Pyhäjärvel kursu algavui ezmäinarrennu 27.9. Kursal oli seiččie hengie, kai opastujat naisii oldih. Kaksi mužikkua oli sezo ilmoittautunnuh, vai hyö ei vie ezmäisel kerral keral oltu. Nadeijakseh pidäy, što hyö vie kursal tullah.
Myö kirjaimikos aloimmo opastumah, luvimmo, pagizimmo, i tuttavuimmo. Lopukse vie karjalan pajoa kuuntelimmo i tiettäväine keral pajatimmo. Irina, meijän opastai ylen pädevy opastamah on, i ylen mugavu ristikanzu. Hänel monenmoizii mieldykiinnittäjii pluanuloi on urokkoloi näh.
Ylen hyvä, što myö kursan saimmo tännepäi Suomea.
Karjalan kieldy opastundukerholois 2010-2011
Valvoi: verkomuagari
- mp
- Viestit: 2108
- Liittyi: 05 08 2008, 19:45
Re: Karjalan kieldy opastundukerholois 2010-2011
Toivottavasti mužikat tiijustetah, kus pagizijua karjalastu nastu da kerävytäh kui hirvikiärbäzet. Irina oman opastundan puoles on ylen pädevy opastamah da ihan varmah oppiu viettiä teidy edehpäi karjalan kielen maltos. Kuibo Jovensuus, äijängo on opastujua da ongo opastajua?
Re: Karjalan kieldy opastundukerholois 2010-2011
Jovensuun kursal oli 6 hengie enzimäzel kerral nedäli tagaperin. Knuuttilan Sanna-Riikal da minul on ruavonjago: Sanna-Riikka opastau meidy virallizembah luaduh enzimäzen tsuassun da minä toizen tsuassun midä tahto opin keksie: pajoloi, runoloi, ozutelmua imi. Meijän kursan vägi ei hil`làzet olla, äijän on ainos paginua da nagramistu monis dielolois, terväh aigu urokoil mänöy. Kerran libo kaksi kerdua kuus kerävymmö.
- mp
- Viestit: 2108
- Liittyi: 05 08 2008, 19:45
Re: Karjalan kieldy opastundukerholois 2010-2011
Tänä vuongi ruadau Helsinkis Mellunmäin pravoslavlois kul'tuurukeskukses karjalan kielen kerho, kudamua vedäy Pertti Lampi. Kerhos käy 5-10 hengie da hyö kerävvytäh tossuarren 17 čuasul. Voi kyzyö Pertti Lammel KKS:s.