Pluanoi vuvvele 2016
Työnnetty: 03 01 2016, 20:31
Ei ole olluh tavannu luadie uvven vuvven lubavuksii eigo tädägi iänehajatteluu pie nengomakse ellendiä. Ga pidäy orientiiruijakseh lähikuuloikse, vuvvekse da lähivuozikse, ku pyzyö tolkus da raizivol. Kielidielot minul iellehgi ollah "piäruavonnu". Lähinedälilöin aijannu piädielo on sanakirjan päivitys. Sen jälgeh pidäs päivittiä "Tiedotehniekku" kniigu. Kommunikatsien puolel on äijy muutostu da sen opastundas da sellittämizes on ruaduo monekse kuukavvekse. Taga-ajatuksennu on tiedotehniekan opastumine da tiedotehniekan käyttö opastukses. Kui vois todevuttua "internetturahvahan opisto"? Sen jälgeh huavehennu olis luadie anglii-versii sanakniigas. Da kaiken aigua kielioppiprojektan abuniekannu. Toinah muudugi pienembiä kirjallistu ruaduo. Nengomis vezis uidelen, a kui sanottu, nimidä en ole uskaldanuh.