Karjalan pajot

[mp]

"Pajopučči" nygöi on kudakui nengozennu kui duumaičin, hos erähis pajolois vie ei ole iändy da yksi on tekstatoi. Endine pučči luvekkua ozastos on hävitetty, uuzi pučči on opastus ozastos http://opastajat.net/opastus/audiot/index.html da se nägyy opastajat.net:an ezisivulgi. Uuzi luvettelo on kirjutettu html5 formuattah da uuzil livaimil ylähäl nägyy soittopanelu da sen al tekstu. Nenga tekstua voi lugie soittajes.

[Pedrunnybly]

Kaiken yödy ve'l'li pajoloinke mp ruadoi, a hyvä tuli. Ei ole horalaiselgi huigei . Vie työnän tekstan tekstattomah pajoh, a sit vai rubiemmo vuottamah ensi vuuven kursuu da dostalin pajatandua...

[mp]

Ei jo yöl tarvinnuh ruadua nämien däh. Pidi vaiku leikkuo pajot erilleh iänityksespäi. (Toinah net pajoloinvälizet paginat oldasgi mieldykiinnittäjembät, ga jiägäh peittoh.) Nedälii aijembi Kuujärvel segoin omis sormilois - sain taldeh joudavat paginat, a vouse en pajuo. Ozakse sain OM:n toimittajal Lenal buaboloin pajatuksen Kuujärves.

[Pedrunnybly]

Net pajoloinvälizet paginat mustan; erähät pajot ei lähtietty ni matil, ni malitul.

[Ruisräkäččy]

Pidäysigö luadia paginpučči? Nu, tiettäväine moizes puččis pidäysi tolkkuu tekstua olla. Kui mp saneli, hyvä on nämä pajoloin välis olijat paginat peitoči pidiä .

Pajopučči ylen hyvä on. Piätenččyehtäzel erähäl ystäväl ozutun moisen pučin, i jo hänen kel yhdes pajatimmo horalaziin keral. Pidäy vie sanuo, što tämä pajopučči oli hänel ylen mieldykiinnittäi.

[mp]

Sehäi juuri oli pučin tarkoitus. Toinah vie löydys "rahvahanpajuo" (ts. pajoloi, kudamis ei nouze tegijänoigevusprobliemua) da pajattajua, puččih syndyy vie.

Paginpuččiloi jo on - tämähäi on paginforumu. On kirjutuskilbua, lehtilöi, ...

[Pedrunnybly]

Ruisräkäččyl vet pidäy pahoin paginoin pučči, tsenzuuroimatoi...

[Pedrunnybly]

Dogadin dovarissan tiedokonehel olles, gu Explorer-livain ei ainos ozuta pajoloin soitindu. Omas tiedokonehes Exploreran kel tulou tekstu "Livain ei malta ozuttua, kopiruiče da kuundele soittimel tiijosto". Uuzi Firefox-livain hyvin ruadau i pajot voibi hoival kuunnella.

[Maria]

En tiedänyh kunnego kirjutan,kirjutan täh. Erähičči piäs soi pikkaraine joudavu lapsien pajo, kudai soi netas olijas lapsien radivos. En tiijä nimie, pajatetah "sinä olet siellä ja minä olen täällä ja yhdessä ..." (en jo musta). Tänäpäi rubein pajataldamah sidä Iivole nenga:
Minä sanon nenga da sinä sanot nenga,
da yhtes sanommo myö nenga i nenga.
Sinä sanot nenga da häi sanou nenga,
da yhtes sanotto työ nenga i nenga.
Häi sanou nemga da häigi sanou nenga,
yhtes sanotah hyö nenga i nenga.
Minä sanoin nemga da sinä sanoit nenga,
yhtes sanoimmo myö nenga i nenga
i m.i.

[Gagarin]

Miul i muga on juohtunnuh mieleh karjalazet sanat sih pajoh kudamas pajateh:
"Huopikkaat, huopikkaat, äiti koittaa piilottaa ..."

Se mänöy nenga:

"Kuatenčat kuatenčat, muamo oppii peittoh panna,
ykskai neče, lövvän nene,
terveh tuas hyö vuotetah."