Karjalua lapsile

[Maria]

Nügöi vie duumin gu olizi kuuzi kirjaimizii sanoi, kudamis on vai ühten kerran ühtu kirjaindu, voizi kirjuttaa kuubikkoih sanoi. Sen lizäkse što voi kuubikoil kirjuttaa sanoi, voizi erilaztu kižua sežo kuubikoil kižata, ken löüdäü ezmäzekse ezimerkikse kuubikun kudamas on sana "soudai".

[Maria]

Sanoi duumin, vai pidäü vie kaččuo midä sanoi ottua kuubikoih, što tulou sobivah eri kirjaimii. Gu 30 kuubikkuu luadinemmo, on listas 15 ülimiäräztü sanua

abevuo
bokači
čihkua
čilkeh
elaigu
emändü
enämbi
erämua
ezitüs
fialku
haižuo
harpie
heiluo
huomei
hurači
ijäkse
ižändü
jälgeh
kastuo
korgei
koufei
laškus
lendiä
luadie
lämbüö
nedäli
ozakse
pastuo
pilves
pimetä
potkie
puhtas
ravieh
seizuo
sentäh
siändö
soudai
sparžu
süväin
terväh
tuakse
tundie
valgei
vihmuo
žirafu

[mp]

Kačoin vie "Puhtasjärven Mašua". Yhtes "Tiedoiniekan hatunke" nämis kahtes kirjas pienien kirjaimien lugumiärät da protsentat ollah:

Koodu: Valliče kai

i  46188  13.4
a  31861  9.3
e  28007  8.1
t  24215  7.0
u  23022  6.7
n  22632  6.6
o  17934  5.2
l  17624  5.1
h  17549  5.1
s  14897  4.3
ä  14106  4.1
k  13631  4.0
m  11025  3.2
d  09000  2.6
r  08462  2.5
v  08243  2.4
y  07260  2.1
p  06676  1.9
g  04727  1.4
z  03792  1.1
j  03733  1.1
č  02517  0.7
ö  02412  0.7
b  02234  0.6
š  01701  0.5
ž  00394  0.1
f  00104  0.03
-------------
kaikiedah 343946 kirjaindu

Kui nägyy, protsentat ei olla ihan samat kahtes kniigas, ga nämmä luvut annetah suundua. Tiuhti/Viuhti kyzymykseh: "Hatus" mainitah Tiuhtii nenga 85 kerdua da Viuhtii 80 kerdua - hyö ei äijäl statistiekkua muutella. 6-kirjaimizis sanois: tiettäväine tiedokonehel niidy olis kebjei eččie sanakirjas libo tekstois, ga enbo tiijä pädöygo ezimerkikse "tekstu" sana lapsien kuubikkukižah?

[Maria]

Tekstu-sanas löydyy kaksi kerdua t. Gu kuubikkoi käytetäh sanoin kirjuttamizeh sežo, on hyvä gu on sanoi kudamis löydyy vai yksi yhty kirjaindu, on enämbi kirjaimii kuubikois.

[mp]

Työnnin sinule sähköpoštači 1650 sanahizen 6-kirjaimizien sanoin luvettelon. A kuibo kuubikan luadii sellittäy tämän problieman: ongo pehmendysmerki eri kirjain kuubikas libo ongo pehmeile da kovile konsonantiloile eri kuubikat?

[Maria]

A kuibo kuubikan luadii sellittäy tämän problieman: ongo pehmendysmerki eri kirjain kuubikas libo ongo pehmeile da kovile konsonantiloile eri kuubikat?

Nečidä ičegi vie duumin kuibo hyvä on luadie.. Pidäygo luadie erikseh hoikkazii suorukulmikoi pehmendysmerkienke Tiettäväine gu erikseh luadizi hoikkazii paloi, voizi nämmih kirjuttua sežo čökehdy, pilkuu i m.i.