Viego suammo opastuo karjalua ruadorahvahanopistolois?
Valvoi: verkomuagari
Viego suammo opastuo karjalua ruadorahvahanopistolois?
Myö kaikin tiijämmö, ku karjalan kielen kursiloi taritah Suomes enimyölleh kanzan- libo ruadorahvahanopistolois. Valdivo avvuttau opistoloi i sendäh kursumaksut ei olla ylen suuret, kai rahvas voijah kursiloil käyvä. A nygöi valdivon herrat duumaijah, ei ole dengua sih näh, opistoloil pidäy ottua iäre 20 miljonua euruo. Kanzanopistoloin liitto čotaiči, ilmai 20 miljonua pidäs loppie 90 pienimbän libo 10 suurimban opiston toimindu (Suomes on 189). Praktiellizesti, dengattah jogahine opisto voibi tarita vähembi kursii. Enimyölleh karjalan kursat ei olla suuret, vaiku vähän on rahvastu, i varuan nygöi net enzimäizekse loppietah, ku ollou vähembi dengua. Kanzanopistoloin liitto on luadinnuh internettah kirjaizen opastunduministerstvale, kudaman kai rahvas voijah allekirjuttua. Gu vie tahtonetto käyvvä omah opistoh, allekirjutakkua da puolistakkua omua opistuo! Nedälin aigannu saimmo jo enämbi 5000 nimie http://www.kansalaisopistot.fi/adressi/
Re: Viego suammo opastuo karjalua ruadorahvahanopistolois?
Allekirjutin. Rahvahanopistot ollah ylen tärgiet!
Re: Viego suammo opastuo karjalua ruadorahvahanopistolois?
Samah luaduh duumaičen, sit allekirjutin!
Re: Viego suammo opastuo karjalua ruadorahvahanopistolois?
Jo on suadu enämbi 20 000 nimie nettu- dai bumuaguadressiloih. Vie voibi allekirjuttua, kylmykuun lopus net työnetäh herroile kačottavakse.
Re: Viego suammo opastuo karjalua ruadorahvahanopistolois?
Tänäpäi annettih adressu Opastunduministerstvan Kirsi Kangaspuntale. Saimmo enämbi 42 000 nimie. Passibo allekirjuttajile! Suammo nähtä ollougo midä vaikutustu ministerstvon herroih...