opastajat.net T-paidu ?

[mp]

Olói ehtotti (siiričči foruman) ku luadie opastajat.net T-paidua, kudamua jagua školniekoile (libo starikoile) palkindonnu (libo muite). Häi mainičči Vieljärven a mindäh ei kogo Karjalas? Midä kirjuttua paidah. Minun viijes minuutas luajittu ehtotus ezisivun mugah olis nengoine:

Ollahgo kuvat liigua, vai muudugo pidäs tekstas sanuo? Kuibo duumaičetto?

[Maria]

Hyvä ideju! Tekstu on hyvä da voi olla gu kuvienke roih parembi migu kuvittah. A nygöi gu duumaičen värilöi, minun mieles vähäzen lämbimembät parembat ollus t-paidah (työnnän yhten kuvan sähköpostači, gu forumal ei vastavustu voi työndiä liittehenke). Da t-paijan ližäkse kudamittuine sumkugi hyvä ollus nečen kuvanke

[mp]

Passibo, Maria. Täs uuzi versii kaikkien kačottavakse:

Tämä on hyvä, ku värit sovitah yhteh da kuvat da tekstu ollah sumbembas.

[mp]

Olói, kuibo tämä, midä sanou paijanluadii? I kuibo sovittua teijän vedlozero.ru paidah?

[Olói]

Terveh,
olemmo tilanneh t-paidoi yhtistykses. Parembi tulos rodieu gu painetah yksivärine tekstu. Sit voibi vallita erivärizii paidoi. Kuvaväri ei ainos sovi kaikkiin paiduvärilöih. Iče tahtozin tilata paidoi, kudamis toizel puolel on opastajat.net, toizel vedlozero.ru. Erikseh voibi tilata opastajat.net - paidoi. Voibi vie duumaija tekstah näh. Toizel puolel voi olla Kirjuta karjalakse! opastajat.net. Toizel puolel, ezim., Zinaida Dubininan runon ozan.
Nämä ollah vaigu ehtotuksii, vuotan vastavustu vie paijanluadijalpäi. Yksivärine tekstu on tiettäväine huogehembi.
Olói

[Maria]

Runo on hyvä ideju! Kenenhäi runuo suanus paijas käyttiä? Kudai pieni karjalane runo da opastajat.net -tekstu hyvä ollus kuvittahgi

[mp]

Muokkuan (sanan karjalankielizes merkičykses) Marian kuvua:

Ongo vie liijan vaigei painettavakse paidah? Pikkarastu runuo vois kyzyö Zinaida Dubininal.

Vaihtoehtoloi on monii eigo kaikkie tarviče pakoittua yhteh kuavah, dai käyttötarkoituksii on monii. Elementat ollah:
- verkosivustoloin rekluamu: opastajat.net vedlozero.ru libo muu "lokalizatsii"
- vähäzen karjalan kieldy: pagizemmo karjalakse, runo libo muu
- kuva: opastajat.net piälogo (täs ozutettu) libo ikonazet, Vieljärvi teemu libo muu
Minimu on kirjuttua vaiku opastajat.net libo vedlozero.ru

Ičel mieles olis andua paidua palkindonnu opastajat.net sivuloile kirjuttamizes, opastujile libo opastajile. Sumku vois olla
vaihtoehtonnu T-paijale sendäh ku yksi kogo pädöy kaikile. Mintahto nämis vaihtoehtolois todevutammo, Vieljärvel dai muijal.

[opastai]

Toinah karjalazet sananpolvet pätäh T-paidah parembi, mi ku runot. Midä lyhembi, sidä teriämbi piäh tartuu. Ezimerkikse, tariccizin: Oma kieli, oma mieli. Mua kandau, Jumal andau, ruisleiby syöttäy. Älä kiirehtä kielel, kiirehtä ruavol, imi.
Parahal sijal panizin pajosanat: Vai Karjalan mua on kaikkii paras.

[mp]

libo "ei kagrazel kokol äijiä pierrä sua". Sananpolviloi tiä: http://opastajat.net/luvekkua/trad/sananpolvet.html

[Pedrunnybly]

Libo "Igä elä, igä opastu".