymmene hengie.

Zoja Ivanova buite pidäy karjalan kielen kursii

• Lieksas da
• Juukas.

Zojahäi tožo on Nurmeksen kielipezän emä

• Petroskoin kul'tuurukeskukses opastau Jelena Filippova. Kursile tuli 30 hengie.

• Jämilahten rahvahanopistos 12.2.-27.4.2010 55 čuassuu, opastajinnu Evgeni Karakin da Darja Kuznetsova, ilmoitus al.

Anuksen kielikursin dengat söi počči. Allettanehgo opastuo Helsinkin tabah?

[Pedrunnybly]

Kirilä, lykkyy sinulles i opastundukerhol! Putin opastai ei nikonzu voi olla kaikentiedäi, a iče ainos opastuu.

[Manutar]

Meil Jovensuus on tänäpäi opastundukerhon enzmäne kurzaildu. Yhtes duumuammo mitä dieloloi himottau kurzal käzitellä.

[Pedrunnybly]

Kirilä, kuibo ollah dielot sinun livvin kursil? Äijägo on rahvastu? Sanele meil, gu ylen himoittau tiediä!

[Kirilä]

Terveh kaikil da prostikkua ku en ole kirjuttannuh täl formul puaksuh. Meil Lapinlahel Karjalan kielen kursal on 18 opastujua da duumaiččen se on hyvä miäry. Olemmo oppinuh opastuo kui karjalan kieleh muga karjalazeh kultuurah. 3 nedälie tagaperin pastoimmo šipainiekkoi da tossupiän 3 päivy talvikuudu piemmö yhteisruavos Lapinlahen karjalazien ker rastavan iellizet illaččut. Siel pajatammo, sanelemmo runoloi, ozuttelemmo ozutelman da vie erähän šuutkan da kai tiettäväine omal armahazel muaman kielel.

Opstujii on, pidäy sanuo, kaikenjyttyzii. Sendäh opastamises on vähäzen probliemua. On erähii, kudamil karjal on läs muamankieli da hyö ollah ylen voikoit. Sit on erähii, kudamil ei ole karjalazii juurii vai heidy ylen mieldy kiinnittäy karjalan kieli. Kai opastajat ollah put'in ruadajii da ainos on kodiruavot ruattu da vie vähäzen enämbi. Kielen opastamine on jygei sežo sendäh ku läs kai materjualu on iče hommattava libo se on ečittävis hos kus. Matrerjualuo on äijängi vai net ei olla ainos pättävät urokuil. Niilöi pidäy äijän kohendella. Vai rakkahal ruan da hyväs mieles

Kirilä

[Ruisräkäččy]

Lykkyy da ozua teil Lapinlahteh. Ylen mugavu kuulta sto kielikursa on hyvin piässyt alguh.

Tiä Pohjanmualgi himoittausi ylen äijäl opastua karjalan kieldy (livvi), vai kursa pidäysi suaha käyndih. Nu, rahvahanopistoh elektropostua työnnin i telefounalgi heil zvonin, vai vie en ni midä varmakse tiijjä. Opastaigi olisi tiijjos, da häi ylen pädevy opastamah olisi. Nu, nähtäväkse jiä suahango kursaa tuleval sygyzyl. Tiettäväine opastujiigi pidäysi kursal tarbehelline miäry suaha. Nygöi vai pidäy ylen toivehikas olla.

[mp]

Jämilahten rahvahanopistos pietäh karjalan kielen kursi:
12-14.2.2010 15 čuassuu
16.2.-27.4.2010 nelli čuassuu nedälis (10 kerdua)
kaikkiedah 55 čuassuu. Hindah 70 euruo kuuluu opastundukniigu. Opastajinnu ollah Petroskoin yliopiston opastujat Evgeni Karakin da Darja Kuznetsova. Tieduo kursilois andau kursisekretari Meri Wilenius, kurssisihteeri@jamilahti.com tel. 05-755 6623.

[Manutar]

Joguhizen sanan työnän opastundukerhon ruavos tiä Jovensuuspäi.
Joukon vedäin ongelmu on moine: gu en äijiä malta kielioppidieluo, olemmo vai
yhtes kiändännyh monenmostu tekstuo, runozii, ozutelmii, pajoloi.
Pajoloi kuuntelemmo da ice pajatammo.
Oma Mua -lehtie olemmo kodiruadonnu lugennuh da sit omua lugemistu ezitellyh kerhos.
Toine tostu avvutammo, toine toisil opastajannu olemmo. Ylen vessel meil urokoil ainos on.

Na, tämä hyvä. Vai kuibo suammo kerähmöh uuttu vägie? Se äijän minuu pidäy huoles,
midä meil on uuzil tulokkahil annettavuo? Varattau, olemmogo gu mustas kylys, sisäh
päi lämbiämmö...

[mp]

Ylen hyvä kuulta, ku teil on vesseliä opastundukerhos Jovensuus, eihäi ainos tarviče olla "stahanovilaine". Segi hyvä teijän kerhos on ku työ yhtes kävyttö Karjalas. Minun mieles Oma Mua lehti toinah on paras dielo midä karjalazile on tapahtunuh jälgimäzen kahtenkymmenen vuvven aijannu - joga nedälii tulou pakiettu karjalankielisty tekstua, mi pidäy karjalan kieldy kiini täs aijas. Mustu kyly fenoumenu vikse on jogahizen opastundukerhon varavo. Voizigo olla kerran kaksi vuvves mittustutahto avvoimien veräjien tapahtumua, kudai vedäs kaččomah uuttu, suhtehellizes da absoluuttizes mieles, kielen opastujua.