opastajien sivuloin uvvistamine

kielipezät, školat, kursit, ičeopastundu, opastundumaterjualat

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

opastajien sivuloin uvvistamine

Viesti Kirjuttai mp »

Opastajien sivuloin alguperäine tarkoitus oli tarita karjalan kielen opastajile paikku, kus ozutella omua školua da omii ruadoneroloi. Mugai opastajat.net ezisivu luvettelou školat, kudamis opastetah livvii. Tottu paisten harvat opastajat ollah työtty omii materjualoi toizien kačottavakse - heile sidägi suurembat passibot. Iče en kergie joga školale joga vuottu kyzelemäh, pidäy jättiä školis pagizendu vähembäle. Sivuston jygevin syväindö toinah on "opastu karjalan kieldy" linkan tagan da sidä ozastuo minun himoittas vie kehittiä. Internettah nygöi voi piästä joga puolel muailmua - anna kaikil olis mahto opastuo karjalan kieldy hos Internetači. Sendäh pidäy sivuston ulgomuoduogi kehittiä, ku se parembi vastuas syväindyö.
Kuva

Maria piirdi da työndi minule uvven kanzikuvan. Iče kirjutin kuvan al men'unyblät da sellitykset. Midä duumaičetto? Tämä on vaste vai enzimäine harjoitus, vie on aigua duumaija. Syväindös duumat ollah moizet:

Opastu-sivuloile pidäs luadie sistemuattine verkokursu. Idejua vähä jo ongi, roinnougo midä. Marial on idejua lapsile tarittavis opastusmaterjualois. Vuotammo, ku Veškelyksen, Dessoilan, Petroskoin da Kotkatjärven opastajat iellehgi työnnettäs omii materjualoi.

Luve-sivustuo sežo voi kazvattua vahnoil da uuzil kirjutuksil, tiettäväine kirjuttajan luval. Iäni- ja kuvaozutuksiigi tiettäväine voi riputtua, ga niilöinke terväh roih tehnillisty, tila da tiijonsiirdoprobliemua.

Školasivuloigi ei ole kiireh pyhkie, ga niilöin rinnal vois olla muudu tieduo kylis. Sežo vois ozutella karjalazien liittoloi. Kenbo tiedäy, mit ollah Karjalan Liitto, Karjalan Rahvahan liitto, KSS, KKS, Nuori Karjal (kumbazesgi muas), Karjalazien kerähmö, Karjalan kongressu da midä vie on?

Kuni vie ollou tämä forumu, ga linki forumalegi voi sivuloil nägyö

Kuibo duumaičetto? Kui kehittiä sivustuo? Libo nikui?

Pekoi
Viestit: 356
Liittyi: 18 09 2008, 20:54

Re: opastajien sivuloin uvvistamine

Viesti Kirjuttai Pekoi »

Hyvälhäi net pluanat ozututah.Onnuako ammuinaigah "n'än'nilapset" maltettih n'än'nii pakita,a en jo tiijä ollougo kielipezis muga pienii lapsii. ;)
Ellendän:muamat,tuatat da kai ket n'än'nilapsii äbäzöijäh,suahah pajoloi,suarnoi,kižoloi i m.i. Ylen hyvä!

Käyttäjän avatar
mp
Viestit: 2108
Liittyi: 05 08 2008, 19:45

Re: opastajien sivuloin uvvistamine

Viesti Kirjuttai mp »

Opastajien sivuloin uuzi koitehverzii on ozuttehes http://opastajat.net/Ezi.html . Opastussyväindöh on lizätty Marian luajittuloi kižoi.

Muodo voi vie muuttuo da syväindyögi pidäy vie organiziiruija. Ga toinah suurembi muutos on filosoufine: opastundumaterjualat on nostettu parembi nägyvih da školii on työnnetty peittoh.

Pedrunnybly

Re: opastajien sivuloin uvvistamine

Viesti Kirjuttai Pedrunnybly »

Nygöi lövvin sivuloil vahnan runon Ispaniespäi: http://opastajat.net/luvekkua/penttonen/gongora.html
Luvekkua, naizet enne kaikkie! Aigu meni nägemättäh, egläihäi olin neidoi, a kuibo minul jo täydyi puolensadua vuottu?

Pekoi
Viestit: 356
Liittyi: 18 09 2008, 20:54

Re: opastajien sivuloin uvvistamine

Viesti Kirjuttai Pekoi »

Školasivuloi katšoin pahasmieles,äijän opastajua eniä ni eule.Kunnelie kavottu? :(

Käyttäjän avatar
mp
Viestit: 2108
Liittyi: 05 08 2008, 19:45

Re: opastajien sivuloin uvvistamine

Viesti Kirjuttai mp »

Kuibo? Samat školasivuthäi vie ollah sivustol, ga eri kohtas. Opastajis Anna Barišnikova meni tuonilmazih da erähät opastajat Kotkatjärves, Ylä-Anukses da Petroskois menetettih ruavon. Niilöis školis kudamis livvii opastetah, Vieljärven školas da erähis Petroskoin školis ei ole vie luajittu sivuloi. Vienua pagizijan alovehen školis sežo sivuloi ei ole. Jo luajittulois sivuloisgi pidäy sanuo, ku net ollah vaiku ezimerkit, sivuloin allut. Putin sivustot voijah roita vai, ku kentahto paikalline ottavuu sih hommah. Toine, suurembi kyzymys on, kui menöy karjalan kielen opastus školis?

BUTTON_POST_REPLY