lugemah opastumine
Valvoi: verkomuagari
- mp
- Viestit: 2108
- Liittyi: 05 08 2008, 19:45
lugemah opastumine
Tuandoi KKS kyzyi minuu käymäh Jyväskylän yliopistol Heikki Lyytizen paginal, voisgo heijän Ekapelii sovittua karjalan kielen luvendan opastamizeh. Hyö sidä idejua kannatettihgi. Ga heil nygöi menöy ohjelmiston sugupolvenvaihto - tavoittehennu olis suaha helpo siirrettävys eri tiedokonehih - da sendäh karjalankielizen versien luajindu hätkestyy tundemattomah tulieh aigah. Sendäh rubein duumaiččemah, maltazingo iče luadie samantabastu ohjelmua ilmai heijän čomii animatsieloi, kuhkutuksii da anualizoi. Erähän päivän opastuin javascriptan foukussiloi (canvasan, hiiren, animatsien da iänen käyttyö) da saingi toimimah "versien 0". Senke voi opastuo tunnustamah pitkät vokalit. Ku vastah ei tulle uuzii vaigevuksii, helposti vois luadie yhtenjyttymät harjoitukset lyhyzile vokaliloile, diftongoile, triftongoile, konsonantoile, tavuloile da erähile sanoilegi. Se toimiu Firefoxas, Operas, Chromes da erähis toizisgi livaimis, uvvembis versielöi, kuduat tundietah html5. Tiä se on.
P.S. http://opastajat.net/opastus/lugemine/pitkat.html
P.S. http://opastajat.net/opastus/lugemine/pitkat.html
Jälgimäi muutti 1 päivänny mp, muutettu kaikkiedah 14 kerdua
Re: lugemah opastumine
Hyvin ruadau! Hos maltangi pitkät vokalit, yksikai en kaikkie suannuh oigei... Gu tahtonetto kaččuo kui Suomes Ekapeli opastau immigrantoi suomen kieleh, kaččokkua tiä: http://www.lukimat.fi/lukeminen/materia ... anmuuttaja
- mp
- Viestit: 2108
- Liittyi: 05 08 2008, 19:45
Re: lugemah opastumine
Ollougo viga lugijas iändäjäs vai ohjelmoijas? Ku ei löydyne hairavoloi, rubien liziämäh diftongoi, triftongoi, konsonantoi, tavuloi da sanoi. Ven'an karjalazile vois olla hyödyy.
Re: lugemah opastumine
Minägi tädä aijembah päiväl kižates en suannuh kaikkii oigieh. "ää" minun korvah ihan tuli kui "ee". Nygöi uvvessah kižates enämbi eulluh probliemua. Onnuako omat korvat parettih libo midätahto kohendettih? Yhtelläh putilleh ruadau. Ekapelis olen kuulluh äijy hyviä. Toivon mugah se tottu suahah karjalakse, eigo jiä vaiku uskalduksekse. Sidä vuottajes nengoine kiža olis hyvä lizävys muijen saitan kižoin rinnale.
Re: lugemah opastumine
en ni minä kaikkii iänii ellendänyh. Ongo tämä jo harjoitus? Ozuttau progruammu ezmäi vaiku yhten kirjaimen da iäni sanou mi kirjain se on?
- mp
- Viestit: 2108
- Liittyi: 05 08 2008, 19:45
Re: lugemah opastumine
Toinah pahoi iännin. Ga tässah zobotannu oli suaha ohjelmu toimimah, luvin pitkät vokalit vaiku kiirehel yhteh kerdah. Konzu ohjelmu on valmis "tuotandoh", toinah kyzyn čomembua iändy lugemah. Tehtäväthäi ollah, kui Lyytizen Ekapelis, kuulta iäni ja vallita hiirel sidä vastuaju tekstuvaihtoehto. Tunnustehtävii Ekapelis ollah yksittäzen iändehen (vokali libo konsonantu) tunnustamine, pitkän vokalin, diftongan, triftongan, sit iännehgruuppien (tavut, sanat) tunnustamine. Ga ei minulegi ihan helpo olluh kerras tunnustua kaikkii Ekapelin iändehii, ezimerkikse yksinäzet konzonantat ollah vaigiet, oppikkuasvai sanuo yksi h libo yksi t.
Minun ohjelmu on ylen yksinkerdaine: vaiku yksi A4-sivu javascriptua. Se valliččou satunnazesti yhten tehtäväh kuulujis iändehis (ezim. vokalilois),
iändäy sen da panou kirjainvaihtoehtot pakkumah. Niilöis pidäy hiirel vallita oigei. Sit konzu (hairahtuksien jälgeh) oigei on löydynyh, se valliččou uvvessah satunnazesti i m.i.
Yksi kohendus ohjelmah pidäy vie luadie. Konzu vaihtoehtoloi on äijy (ezim. konzonantoi libo diftongoi), yhteh tehtäväh pidäy vallita ozutettavakse satunnazesti vaiku ozajoukko kaikis iänis da nämien joukos satunnazesti yksi kyzyttäväkse. Toinah nenga kymmene lizärivii ohjelmah. Oigies Ekapelis on monenjyttymii värikkähii animatsieloi, čökkehien laskendua, tehtävien vaigevutandua eistymizen mugah, "palkindoloi" i m.i. ku lapset ei terstavuttas. Sih en rubie, vähä on jällel eloivuozii, kui kuvas nägyy.
Tämän todevutustavan valličen sendäh, ku Javascript 'canvas toimiu läs kaikkien livaimien uuzis versielöis, onhäi se W3 organizatsien standartois. Samsungan Android-telefonan omas livaimes se ei toimi a Firefox-livaimes toimiu. Jolla-telefonan omas livaimesgi toimiu.
Minun ohjelmu on ylen yksinkerdaine: vaiku yksi A4-sivu javascriptua. Se valliččou satunnazesti yhten tehtäväh kuulujis iändehis (ezim. vokalilois),
iändäy sen da panou kirjainvaihtoehtot pakkumah. Niilöis pidäy hiirel vallita oigei. Sit konzu (hairahtuksien jälgeh) oigei on löydynyh, se valliččou uvvessah satunnazesti i m.i.
Yksi kohendus ohjelmah pidäy vie luadie. Konzu vaihtoehtoloi on äijy (ezim. konzonantoi libo diftongoi), yhteh tehtäväh pidäy vallita ozutettavakse satunnazesti vaiku ozajoukko kaikis iänis da nämien joukos satunnazesti yksi kyzyttäväkse. Toinah nenga kymmene lizärivii ohjelmah. Oigies Ekapelis on monenjyttymii värikkähii animatsieloi, čökkehien laskendua, tehtävien vaigevutandua eistymizen mugah, "palkindoloi" i m.i. ku lapset ei terstavuttas. Sih en rubie, vähä on jällel eloivuozii, kui kuvas nägyy.
Tämän todevutustavan valličen sendäh, ku Javascript 'canvas toimiu läs kaikkien livaimien uuzis versielöis, onhäi se W3 organizatsien standartois. Samsungan Android-telefonan omas livaimes se ei toimi a Firefox-livaimes toimiu. Jolla-telefonan omas livaimesgi toimiu.
Jälgimäi muutti 1 päivänny mp, muutettu kaikkiedah 11 kerdua
Re: lugemah opastumine
Minä Samsungal Chromel en kuule nimidä iänii täs kižas. Telefonan omal livaimel kuulutah.
- mp
- Viestit: 2108
- Liittyi: 05 08 2008, 19:45
Re: lugemah opastumine
Borčuičendan jälgeh sain ohjelman kudakui nengomakse kui tavoittelin - se on vaiku nenga 80 rivii javascriptua. Väliaigazes paikas nygöi ollah pitkät vokalit (endizil iänil) da lyhyöt vokalit. Pidäy vie proubuija, toinah lövvän vie selgei-iänizen lugijan enne ku sijoitan ohjelman lopullizesti opastajat.net:tah. Täs uvves versies kirjaimet nävytäh satunnazes jälletykses eigo vältämättäh kaikkii kerral (uvvelleh käynnistämäl eri joukko). Ozutettuloi kirjaimiigi kyzelläh satunnazesti.
Tarkoitus olis lizätä vie diftongat, triftongat, tavut da erähii sanoi. Toinah pidäs vie luadie toine pikkaraine ohjelmu, kudai kyzys kirjuttamah luvettuloi lyhykkäzii sanoi näppäimistöl libo virtualinäppäimistöl. Uskon ku nämmä ohjelmat ollah hyövyllizembät Ven'an karjalazile migu Suomen karjalazile, heijänhäi pidäy opastuo latinalaine kirjaimikko.
P.S. http://opastajat.net/opastus/lugemine/vokalit.html
Tarkoitus olis lizätä vie diftongat, triftongat, tavut da erähii sanoi. Toinah pidäs vie luadie toine pikkaraine ohjelmu, kudai kyzys kirjuttamah luvettuloi lyhykkäzii sanoi näppäimistöl libo virtualinäppäimistöl. Uskon ku nämmä ohjelmat ollah hyövyllizembät Ven'an karjalazile migu Suomen karjalazile, heijänhäi pidäy opastuo latinalaine kirjaimikko.
P.S. http://opastajat.net/opastus/lugemine/vokalit.html
Jälgimäi muutti 1 päivänny mp, muutettu kaikkiedah 14 kerdua
- mp
- Viestit: 2108
- Liittyi: 05 08 2008, 19:45
Re: lugemah opastumine
Jo panin konsonantoigi eksperimentustolah. Sanokkua midä etto eroita. Vaigei on iändiä yksinästy konsonantua.
P.S. http://opastajat.net/opastus/lugemine/konsonantat.html
P.S. http://opastajat.net/opastus/lugemine/konsonantat.html
Jälgimäi muutti 1 päivänny mp, muutettu kaikkiedah 14 kerdua
- mp
- Viestit: 2108
- Liittyi: 05 08 2008, 19:45
Re: lugemah opastumine
Tämän dielon kodipaikkah http://opastajat.net/opastus/lugemine/index.html on nygöi linki opastajat.net:an algusivul. Endine tilapäine kodipaikku häviey.