Karjalan pajot

[mp]

täs olis hyvä projektu kel tahto, kel on vähä muzikantan neruo, kerätä tiä olijat da uvvet, tulijat rahvahan pajot luvanke, da painua noutoinke pajokniigannu. Monenjyttymih bumuagumonistehih on jo äijy vägie pandu da niidy peitokaldi leviteldy. Pädis yhten kerran luadie putilleh i julgizesti.

[mp]

Muudu tekstua eččijes puuttui silmih alolii L'ubov Arefjevan kirjutus vuvvel 1995. L'uban mustan, häi silloi piätoimitti Omua Muadu da minä enzimäzii kerdoi käin toimitukseh. Täs hyvin sellitetäh "ilveksis käyndy" da "kahtel puolel rajua" pajon ajatus. Tiedänöygo ken enämbi Van'a Tallakses / Ivan Trofimovas? Pajon lizäin meijän virzikirjah http://opastajat.net/luvekkua/pajot/

OM 1995/21 kirjutus

[mp]

Ken tahtonou čotaija, ollahgo kai sormet vie matkas, voi tädä pajattua: http://opastajat.net/luvekkua/pajot/sormipajoine.html Passibo Nina B / pedrunnybly!

[Pekoi]

Ken tahtonou čotaija, ollahgo kai sormet vie matkas, voi tädä pajattua: http://opastajat.net/luvekkua/pajot/sormipajoine.html Passibo Nina B / pedrunnybly!

Heitän,hyvin muakkua!

[Maria]

Ainos kebjiembi pajattua ku tiedäy kui pajattua, vaiku sanoin vuoh jygei on, noutoitgi ei äijiä minuu avvuteta, pidäy kuulta. Konzutah aijembi tädä kuundelin ga en tiedänyh sanoi, nygöi dogadin ku tiähäi net ollah, hos vähäzeh eri murdehel pajatetah.

[mp]

Se "rahvahanpajo" on priäžäläzen Aleksandr Saveljevan luajittu, kudai vie eläy, sendäh sanat ollah meijän pajopučis oldu vähä peitokaldi. Pedrunnybly työndi "čuurunpollendan" sanat, passibo. Net ollah tiä http://opastajat.net/luvekkua/pajot/cuurunpollendu.html da kaikkien pajoloin luvettelo tiä http://opastajat.net/luvekkua/luvekkua.html#pajot

[Pedrunnybly]

MP, passibo hattulois! Livvin kursiloil Punkaharjul Alla Gubareva meidy opasti čuurun pollendah L'ubov Nikitinanke. Minun suistamolazen t'outan mieles tädä pajatettih Suistamosgi voinua enne.

[mp]

Enzimäzii Niittylahtes 5.7.2012 iänitettylöi pajoloi voi kuunnella ozuttehes http://opastajat.net/opastus/audiot/index.html
Täs ei olla vie kai pajot da nämiengi ripustus ei vie ole lopulline.

[riäpöi]

Hyvät oldih pajot!

[mp]

"Pajopučis" http://opastajat.net/opastus/audiot/index.html nygöi ollah Niittylahten "kursuhoran" 5.7.2012 pajatetut pajot da niilöin keskes nedälii aijembi Kuujärven buaboloin pajatettu Kuujärven pajo. Tekstat vie ollah eri paikas.