opastajat.net/forum

A,muitengi olen duumannuh,vie enembi pidäy suaja vastavustu kursan aijal Karjalan tazavallan da suomelaziin opastujiin keskeh.Maguandukohtat i m.i. olgah yhtehizet.Suomes ei äijiä kielikylvendiä meijän gost'at sua,a sendäh liziämmö yhtehisty ilduohjelmua da muate vieremmö "yksih seinih".
Tuupovaaras syömisty suammo kunnetahto,urokkupaikkoi on,a maguandah näh pidäy kattšuo,pädöygo suomelazil "jamboreikursu",nuuzniekat da kylypezendy,5-6 riskanzua yhtes huonehes i m.i.
D'engua ollou,a hoteli Virsuvaara da erähät turizmufermat ollah käytändäs.

Suomes on äijän hyvii kohtii kus kursa voijah pidie. Nurmes on hyvä i sezo Tuupovuaras voimmo opastuo. Heinävien Valamo ois onnuako mieldykiinnittäi školakohtu karjalan kieleh näh. Ven'al Kinnermägi on čoma kohtu kus vois kieli piäh put'illeh puuttuo gu kylä on moine ylen karjalaine.

Kursal tahon roijah lyhembät urokut. 45 minuuttua ku iššut ni jo rubei mieli kargailemah kunnelie. Da enämbi paginua opastujien välil urokuilgi. Urokkujen jälles myö kebieh suomekse libo venakse rubiemmo tarattamah. Sendäh miän pidäy yhes eliä yhtehisis magavundaperttilöis da illat kielikylbie, mugai gu Pekoi kirjutti. Libo sit pidäy piästä elämäh perehis kus paistah karjalakse. Tämä tiettäväine on nygöi vai gu Ven'al mahtolline. Onnuago Suomes tulii aigu on sezo moine.

Kultuuraohjelmas minuo himoittais bläššie, samah luaduh gu oma pajo horan ker Veškelykses. Dai samal pajattuo tiettäväine.

Joensuun kansalaisopistoh olen viestii työndännyh:huigei on gu ei n'yhty kursua ole moises linnas!
A,sanotah:eule opastujua.Ammui jo Aleksandra Tikka hyvin opasti,jygiettävy oli,ga heitti.
Erähät vie sanotah: eule opastajua.
Pahembakse menöy gu sanotah:Ven'alpäi tullah opastajat,kehnuogo ei omii oteta?
Tämän sanon jygiesti da vattšua myö:Tiä Suomes opastajua eule.Penziel ollah roindukarjalazet,olgahes!
Tulguavai terveh heimolazet meidy opastamah!
P.
Jälgikirjutus:Varavuttau kursu tulijal vuuvel:kusbo lienöy da ollougo ruaduo?

Kielikursu Veškelykses oli ylen mieldykiinnittäi i kaikellah hyövylline. Opastamine erinomastu, i kai sie oltih ylen hyvii rahvahii. Vie, passibo suuri kaikil. Nygöi vuotan, sto tulijan kezän kielikursun hommailemizet sezo ylen hyvin menestytäh. Tarkoitus on ilmoittuakseh kursal, vai sil aigua keziä vuotelles, tiä ičekseh opittelen opastuo kieldy. Nu, enhäi vie äijäl malta kirjuttua (i paista) karjalakse...sit sua korjata hairehii.

Olen hyväs mieles, ku täs pellos ollah ruvettu kukkimah kukkazet da laulamah linduzet. Hyvin syndys kazvamah päivännouzupuolen alaroduu, kuibo juurruttas?

Egläi tiä meil piäs ilmah Selänne -lehti, kus oli kirjutus "Rakkahus Karjalah". Lehtimies luadi kirjutuksen mis kerron kui tärgie karjalan kieli da kul`tuuru on. Voibi sanuo sto minulles sydämendielo. Sendäh toivon ku saizimmo kielikursan (livvi) meijän rahvahan opistoh. Toivehikas olen gu hos lehtikirjutus andanou tuuldu purjehih. Selänne -lehti jaetah tiä nelläh kundah; Haapajärvi, Reisjärvi, Pyhäjärvi da Kärsämäki, i jogahizeh talovukseh (jagelumiäry 9 200 kpl). Kolme enzimästy kundua kuulutah Jokilatva opistoh. Uskozin sto ristikansoi interesuijah, muga saizimmo kursan. Olenhäi sezo aijembah pakičenu täs ylen tärgies azias rahvahanopistoh, rektoril i opastamizen planiiruiččijal. Nu, en jo tiijä kui käy, vai ainos kannattau yrittiä! A vie, tiijos olizi ylen pätevy opastaigi.

Huomei Oma Mua pruaznuiččou 20. roindupäiviä. Kaččelin vahnimii lehtii, vuvvennu 1995 nägöjäh rubein tiluamah. Otan kaksi kirjutustu sit lehtes. Enzimäzes uudizes enzimäzet karjalan kieles valmistunnuot. Toimittai Olga Pokornaja on nygöi Ogneva da toimittau televidenies, paiči nygöi on lapsilomal. Lövvättögo tuttavua?

Toine uudine kerdou jogakezähizes livvin kursis, kudai silloi piettih Anukses. Toimittaja Natalja nygöi on Sinitskaja, Oman Muan nygöine piätoimittai:

Egläi tulin Helsingispäi livvin kursin jälles. Nygöi duumaiccengi karjalakse, moine "kielikyly" se oli! Piälinnas oli ylen räkki, a hyvin opastuimmo yksikai. Meidy oli vaiku 13 hengie, 4 Karjalan Tazavallaspäi, dai opastajat Lena da Olga. A miärähäi ei ole tärgei, gu luadu on erinomaine. Karjalan Liiton ruadai sanoi gu meil oldih muailman parahat karjalan opastajat, i muga oli!

Mugahäi piälinnas ylen räkki oli, tottu, kui hyvin lämmätetys kylys joga päivy olimmo . Nygöi pidäysi piäs liziä kielineruo olla, gu vai ičel sie kai opastukset vie pysyttäneh. Tiettäväine, ni konzu taki ei sua opastustu unohtua.

Kaikkiedah kursa oli ylen mieldykiinnittäi, muga opastajat kui opastujat ylen mugavat, i muitenki kai dielot oldih hyvin luajittu. Passibot vie kerdu opastajil hyväs opastuksestu. Vie pidäy sanuo ku nuorin ristikanzu meijjän keral kursal oli Ivan, kymmene vuottu. Häi ylen bodroi brihačču on. Hänel vie täs tervehyöt työnnän.