Paikannimet kartal

[mp]

Ečin piälmainitus tetratis luvetellut Anuksen da Priäžän piirin karjalazet kylät da ližäin karjal.html kartale. Nimilöi nygöi on 220 da uskon ku net nygöi ollah kudakui oigein.

[mp]

Istuin vie kodvazen karjalazien paikannimilöinke, a nygöi toinah jo jätän toizile. Luvettelo "Spisok nazvanij naselennyh punktov na russkom, karel'skom i vepsskom jazykah" oli hyövylline ga hairehii oli siegi. Tiettäväine sie ei lövvy koordinuatoi. Kartoi ka­ččelemal sain kazvatettuu paikannimilöin miärän koordinuatoinke 218:sah. Olis vie himoittanuh löydiä Ol'ki, Puavoinmägi, Lökinselgy, Horošoi Vahjärven čupul da äijii toiziigi, ga olgah, ečikkäh muut. Huomain, ku 1926 kyläluvettelos lövvytäh nämmä da 1500 muudu kylän nimie, ga suomelazes muvvos. Karjalan kielen sanakirjan I oza tiedäy, ku suomelazet kerättih jatkovoinan aigua Karjalas 13750 "murdehellistu" paikannimie. Sidä luvetteluo en ole nähnyh, a arbuan ku heile ei päitty nimet kui karjalaine rahvas net sanottih, a hyö niidy suomendettih. Ven'alazis kartoisgi nimen pohjannu on suomelastettu, translitteroindanke kaksi kerdua huonondettu muodo.

Nygöine luvettelo löydyy ozuttehes http://opastajat.net/opastus/paikat/paikat.html. Kirjutin vie yhten ohjelman http://opastajat.net/opastus/paikat/coord2ps kudai kiändäy luvettelon Postscript da ielleh pdf tiijostokse, kudamua voi kačč­uo ekruanal libo työndiä kirjuttimele. Senke luajin kartat http://opastajat.net/opastus/paikat/karjal.pdf, dessoilu.pdf, macarvi.pdf da zhilcoi.pdf. Ei olla ­čomat kačč­uo a net roittih läs käzin koskemattah.

[mp]

Kerran vie Postscriptan käytös. Kogo tämän teeman "paikannimet kartal" tarkoitus oli ozuttua, mindäh paikannimet olis hyvä luvetella koordinuatoinke, kui täs luvettelos
http://opastajat.net/opastus/paikat/paikat.html
Jälgiaijal kirjutin da parandelin pikkarastu Python-kielisty ohjelmua
http://opastajat.net/opastus/paikat/coord2ps
kudai muundau paikkulistan Postscript kirjutintiijostokse, kudaman voi painua kirjuttimel libo ielleh muundua pdf-tiijostokse ps2pdf libo muul muundo-ohjelmal. Ohjelman allus on kirjutettu koordinuatat mittumien välis olijat paikat kirjutetah da mittuzen kogozeh juaššikkah net kirjutetah. Tämän tekstan voibi sit liimata kartukuvan piäle. Paikkulistan, coord2ps ohjelman da maps.google.com kartoinke "piirdelin käzittäh" ezimerkinny erähii Karjalan kartoi:

• http://opastajat.net/opastus/paikat/karjal.pdf paikat valgiel bumuagal (6 KB)
• http://opastajat.net/opastus/paikat/muuanto.pdf Suistamo-Suojärvi dorogattomal kartal (20 KB)
• http://opastajat.net/opastus/paikat/nuozharvi.pdf Nuožarvi-Siämärvi dorogattomal kartal
• http://opastajat.net/opastus/paikat/anus.pdf Anus-Kotkatjärvi dorogattomal kartal
• http://opastajat.net/opastus/paikat/zhilcoi.pdf Anus-Kotkatjärvi ilmukuvas (150 KB)
• http://opastajat.net/opastus/paikat/macarvi.pdf Kotkatjärvi-Vieljärvi ilmukuvas
• http://opastajat.net/opastus/paikat/dessoilu.pdf Nuožarvi-Siämärvi ilmukuvas

Ilmukuvat ollah vähä segavat da tekstatgi ylen selväh ei nävytä, yhtelläh niilöinke voi ellendiä, mittuzes ymbäristös karjalazet ollah eletty.

[Kirilä]

Ka muga ei voi neče dielo olla. Iče en tiijä, pidäy kyzyö jolta kulta Haudavuaran mušikalta libo akalta. Onnuako pättävin ois kirjuttua nimi kui sen iče haudavuaralaiset pagisivat enne voinua libo kui hyö sidä nygöi kuččutah.


A toine probliemu. Kuibo kirjutetah nygyine Toivola kudai Sojärven čupul on. Ongo se Kaidjarvi libo Kaijjasjärvi libo Kaitajärvi. Na jälgimäne on suomie, ei voi se putilleh olla.

[Feda]

Kartoin ozutukses on moine probliemu, ku eri livaimet ozutetah verkosivuloi eri luaduh. Luajin sivut Firefox (da sen variantoih) niškoi, a Internet Explorer livaimelbo paikku- da dorogumerkit karjal.html da hovinaho.html sivuloil siirrytäh pohjazehpäi, kizha.html kelbuau kumbazelegi livaimele. Standartusegavuksen däh sivut pidäs muga luadie, ku net tunnustettas käyttäjän livaimen da ozutettazihes sen mugah, hos se tavallah ongi tyhjiä ruaduo. Yhten kerran oli kebjiembi luadie IE livaimeh niškoi erikseh sivut http://opastajat.net/opastus/paikat/karjalw.html da http://opastajat.net/opastus/paikat/hovinahow.html, kudamil paikkumerkit on siirretty 25 pixelua suvehpäi kudakui oigiele kohtale.

Vot olet moločču kartoloin luadii! Kazoin sto NN5 on Saukkonen, täs kohas 250 metrii suorah pohjozeh päi on Paavila, mäin piäl. Puavilas nägüi hüvin Iljineille, mellizän izändän pertti. Sinulgi lienöh Karjalan kartat CD4?

[mp]

Passibo, Karjala 4 CD minul on, a pahakse ozakse kus muamo da tuatto elettih, sie on vai 1:100000 kartua. Hovinaho eksperimentan tarkoitus oli kaččuo, kui paikannimi-koordinuattu luvetteluo voi kaččuo ilmukuvan piäl, "automuattizesti".

Karjalan kielen seuras olis mielenkiinduo luadie kartua karjalazien nimilöinke. Probliemu on se, ku kartanluadijat ollah "kiätty" karjalankielizet nimet suomekse. Olis suuri ruado löydiä kylien "oigiet" karjalazet nimet. Iče arbailin erähien Suistamon kylien nimilöi, ezim. tuatan "Kylmänsellän". Ga se oli helpo, Kylmäselgä, ei suomen Kylmäselkä eigo livvin Kylmyselgy. Tiedämättäh on vaigei arbata ezim. kus menöy selgä/selgy -raja. Ket hyvin tietäh rajakarjalazien kylien alguperäzii nimilöi, vuodas työndiä niidy ezim. KKS:ah. Täs olis ruaduo tulijoile karjalan kielen opastujilegi. Iče rubien arbailemah Aazien mualoin nimilöi karjalakse.

[Feda]

Vanhemmis kazietois kerrottih kylis mustelugsii i paginoi.
Pohjavalon sanakniigas on äijül Salmin pogostan nimilöi karjalakse a muutamii tozo Suistamol, ezim. Sargu, Loimoi=Loimola, Nälgü-Uuksu, Loimijogi=Loimolanjoki, Pyörittäi=Pyörittäjä, Midro=kylä Impilahdella?.

Rk-foorumal kirjutin Ruotshin aigazis 1640 karttoloin küliin nimilöis: Alatoinen, Sarga bü, Emäjärvi=Äimäjärvi (kuibo karjazet iče sanottih?), Laidioisby=Laitioinen, Pörittäi bü=Pyörittäjä, Mowando bü=Muuanto. Läppöisürio, Uxujerffui bü, Koitonsälgä bü. i.m.i. Kardan luadii opitti selvittiä kuibo rahvahan keskes külän nimet sanotah.

Jeroisellän Feda

[Feda]

Minul tuli Ruotsispäi kyzymys Hovinahon talonpaikas, da nygöi vai työnnän nenga linkin kus häi voi iče ozuttua Saarikivi G talon kartal.
Da ku vie on kordinaatat valhemekse, mugai ezindü on helppuo. Jesli vie ollusi kivijallat jällel?
Lienöhgö tieduo kembo on Saarikivi G:n tuatto? (Sugunimie eule vie vuuvven 1880 hengikniikois.)

Feda

[mp]

Enbo tiijä. Muamogi, jos joga päiviä on Hovinahos libo sinne tahtos lähtie, Suarikivilöis ei ole paissuh. En ni tiijä, ken luadi sen kartan, min mugah koordinuatat čottain.