Internetturahvahan opisto?

[mp]

Moine terminy, "internetturahvahan opisto", on ruvennuh mieles pyörimäh. Midä se vois tarkoittua? Voisgo opastajat.net:tua kehittiä sih suundah. Täs segavii duumii kui olen iče sidä ajatelluh.

• Sen pidäs olla ilmaine. Yhteiskundu tiettäväine olis vellallinen huolehtimah vähembistölöin kielioigevuksien todevunnas yhtenjyttyöh kui enimistöngi, ga "kurgi voi kuolta enne suon sulandua". Kaikin kustahto eletäh, dorogoil on äijy mašinua, rahvahal on dengua. Perusinternetan suau 100e telefonal da 3 e/kk tiluandumaksul, äijil olen jo telefonangi nähnyh.
• Kielikursua jo on, kniigannu da internetas. Mittustu vie pidäs? Mittumat muut teemat oldas kiirehellizimät?
• Kursah kuuluu, ku se juoksou aigulistan mugah. Kursah yhtymine tarkoittau sidä, ku se aigu on varattu sih dieloh. Kursan kodiruavot ruatah kursuaijoin välil da kursuaijal ei kävvä jiäškuapal.
• Pidäs löydiä opastusmuodoh pättävät opastusmaterjualat da vehkehet/ohjelmistot, kuduat ollah ilmazet da standartoinmugazet, yksinkerdazet. Tuandoin nostin paginah Zello-ohjelman. Se onnuako pädis moneh kursah da ruadas 3 e/kk 3g-internetas.
• Toinah pidäs olla yksi vastuolline opastai, libo opastujien joukos vallittu vedäi, kudai čotaiččis ket ollah paikallah. Pidäsgo vie olla egzuamen da hos omategoine vedäjän luajittu tovestus/tavarsellites. Moine ebävirrallinegi dokumentatsii vois lizätä motivatsiedu da juohattas siirdymäh edehpäi.
• Tiettäväine, meilhäi on tavoittehennu karjalankieline yliopisto.
• Motivatsii on kaikkii tärgevin. Hristianizman alguaigoih ristittyzet omii kursoi piettih luolis. Valdivo ei andanuh opastundudengua eigo ni 3 euron internettua olluh.

Idejoi?