Kielioppidieluo

[Maria]

Egläi duumaičin kielioppikyzymyzty, gu kudakus tekstas on ezimerkikse avvuttua-verbin jälgine sana allatiivas (ezim. avvuttua muamale). Nygöi muudu eččijes löydyi julgavo vuvvel 2006, (pdf-tiijostu), kudai täsgi dielos kirjuttau (sivul 24, suomekse). Iče en Ven'an kieldy muga äijäl malta gu olizin tiedänyh gu moine Ven'as tulou. Lienöygohäi nämmii enämbigi kus kirjutetah kahtel tabua.

[mp]

Muga, muga, ven'ankielespäi tullah. Rajakarjalazile moizet allatiivurakendehet vierahale tullah, pahoiellendyksessah. Ezimerkikse "meile pidäy jättiä tämä kodi". Toinah tämägi teemu pidäs ottua paginakse, konzu KKS:n kieličuppu avavuu. Sinun linki minule ei avavunnuh.

[Maria]

Yhty kirjaindu vajai oli ozuteh, kohenzin.

[sarikku]

Tahtonet enämbi kaccuo nämii kielioppidieloloi, luve Raija Pyölin Venäläistyvä aunuksenkarjala (Joensuu, 1996). Sih on äijäl kirjutettu sih näh, mittuine on ven'an kielen vaikutus karjalan (livvin) kielen sanastoh da vie kielioppih. Se on dissertatsii, no ei ole jygei lugie, sen däh gu on kirjutettu ylen äijän ezimerkilöi paginkieles.

[Maria]

Suanougo necidä kudakus internetas luvettua libo kushäi suanus sen icele luvettavakse?

[sarikku]

Kniigua ei ole internetas, no kirjaston kauti voit hommata. Tiijän, gu se on Jovensuun linnan kirjastos da tiettäväine sezo yliopiston kirjastos.