Karjalua Suomen televiizoras

[Pedrunnybly]

Uuzii kniigoi karjalakse ozutettih Suomen televiizoras. Programmu on A-studio, i programman lopus arhijepiskouppu Leo da toizet "kinotiähtet" paistah Karjalan kieleh näh:
http://areena.yle.fi/ohjelma/6406e7d1c5 ... 6b9cc73b0d

[sarikku]

Passibo täs linkas! Programmu oli ylen hyvin luajittu, eigo ollut äijän tiijollistu hairehettu. Ylen hyvin kinotiähtet lugiettih karjalaksi. En tiijä kunne eräs kinotiähti juoksi, no programmua kaccojes piäh tuli Santun pajo: Heboine on kirkei, juoksou naimoilah päi .

[Olói]

Ylen hyvä dielo on gu televizoras paistah karjalan kieleh näh da puutui nähdä kinotiähtilöi. Da minun mieles enämbi pidäs paista sih näh, gu karjalan kieldy paistah Suomesgi ei vaiku Karjalas. Puaksuh Suomes voi kuulta, što karjalan kielel paistah Karjalas da vaiku vahnembi rahvas gu kieldy on hävitetty, da ei musteta što Suomesgi on karjalan kieldy ahtisteltu. Nygöi pidäs Suomes da Karjalas pidie yhtehizin vägilöin karjalan kielen puoldu.

[mp]

Paikal olluonnu voin sanuo, ku prezentatsies suomen karjalazet da kielen stuatussu voinanjälgehizis aijois nygyaigah ylen äijän oldih ezil da Ven'an Karjal vähembi. Kui lienne se jäi toimittajil huomivottah da kuvitukseksegi hyö vallittih stereotiipallistu arhiivukuvua Vienaspäi.

[Olói]

Nenga minägi ellendin, gu KKS:n paginanvedäi ei paissuh Venán Karjalah näh, da toimittajat tuas saneltih omii nägökandoi, menöy vie pitky aigu enne gu Suomes da Karjalas nämmis dielolois paistah nenga kui ne oldih. Kaleva-lehtes täl nedälil oli kirjutus rajakarjalazis, hyvänny ezimerkinny, što pagin ottau allun
http://www.kaleva.fi/uutiset/miten-raja ... 19#Scene_1

[Maria]

En tiijä mittune duumu piäh nečes programmas jäi kudakel suomelazel, kudai ei äijäl karjalan kieleh näh tiijä, a iče smietin gu Vienan karjalastu Koirien Kalevalua lugijies ozutettihes tekstat, a lienöygo oli yksi sana kudai voi olla suomelazile ellendämätöi. Voi olla gu moine vai lujittau kudakel olijua duumua gu karjal on vai suomen kielen murreh..

[Olói]

muga on

[Gagarin]

Mie i yhteh luaduh duumaičen Marian ker, jotta neniil suomalazil inehmizil, kudamat ei karjalan kieles t'iijedä ni vouse, eule hyvä zavodie ozuttamah vienan murretta.
Suomalazen rahvahan kesses on jo nygöin liigua niidä kui arvellah, jotta karjalan kieli vai suomen murreh ollou.

[mp]

Täs myö astummo heikoile jiälöile. Tädä voi lugie, ku toizet karjalazet ollah vähembi karjalazet migu toizet, libo toizet karjalazet ollah enämbi ven'alazet migu toizet. Moizes dialogas nimidä hyviä ei roih, suomelazet da ven'alazet natsionalistat vai nagretah karjalazien toruandua. Anna vienalazet paistah omah tabah, vuotan ku tännegi kirjutettas. Anna hyö iče piätetäh midä hyö ollah.

Voi olla, ku suomen kirjukielespäi viena on kebjiembi ellendiä, migu erähät suomen päivänlaskumurdehet. Kui lienöy vienaspäi, kumbaine on kebjiembi ellendiä, suomi libo livvi? Yhtelläh kielitiedoilijat lugietah viena karjalan murdehekse, erähät vie sanotah, ku viena on yksi mones karjalan kieles. Ga minun mieles eri kielikse pilkomine jo on liijoitteluo da työndäy karjalua häviendäh päi.

Karjalan Tazavallan halličuksen tiijotussivul http://gov.karelia.ru voi lugie halličuksen tiijoituksii suomekse ga ei karjalakse. Suomelazii karjalas ei olluh enne suomen rahvahallistu voinua, kudaman jälgeh Lenin kučui "ruskiet fennomanat" kommunististu valdivuo nostamah. Toine aldo tuli, konzu Stalinan Siberih ajetut inkeriläzet ruvettih tulemah lähembi endizii eländysijoi. Yhtelläh nygöigi karjalazii kandurahvahii on KT:s mondu verdua enämbi migu suomelazii, a ven'alazile da suomelazile karjalan kieldy muga gu ei ole olemas. Ku voizimmo yhtyö yhten kielen tuakse, ga sit toinah suazimmo karjalangi halličuksien kieliluvetteloloih da valdivollizeh tiijottamizeh. Ga se yhtehine kieli olis parembi luadie vedämäl yhteh eri murdehil pagizijat, migu eroittamal pahoi pagizijat karjalazien joukospäi.

[Maria]

Iče pagizin vaiku sih näh, pidäygo ozuttua tekstat ku kieli on ellendettävy i tekstattah. Tiettäväine suau vienakse paista