opastajat.net T-paidu ?

[Maria]

"Oma mieli, oma kieli" ei minun mieles paras ole, gu se on sama suomeksegi. Da nimidä jumalia iče en tahtos tekstah. "Igä elä, igä opastu" on hyvä A monethäi hyvät ollah moizeh, paidah libo sumkah, ezim. "Tartut ruadoh, ruado iččeh tartuu." da "Älä kiärböidy pal'l'azenke aja."

A mittumas tilandehes ollah pättävät sananpolvet migu "Ei pie vierahal perziel čurata." libo "Ijän hukkua syötä, ainos meččäh kaččou." ?

[mp]

Nenga ellendän. "Ei pie vierahal perziel čurata": Ei pie toizen puoles uskaldua.
"Ijän hukkua syötä, ainos meččäh kaččou": Toizen luonduo et voi muuttua.

"I pieni kando rien kumuau" pädis hyvin pikkarazen škol'niekan ryndähäh. "Kel on neruo, sil i veruo". "Vierii kivi ei sammaldu". "Elä opasta seppiä tagomah".

[Maria]

"I pieni kando rien kumuau" pädis hyvin pikkarazen škol'niekan ryndähäh.

Tottu pagizet, tämä hyväh pädöy lapsele

[sarikku]

Ainos olen tahtonnuh paijan, kudamas olis Santtu Karhun tekstu Cibi-cibi linduine, cibi ruskei händäine! Onhäi Santul enämbigi hyvii tekstilöi. Minun mieles kaikis paras karjalaine sananpolvi on Ei lähte ni matil ni malitul!

[mp]

Cibi-cibi linduine, cibi ruskei händäine!

Ornitolougizesti ei ole tozi

Ei lähte ni matil ni malitul!

vois pädie kohtustunuon opastajan vačan piäle, a kuibo opastujale?

[opastai]

Kacos vai, kui puhkeitto sananpolvih! Olis minun valdu, joga päiviä muutazin sanapolven paijas - onhäi karjalazil omua mieldy!
Cibi-cibi linduine ei ole Karhun tekstu, se on vahnu karjalaine runo.

[Olói]

Paijanluadii kyzyy kuvas, pidäygö sih olla käyttöoigevus?
Hänen mieles huogehembi on luadie paidoi, kudamas tekstu on vaigu toizel puolel. Kuvatgi voijah olla samas kohtas.
Kando-sananpolvi minun mieles on ylen hyvä, da sen ual voibi panna opastajat.net
Olói

[mp]

Kuvan käyttöoigevuksis sanou Maria. Kui i sen, luajingo pahoi, ku neidizen tukat mujutin mustakse. Tehnillizien šeikoin da hinnan däh parembi käyttiä yksiväristä kuvua. Sanoigo paijan luadii, ozavuugo moizen kuvan painamine? Sananpolvis minun mieles vois käyttiä nämii kahtu: "Igä eliä, igä opastuo" da "I pieni kando rien kumuau". "Kunne, Olói, duumaičit kirjuttua vedlozero.ru da pidäygo opastajat.net syndyö samah paidah? Himoittas nähtä net pikkarazet vieljärveläzet moine paidu piäl. Paidua sežo pidäs luadie ilmai vedlozerua muijal käytettäväkse. Da sumkuagi yhtenjyttyöh? Äijängo roih paijale da sumkale hindua?

[Maria]

Kacos vai, kui puhkeitto sananpolvih! Olis minun valdu, joga päiviä muutazin sanapolven paijas - onhäi karjalazil omua mieldy!

Jygiedy on joga päiväle omia paidua eri tekstanke luadie, no seiččie eri paidutekstua gu ollus, olis jogahizele nedälinpäiväle oma paidu, libo gu ollus äijygo tahto erilastu paidua, vois vallita sen mugah kudai tekstu kullegi päiväle pättävy on *šuutku*

A opastajat.net -ezisivule voinus hyväh luadie moizen kohtan, kudai joga päiviä arbuou minlienne sanapolven ozutettavakse

Kuvan käyttöoigevuksis sanou Maria. Kui i sen, luajingo pahoi, ku neidizen tukat mujutin mustakse.

Suau käyttiä tiettäväine nämmis karjalankielizis dielois, da ei haittau nimidä hos tyttö roih mustupiäkse

[Olói]

ual olis arhitektoran ehtotus paijan dielos.
Duumaichen, shto ei pie panna vedlozero.ru ni vouse.
Syvenemmö opastajat.net-saitan tunnetukse hommuamizeh.
Midä duumaichetto arhitektoran ehtotukseh näh?
IGÄ ELÄ
IGÄ OPASTU
opastajat.net

suuret kirjaimet Calibri 36
pienet kirjaimet Calibri 22

tekstu valgiennu

Olói