opastajat.net:as

[mp]

Puaksuh tunduu, ku et ainos raviembah juokse, myöstyt. Ongo opastajat.net olemas? Onhäi se vie, onhäi sie moni tuhattu sivuu tekstua, vähä vähäl midätahto lizenöy. Silloi toiči bokači kuulen, ku harjoituksiigi on käytetty ihan sih tarkoitukseh, mih net on luajittu. Kačahtin vähä, nostin nägyvih nägymättömii kirjutuksii kirjutin erähien sivuloin linkat ezisivule muga kui kuhkutuksekse. Paikkoigi lizäin. Tiedäygo ken, mis ollah Kanzoi da Horošoi? Botaniekan da elättitiijon opastundukniigat skanniruičin fotokameral, a riputandah niškoi pidäs nedäli toine, kolmasgi, ruadua.

[Olói]

Sinulgi etnostressu on piäl. Opastajat.net on hyvä olla ei vaiku foruman täh, a kaikkien materjualoin täh. Tämähäi on ainavo paikku internetas da muitegi, kus voit löydiä materjualoi karjalan kielel. Tämä on suuri ruado, da sudre se ei mene. Sinule suuret passibot täs ruavos. Ainos kaikin sanotah: enhäi minä yksin voi omua kieldy kehittiä. Sinun primiery ozuttau kui äijjän voi yksi ristikanzu ruaduo oman kielen kehittämizen hyväkse. Iče havačuin vaste nygöi. Ainos duumaič ku karjalan kieli on toizennu kielenny sit en voi ruaduo nimidä karjalan kielen hyväkse. Nygöi ellendän, ku olen karjalazennu tulluh täh muailmah sit voin da tahton kehittiä karjaln kieldy da kul´tuurua. Anna toizet ei kavota omua kiledy!