Sivu 1, 2:s

Karjalankieline paginkluubu Kuopios

Työnnetty: 07 06 2018, 16:41
Kirjuttai mp
Piätimmö panna alguh karjalankieline paginkluubu Kuopion Linnas. Enzimäine kerdu on pyhänpiän 17.6.2018 12-14 čuasul Monikul'tuurukeskus Kompasas, Hapelähteenkatu 33, Kuopio. Sie meidy ylen hyvin vastattih. Rubiemmo kerävymäh samah aigah pyhäpäivin joga toine nedäli. Kuopios on Karjalan evakkoloi da heijän lapsii, kuduat maltetah karjalakse paista, on i ruavahienopistos opastunnuzii da Ven'an Karjalaspäi muuttanuzii, ku vai heijät löydäzimmö. Kezä on meil vie opastunduaigua, ku olizimmo sygyzyl valmehet täydeh vauhtih. Käytettävis on suuri TV-ekruanu, kudaman vuoh voizimmo pidiä video-yhtevytty toizis kohtis, rajan tagangi eläjien karjalazienke. Kuččujat Aleksi Ruuskanen da Martti Penttonen. Voibi kyzellägi, mp +358 45 137 24 86.

Re: Karjalankieline paginkluubu Kuopios

Työnnetty: 08 06 2018, 19:20
Kirjuttai kat't'i
En iče piäse Kuopioh, ga olen duumainnuh, što moine "kieličuppu" pidäz luajie Helsinkihgi. Olemmo nygöi pluaniiruinnuh täh niškoi universitetas, ga vaste sygyzyl rubiemmo kerähvymäh.

Re: Karjalankieline paginkluubu Kuopios

Työnnetty: 18 06 2018, 13:51
Kirjuttai mp
Paginkluubu kerävyi enzimäzen kerran Kuoion Monikul'tuurukeskus Kompasah 17.6.2018 12-14. Meidy tuli paikale 4 ristikanzua, kudamua sanozin 200% menestyksekse - on tiijos toizii kuduat tullah toizel kerral, a täl kerral ei piästy. Pagin meni kaiken aigua karjalakse, mih niškoi kluubu ongi olemas. Ymbäristö on meile pättävy. Suurdu ekruanua tiedokonehenke vois käyttiä videonevvotteluloih toizien kluuboinke. Sovimmo uvven vastavundan piettäväkse pyhänpiän 8.7.2018 12:15-14 čuasul.
Kuva

Re: Karjalankieline paginkluubu Kuopios

Työnnetty: 09 07 2018, 11:48
Kirjuttai mp
Toizel kerral pagizijua tuli 6:
Kuva
Jatkammo 22.7.2018 12:15-14.

Re: Karjalankieline paginkluubu Kuopios

Työnnetty: 23 07 2018, 18:23
Kirjuttai mp
Kolmandel kerral meidy oli 5.
Kuva
Uvvessah tuaste 5.8.2018

P.S. Oigei päivy on täh kirjutettu pyhäpäivy 5.8. Aijembi oli viäry.

Re: Karjalankieline paginkluubu Kuopios

Työnnetty: 05 08 2018, 17:22
Kirjuttai mp
Tänäpäi 5.8.2018, räkel, paikale tuli 4 pagizijua. Kaikkiedah meijän kluubas on nähty 10 rožua.Teemat tuttavundua, kyzymyksii karjalan kieles. Syvyskuus toinah rubiemmo ottamah edukädeh valmisteltuloi teemoi. Vastavummo tuaste pyhänpiän 19.8. 12 aigah.
Kuva

Re: Karjalankieline paginkluubu Kuopios

Työnnetty: 20 08 2018, 19:59
Kirjuttai mp
Vijjenden kerral 19.8. paikale tuli keskiarvon mugaine 5 hengie, salmilastu, suojärvelästy da suistamolastu.
Kuva
Tuliel kerral 2.9. allammo paginat teemanke. Iče pagizen opastajat.net:an roindas da syväindös.

Re: Karjalankieline paginkluubu Kuopios

Työnnetty: 04 09 2018, 19:40
Kirjuttai mp
2.9. meidy oli nelli, uvvessah 16.9.

Re: Karjalankieline paginkluubu Kuopios

Työnnetty: 17 09 2018, 19:48
Kirjuttai mp
16.9. meidy oli paikal vaiku 3. Teemannu oli Karjalan Kielen Kodi, histourii alguhpanendas toimindassah. Ga hyvät paginat meil oli täsgi teemas. Täs edehpäigi kluubu kerävyy joga toine pyhäpäivy, puarattomil nedälilöil, Kompasas 12-14.

Re: Karjalankieline paginkluubu Kuopios

Työnnetty: 04 10 2018, 16:00
Kirjuttai mp
30.9. sežo 3, vuotammo ku roudu ajas počit kodih. Pyhäpäivy 12 parittomat nedälit.