karjalan kielen kursat 2011-2012

[Maria]

^Tiä kačoin, ei nävy Lahtes karjalan kielen kursua.

[Kirilä]

Jovensuus pidäis tiettäväni olla karjalan kielen opastusta ku sie on yliopisto, karjalan kielen keskus da läs satatuhatta karjalastu ristikanzua!

Prostikkua ku en ole kirjuttannuh täl forumal kezän aigah. Syydä moiseh ei ole ješli laškuttu ei čotaija! Karjalan kielen kursan aigah oli muuda ruajetta. En sit Vieljärvel puuttunnuh hos kui kuččuttih neidizet dai akkalisto!

Pidäy piänyörilöi tuazen kiändiä enämbi karjalan paginah. Kursa algau kui on täl forumal kirjutettu ku vai rodieu putin gruppa, vähindäh 5 hengie! Tulgua kursal, sie on midätahto mieldy kiinnittäjyä dieluo!

Hyviä sygyzyy kaikil!!

[mp]

Tiedäygo ken muudu karjalan kielen kursua Karjalan Tazavallas ku mainitut Petroskoin kursat? Lahtes nägöjäh kursua ei ole. Helsingis toinah vie on Mellunmäen kluubu endizeh tabah? Ollougo Oulus vienan kursii? Nygözellähgi listu on pitkembi endizii passibo Savo-Pohjanmua dorogan varrel eläjile.

[Maria]

Kajaanisgi on, sygyzy 5.9.-28.11. kevät 9.1.-2.4.

Nämmii toiziigi ečin: Oulun kursulistas en löydänyh karjalua. Lieksan kursat nävytäh nettusivul kuun lopul.

[Pekoi]

Juuvas piettih talven aigua kahtu kursua.Ollougo jo kai nerovunnuot kieleh näh ku ei uuttu kursua nävy?

[mp]

Passibo Maria, luvettelo algau olla aiga hyvän nägöine. Karjalas kävves pidäy siegi kyzellä eigo ole muudu Petroskoin lizäkse.Toinah kaksi kolme vie lövvämmö.

[rila]

Meijän Karjalan Kielen Seuran kielikerho avuau sygyzyperiodan tossargen 30. elokuudu 17 čuassun aigah Päivännouzu-Helsingin pravoslaunoin prihodan Mellunmäen ruadokeskukses, Korvatunturintie 2. KKS:n sekretari Pertti Lampi vedäy kerhuo, da hänespäi suammo kuulta midä konzugi tapahtuu karjalan kielen stuatusan parandamisruadoloin kohtas. Enimyölleh myö äijän pagizemmo tämän päivän da tulien aijan dielolois, niis ongi äijy paginansyydy dai ruavonsyydy. Luvemmo Oman Muan kirjutuksii da pagizemmo niis, tunnustummo uuzih karjalankielizih julgavoloih da čainiekku on hiilavu.

Meijän kerävymispaikkua voibi sanuo monikul'tuurisekse. Ven'ankieline hora on keskukses samah aigah meijänke. Sie kerävytäh eri päivinny etiopielazet, eritrealazet, koptit, rumiinielazet, ven'alazet, karjalazet.. lapsikerho päiväl muamoloin/(toiči)tuattoloin ke.

[Maria]

Leppävirran da Varkauven kursat allettih täl nedälil, Leppävirral kaheksa opastujua, Varkauves seiččie. Toivommo tiettäväine ku enämbigi tullus. Täydyyhäi nämmägi, a vähembi seiččiedy ei sua olla, eiga kursu pidäy loppie. Mittuine on tilandeh muijal?

[Manutar]

Pidihäi Jovensuuhgi kursa suaja.
Ok-opintokeskuksen per'tis algau 26.9 18 aigah paginkursa.
Kielioppin'eruo minul eule, vai pajatammo, šokkua pieksämmö...

[Irri]

Nygöi on nengoine dielo, gu karjalan kielen kursu Pyhäjärvel on Irinan kois, ei opistos. Nivalazet ja Haapajärveläzet tullah Karvoskylän kirikköh. Sie nygöi rubiemmo kursua pidämäh da tädä elostu duumaimah Kursu on Suomi-Venäjä Kielipalvelut Tmi firman kauti. Suuri passibo Eilale, häi hommai ylen hyvän opastundupertin. Hyväl mielel lähden kirikköh ehtälgi kursua pidämäh.