Toiziigi kielipezäkohtii?
Valvoi: verkomuagari
- mp
- Viestit: 2108
- Liittyi: 05 08 2008, 19:45
Toiziigi kielipezäkohtii?
Kui toizes viesti sanoin, Tuuksi on aiga valmis kielipezäruadoh. Toine kylä Anuksen čural, kus se vois lykästyö, on Kuittine. Priäžän piirisgi on tahtuo nostattua kielipeziä, ga en malta sanuo, ket ollah valmehembat.
- mp
- Viestit: 2108
- Liittyi: 05 08 2008, 19:45
Re: Toiziigi kielipezäkohtii?
En tunne tarkah kielipezien tilandehii, a sen mugah kui tiijän, ruado eistyy "kaksi askeldu edehpäi, yhten askelen tuaksepäi".
Uhtuan "vahnu" pezä ruadau, hos lapsijoukko ongi kazvannuh suurembakse migu pezäs suas olla.
Nurmekses linnan herrat kannatetah pezän nostamistu, pezäh tulijua lastu olis kylläl da karjalakse pagizijua opastajuagi olis tiijos. Ga dengudielot buite vie ei olla ihan selvät. Alganougo sygyzyl 2009 libo ei?
Tuuksel olis tulijua lastu da pättäviä opastajua, ga annetahgo heijän algua? Petroskoin tilandeh yhtenjyttyine. Vastustajuagi hallindolois buite on.
Uhtuan "vahnu" pezä ruadau, hos lapsijoukko ongi kazvannuh suurembakse migu pezäs suas olla.
Nurmekses linnan herrat kannatetah pezän nostamistu, pezäh tulijua lastu olis kylläl da karjalakse pagizijua opastajuagi olis tiijos. Ga dengudielot buite vie ei olla ihan selvät. Alganougo sygyzyl 2009 libo ei?
Tuuksel olis tulijua lastu da pättäviä opastajua, ga annetahgo heijän algua? Petroskoin tilandeh yhtenjyttyine. Vastustajuagi hallindolois buite on.
- mp
- Viestit: 2108
- Liittyi: 05 08 2008, 19:45
Re: Toiziigi kielipezäkohtii?
Himoittas tiediä, rubiego sygyzyl ruadamah kielipezä Petroskois, muga minule sanoi kenlienne. Sen ellendin ku tuukselazet vie ei ole suadu lubua nostua omua peziä. Kilbuyhteiskundu ainos ei miellytä, a täs dielos vois kižatagi. Nygöi jo voi varmannu sanuo, ku Suomen Nurmekses algavuu pikkaraine karjalaine kielipezä. Linnan johtai kannattau peziä. Nelli perehty on uskaldanuh työndiä omii lapsii pezäh. Pezän muamannu on anukselaine Zoja, kudai on ylen ottavunnuh pezäruadoh.
- mp
- Viestit: 2108
- Liittyi: 05 08 2008, 19:45
Re: Toiziigi kielipezäkohtii?
Täl nedälil Tuuksel pietäh kursii kielipezien kazvattajile, opastajinnu Natalja Antonova da Natalja Sinitskaja. Iče en paikal olluh, ga sanottih, ku sie on opastumas 9 kazvattajua Tuukses, Alavozes, Kuittizes, Anukses da Petroskoispäi. Nygözen tilandehen mugah sygyzyl algavutah Petroskois karjalaine da suomelaine kielipezä. Tuuksen kielipezän allus ei ole vie varmuttu.
P.S. Ni yhty nämis ei voi pidiä varmannu, kuni ei oldanne algavuttu.
P.S. Ni yhty nämis ei voi pidiä varmannu, kuni ei oldanne algavuttu.
- mp
- Viestit: 2108
- Liittyi: 05 08 2008, 19:45
Re: Toiziigi kielipezäkohtii?
Omas Muas 09/34 enzimäzel sivul oli ylen hyvä artiklu, kui meni kielipezäkursi Tuuksel. Nygöi voi vikse varmannu sanuo, ku Petroskoin päivykois nr 20 algavui karjalankieline kielipezä, a Tuuksel ei vie algavunnuh. Sežo voi läs varmannu sanuo, ku Nurmeksen kielipezä rubie ruadamah 7.9.2009.
16.9. Nurmeksen kielipezä on ruadanuh tostu nedälii. Huomei 17.9 arhijepiskoppu Leo tulou svättimän pezän. Paikal sezho lehtet, raadivo, televidenii. Luvekkua da kacokkua meedijoi.
16.9. Nurmeksen kielipezä on ruadanuh tostu nedälii. Huomei 17.9 arhijepiskoppu Leo tulou svättimän pezän. Paikal sezho lehtet, raadivo, televidenii. Luvekkua da kacokkua meedijoi.