Terveh teile!
Karjalan kielen kursat roittahes Veskelykses 28.06-05.07. Vuotammo teidy Karjalah opastumah. Toivon, tullah tuttavat rahvas, kel karjalan kieli on on paras kieli muailmas. Toinah tullahgi nuoret opastujat kiinostunnuot kieleh. Joga kerdua ihastuttau nähtä da paista omienke, myöhäi jo ammui olemmo yhty "perehty" - karjalazii. Terveh tulla Veskelykseh!
Livvin kursit
Valvoi: verkomuagari
-
mp
- Viestit: 2108
- Liittyi: 05 08 2008, 19:45
Re: Livvin kursit
Opastajinnu vikse ollah Ol'ga Žarinova da Jelena Filippova. Jelena Bogdanova tulou käymäh.
-
Pedrunnybly
Re: Livvin kursit
Suuri passibo Karjalan Liitol, Veskelyksen shkolal da kylän ristikanzoil i meijän opastajil Olga Zharinoval, Jelena Filippoval da kursin "muamal" Valentina Brendojeval. Kursi oli piän pruazniekku, Veskelykses olendu sydämen pyhäpäivy. Mugai passibot kaikil opastujil. Ylen vessely oli teijänke paista i pajattua!
-
Manutar
Re: Livvin kursit
Passibo suuri kaikile kursal ollehile.Ozua da tervehytty teile työnnän.
Meil ylen vessel nedäli oli. Äijän saimmo uuttu opastustu omah kieleh. Veskelyksen hieru kai tahtot täytti, putilleh kielikylys olimmo: saimmo paista rahvahan ker gu monis kodilois karjalakse paistih. Mondu nuordu opastujua meijän keral oli, se minuu ylen ihaskoitti. Myö vahnat gribaiset ainos uuttu verdu tarvicemmo kieleh libo kogo elokseh näh.
Meil ylen vessel nedäli oli. Äijän saimmo uuttu opastustu omah kieleh. Veskelyksen hieru kai tahtot täytti, putilleh kielikylys olimmo: saimmo paista rahvahan ker gu monis kodilois karjalakse paistih. Mondu nuordu opastujua meijän keral oli, se minuu ylen ihaskoitti. Myö vahnat gribaiset ainos uuttu verdu tarvicemmo kieleh libo kogo elokseh näh.
-
mp
- Viestit: 2108
- Liittyi: 05 08 2008, 19:45
Re: Livvin kursit
Minägi passiboičen meijän opastajii, meijän emoloi, školan opastajii da keittäjii da koin ižändii ku meidy äbäčöičittö. Veškelyksen kylä ylen äijän mielytti, himoittau kävvä školal uvvessah sygyzyl.
Riputin kačondukuvua ozutteheh
http://opastajat.net/veshk/
Kučistin net 600x900 pikselah da sadah kilotavuh, ku alguperäzet ollah viizimegahizet. Rubien luadimah perehkuvua bumuagale da työndelen lähiaijal niilöile, kenen ozuttehen lövvän. Kuvat riputah sie erähän nedälin.
Enzimäzen forumukirjuttajan palkindo menöy pedrunnyblyle, lykkyy da ozua!
Olen jo muga mondu kerdua olluh kursiloil, ku toinah jo rubien kuariččemah. Yhtelläh kirjutan täh omii ajatuksii tulijois kursilois.
Paikku Suomes: Voizigo olla Nurmekses? Ku piässöy algamah kielipezä, tulis moine "synergii-edu"
Paikku Ven'al: Nuožarvi, Vieljärvi, Videl?
Sižäldö: 40 čuassuu viijes päiväs (Suovattan kodih), nämmis 30 urokoi huondekses algajen, 10 čuassuu ohjattuu kul'tuuruohjelmua. Jatkokursis vois olla vähäzel teemoin kierduo. Ku ollou kyzyndiä, voizin tarita 5x2 čuasun "tiedotehniekan ilduškolan" kursilazile da škol'niekoile:
- tiedokonehen karjalastamine, edittoral kirjuttamine, tiedoloin siirdely
- tekstan- da kuvankäzittely, piirdämine
- Internetan livuandu, forumoile kirjuttamine, sähköpoštu
- opastusohjelmat, kodisivuloin luajindu
- kursijulgavon luajindu
Kursin jälgeh kaikin ollah induo tävvet. Sendäh on kummu ku jälgivuozinnu kursilazet ollah lövvytty vaiku jälgimäzel momental.
Riputin kačondukuvua ozutteheh
http://opastajat.net/veshk/
Kučistin net 600x900 pikselah da sadah kilotavuh, ku alguperäzet ollah viizimegahizet. Rubien luadimah perehkuvua bumuagale da työndelen lähiaijal niilöile, kenen ozuttehen lövvän. Kuvat riputah sie erähän nedälin.
Enzimäzen forumukirjuttajan palkindo menöy pedrunnyblyle, lykkyy da ozua!
Olen jo muga mondu kerdua olluh kursiloil, ku toinah jo rubien kuariččemah. Yhtelläh kirjutan täh omii ajatuksii tulijois kursilois.
Paikku Suomes: Voizigo olla Nurmekses? Ku piässöy algamah kielipezä, tulis moine "synergii-edu"
Paikku Ven'al: Nuožarvi, Vieljärvi, Videl?
Sižäldö: 40 čuassuu viijes päiväs (Suovattan kodih), nämmis 30 urokoi huondekses algajen, 10 čuassuu ohjattuu kul'tuuruohjelmua. Jatkokursis vois olla vähäzel teemoin kierduo. Ku ollou kyzyndiä, voizin tarita 5x2 čuasun "tiedotehniekan ilduškolan" kursilazile da škol'niekoile:
- tiedokonehen karjalastamine, edittoral kirjuttamine, tiedoloin siirdely
- tekstan- da kuvankäzittely, piirdämine
- Internetan livuandu, forumoile kirjuttamine, sähköpoštu
- opastusohjelmat, kodisivuloin luajindu
- kursijulgavon luajindu
Kursin jälgeh kaikin ollah induo tävvet. Sendäh on kummu ku jälgivuozinnu kursilazet ollah lövvytty vaiku jälgimäzel momental.
-
mp
- Viestit: 2108
- Liittyi: 05 08 2008, 19:45
Re: Livvin kursit
Rubein žiälöiččemäh Manutardu, kudai hävii kižan vaiku nelläl minuutal, työnin hänelegi kniigazen. Tämän nedälin Omas Muas 09/26 oli ezisivu täyzi kirjutustu Veškelyksen kezäškolas.
-
mp
- Viestit: 2108
- Liittyi: 05 08 2008, 19:45
Re: Livvin kursit
Paikkukyzymykseh nåh eigo ole muidu mielii?
-
Pekoi
- Viestit: 356
- Liittyi: 18 09 2008, 20:54
Re: Livvin kursit
Sanakse,uuzi kurzupaikku olgah Tuupovaara.Sie on Pedri Šemeikan viimizet eländy- da kalmoikohtat.Tšoma Öllölän kultuurukylä mellittšöineh,Hoilolan kirikkö,Vekaruksen mettšytroppualoveh,Saarivaaran tšasounu,Korpiselkä-taloi da vie erähii Suistamol,Korbiselläl i m.i. vahnan soduaiellizen Karjalan alovehil roinnuttu riskanzua.Tulgua terveh!
-
Pedrunnybly
Re: Livvin kursit 2010
Pidäy vie duumaija kus kursilazet eletäh, mugahäi halboi majapaikkoloigi heil pidäy. Nurmekses oli kanzanopisto, a nygöi ei ole. Lieksa ei ole loitton Nurmekses da kielipezäspäi i sie on kanzanopisto. Pekoi, kuibo on tuupovaaras?