Pajokursu Jovensuus 8.12.2012

[mp]

Pajokursit Jovensuus
Karjalan Kielen Seuran Jovensuun maltokeskukses pietäh pajokursit suovattan 8. talvikuudu, Jean Sibeliuksen päivänny. Pajokursiloin opastajannu ollah karjalazet muzikantat Santtu Karhu da Timoi Munne. Pajokursiloin tarkoituksennu on opastuo kirjuttamah pajuo karjalan kielel. Kursiloin aijal tuttavutah karjalazih pajoloih, kirjutetah omua pajotekstua da voibi olla vie säveldetäh omih tekstoih muuzikkua. Hyvä olis, ku keralolijoil olis valmehennu oman pajoizen huavus da toinah vie jo tekstuagi.

Kursiloi pietäh KKS:n Jovensuun maltokeskukses 10-16 cuassun aigah. Adressi on Pohjoiskatu 6. Kursiloin hindu on 20 jeuruo, kudamah kuulutah syömizet.Ilmoittuakseh voibi seuran kul'tuurusekretarile Timoi Munnel.

timoi.munne@karjal.fi, 044-3049293.

[Pekoi]

Mutšoinke kursal olin! Santun da Timoinke vie soittuo n'äbläi Kuisma Lipponen.Hyvä oli kuulta pättävii artistoi da pikoivähäzen itšegi pajattua.Opimmo kiändiä erästy suomen rastavupajuo vähävähiä parembakse karjalakse.Ruavoimmo mondu tšuassuu,a lopuškal jo oli jälgi kaikil mieldy myö.Ylen hyviä ven'an rokkua söimmö da vahäizen ruskiedu viinua joimmo da tiettäväine - yhtes pajatimmo!
Anna vie uvvessah vastavummo jälgikursal konzutahto!

[Manutar]

Jovensuun rahvahanopiston karjalan kielen kursal sezo pajatimmo kiänettyy pajuo "kuuzahan'e".
Hyväkse sanottih kiänösty. Minungi mieles ylen hyvä on pajattua nämil sanoloil.

[Ruisräkäččy]

Konzubo suammo nähtäväkse pajon? Nenänsydii jo olen .

Egläi ehtäl oli meijän kielikursan Rastavan pruažniekku Pyhäsalmes. Vot oli lystii; pajatimmo, kizazimmo, äijy pagizimmo dai hyvin söimmö.

Nygöi Rastavulomua piemmö. Opastuksen alammo pakkaskuus 10. päivy.

[Olói]

Pienelе kuuzele
Vilu talvel on.
Mečäspäi kuuzuttu
Kodih kannammo.

Sulettih jiähyzet,
Havvu läpettäy.
Čomazet bobazet
Oksil riputah.

Pajonke menemmö
Kruugah kuuzen luo.
Vesseläh vastuammo
Uuttu Vuottu myö.

Nuotit lövvät tiä http://propianino.ru/wp-content/uploads ... lochke.png

[Olói]

Džingl bells karjalakse)))

Myös lumi läpettäy,
Myös vilu kirkendäy.
Myö regyös lennämmö
Da helieh nagrammo.
Puut terväh husketah,
Meil šokat rusketah.
Tie vastah lennättäy
Da meidy kannattau.

Kellozet, kellozet
Loitton kuulutah,
Uuttu Vuottu vastuamah
Meidy kučutah.
Kellozet, kellozet
Anna soitetah,
Meidy hyvät ystävät
Gostih vuotetah.

Myös purou pakkaine,
Pie peitos nenäine.
Tiä ilo lämmittäy
Da nagro parendau.
Hoš lennät kivokseh,
Sie lumipielukses
Vai pieze teriämbäh
Da nagra heliembäh.

Kellozet, kellozet
Loitton kuulutah,
Uuttu Vuottu vastuamah
Meidy kučutah.
Kellozet, kellozet
Anna soitetah,
Meidy hyvät ystävät
Gostih vuotetah.

Kuu korgiel čilkettäy,
Tie kodih kiirehtäy.
A huomei nouzemmo,
Myös ajoh lähtemmö.
I algau kelloine
Myös meijän soittamah
Da kellon pajoine
Roih loitton kuulumah.

Kellozet, kellozet
Loitton kuulutah,
Uuttu Vuottu vastuamah
Meidy kučutah.
Kellozet, kellozet
Anna soitetah,
Meidy hyvät ystävät
Gostih vuotetah.

[Ruisräkäččy]

Passibo nämmis pajolois! Taldeh otan .

[Ruisräkäččy]

Tänpiän Oma Mua -lehtespäi luvin kuuzahaine pajon sanat, i mugahäi jo pajatingi pari kerdua . Vot, čoma on.
Passiboizet kiändäjil!

[Maria]

Pienelе kuuzele
Vilu talvel on.
Mečäspäi kuuzuttu
Kodih kannammo.

Sulettih jiähyzet,
Havvu läpettäy.
Čomazet bobazet
Oksil riputah.

Pajonke menemmö
Kruugah kuuzen luo.
Vesseläh vastuammo
Uuttu Vuottu myö.

Nuotit lövvät tiä http://propianino.ru/wp-content/uploads ... lochke.png

Löydyygo tämä pajo kustahto pajatettunnu? Minul ei ole nengostu muuzikkukorvua, ku maltanuzin noutoinke opastuo

[Maria]

(ga löydyy häi neče meijän pualičas olijas lapsien diskas, pidi vai eččie netas ven'ankielizen nimenke da kuulta pajo, ku dogadin)