Sivu 1, 1:s
Jelena Ruppijeva: Liygii livvikse. Livvin jatkokursu
Työnnetty: 27 05 2018, 19:03
Kirjuttai mp
Jelena Ruppijeva:
Liygii livvikse. Livvin jatkokursu
Periodika, 2017, 175 s.
Tämä on jatko-oza
Liygii livvikse livvin algukursale, kudai piäzi ilmah vuonnu 2016. Kui sidä, mugai tädä kniigua rekomendiiruičes. Sanastuo levendetäh da kielioppii opastutah ielleh konditsionualan imperfektah ta refleksiivuverbilöissah. Harjaituksii da ezimerkilöi on äijän, ga niilöi olis hyvä kaččuo opastajanke. Lena sanou ku terväh piäzöy ilmah vie jatko-oza
Kielilippahaine, kudamas on äijy teemua da harjaitustu, kuvienke.
Re: Jelena Ruppijeva: Liygii livvikse. Livvin jatkokursu
Työnnetty: 27 05 2018, 21:59
Kirjuttai Pekoi
A,kuibo tädä suau?
Re: Jelena Ruppijeva: Liygii livvikse. Livvin jatkokursu
Työnnetty: 28 05 2018, 17:30
Kirjuttai mp
En tiijä suaugo kus, a Periodikan kirjoi voi ostua Petroskois Periodikas, sie kus Oma Muagi on. Oman palan kirjua ostin 500 rubl'al Vieljärves Karjalan Kielen Kois.
Re: Jelena Ruppijeva: Liygii livvikse. Livvin jatkokursu
Työnnetty: 07 06 2018, 16:29
Kirjuttai mp
Rubiemmo Lenanke luadimah Liygii livvikse kirjoin harjaituksile tiedokonehversiedy, nengomii kudamih opastajat.net:an ezisivul vihjatah.
Re: Jelena Ruppijeva: Liygii livvikse. Livvin jatkokursu
Työnnetty: 24 06 2018, 10:01
Kirjuttai mp
Jo luajiin tiedokonehharjaitukset, Lena rubieu syväindyö tarkastamah. Pahakse mielekse tämägi kirju on ministerstvan tuvettu da sendäh sidä ei nikus suas myvvä, pidäy kyzyö Rahvahallizen Politiekan da Uskondollizien Liittoloin ministerstvas, ku sie annetanneh ilmai. Kui Sinilind sen sanou, "hyvin peitetty on puolikse hävitetty". Pidäy vie sellittiä, ongo tolkullistu tabua suaha se kirju. KKK:s on eräs pala, a heidygi on ministerstvaspäi čakattu myöndäs.
Re: Jelena Ruppijeva: Liygii livvikse. Livvin jatkokursu
Työnnetty: 05 08 2018, 17:33
Kirjuttai mp
opastajat.net:an edusivule on jiävinnyhes
Liygii livvikse linki. Sie lövvytäh linkit Lena Ruppijevan Liygii livvikse algukursan da jatkokursan verkoversielöih - mollembien painokset onnuako jo ollah loppuhmyövyt. Da linki jatkokursan
tiedokonehharjaituksih, kudamat ollah täl sivustol, Lenan da tämän kirjuttajan ruatut. Ongo tämä ladvas puuh kiibiemisty ku algukursah ei ole harjaituksii? Pidäy duumaija. Ilmoitakkua ku ollou midä probliemua kačondas. Pidäs ruadua enimis livaimis, kudamis on javascript.
Re: Jelena Ruppijeva: Liygii livvikse. Livvin jatkokursu
Työnnetty: 07 08 2018, 21:08
Kirjuttai mp
Sain Lenaspäi Liygii livvikse algukursangi tekstan tiedokonehharjaituksien luadimizeh niškoi. Toinah erähien nedälilöin peräs...
Re: Jelena Ruppijeva: Liygii livvikse. Livvin jatkokursu
Työnnetty: 13 08 2018, 10:50
Kirjuttai mp
Nygöi mollembih Jelena Ruppijevan
Liygii livvikse kirjoih on tiedokonehharjaitukset, kuduat (kui kirjatgi) lövvytäh
https://opastajat.net edusivun kauti. Mollembis harjaituksis on nenga 800 testuvirkehty. Algukursan harjaitukset vastevai valmistuttih da sie voi vie olla hairavoloi.
P.S. (18.8.2018) Nygöi jo on tarkastettu, onnuako jo äijii hairavoloi ei pidäs olla.