Credo karjalan kieleh näh

[mp]

Silloi toiči olen kirjutelluh omii mielii Omah Muah. Samoi kyzymyksiihäi niilöis ainos kierrän, kui kaži pudruo. Vois i sanuo, ku teemannu on kielipezäkontekstas mainittu "idejolougine selgeittämine". Rubriekkua pidäy vie smiettie, dai syväindyögi. Enne ku taričen lehteh, riputan kirjutuksen tänne ezitsenzuurah: http://opastajat.net/luvekkua/penttonen/credo.html

[Olói]

Ylen hyvä on tekstu, venákse ei olizi painettu, da Oma Mua-lehtes vie menöy läbi. Kuibo voizimmo suaha Oma mua lehten tiluajien miärän suurembakse?
Olói

[Maria]

Hyvä on tuase tekstu! En malta pahua paista

Kaikil tazoloil opastundua olen duumainnuh muga, ku paistah sih näh konzu nygöi kielipezäs olijat lapset školah kävväh, pidäy heile i karjalua školas. A suanusgo nämmii opastundudieloi ielleh jo aijembah. Tiettäväine pidäs suaha kielipezälapsile opastustu karjalakse, muamankielenny, ei vierahannu kielenny, a anna ollus jo aijembah toizien lapsien mahto hos vierahannu kielennygi opastuo karjalua. Kenen hantuzis on luadie kielien opastundan syväindöt eri opastundutazoloile? Gimnuaziin opastuspluanat ozutetah kielien opastundan printsiipat, da kai gimnuaziin eri kielien kursat samanjyttyöh ruatah. Tänäpäi hyväh voijah kursua pidiä, hos ei samas gimnuaziis äijäl opastujua ole, ičegi läs kai gimnuaziin kursat loittonopastuinnu kävyin. Da gimnuaziit iče voijah ottua muudugi kursua migu valdivollizet opastuspluanat ozutetah. Gu suanus gimnuaziih pättävät syväindöt da materjualat, da ollus setämä gimnuazii kudai ottas omah opastuspluanah karjalan kursua, ollusgo jo kebiembi ielleh ruaduo. (A voi, ei ole ylen äijäl minun mieldy myö minun tekstu, ku ei ole nygöi aigua oppie kirjuttua midä minun piäs on, a yhtelläh tekstan työnnän, da toinah duumaičen enämbi toizennu piän.. )

[Pekoi]

Ylen hyvä on tekstu, venákse ei olizi painettu, da Oma Mua-lehtes vie menöy läbi. Kuibo voizimmo suaha Oma mua lehten tiluajien miärän suurembakse?
Olói

Enzimäi:Myö Suomen karjalazet,ket suvaitšemmo karjalazuttu da kieldy da kultuurua,heitymmö Kuomakse Oman Muan tiluajil.Puolekse vuuvekse eule ylen jygei maksua tilavustu Petroskois.
Toizekse:Karjalan Tazavallas olijat kielen suvaittšijat kyzeltäh rahvahii ket tahtotah vastavuu moizeh lehteh da menetie suomenkarjalazeh kuomah...
A ku ollou intressua,jo kaikil Sortavalan,Valamon,Anuksen da Petroskoin matkuniekoil kyzytäh,tahtotko andua Karjalan kultuural vähävähiä jengua...vähembi votkubutilkua...

[mp]

Passibo kommentois. Erähii kohtii tarkendelin da pehmendelin, syväindyö muuttamattah. Toinah tekstu ei viegi ole ihan valmis työnnettäväkse. Rubriekannu nygöi on "Karjalan pagizijan oigevuot da vellallizuot". Sidägi vie pidäy smiettie.

[Olói]

Pien Oma mua-lehite tärgienny niilöil, kudual ei ole internetua, gu on internettu sit voi lugie opastajat.net da muidu saitoi.
Probliemannu on gu karjalazet ei malteta lugie eiga kirjuttua karjalakse, sit ei tilata lehtii. Vieljärvel vie poshtu ei tuou lehtii. Kinnermäl ei tuvva ni vouse, ainos pidäy voijuja heijän kel.
Olen tilannuh Oma mua lehtie da Kipinä Kinnermän da Vieljärven rodnál da Vieljärven bibliotiekkah da en tiijä tuvvahgo heile.
Vieljärvel opimmo karjalan kielen kurrsiloi pidämisty, suau nähtä kuibo dielo eistyy. Olói