KKK, kunnivokirjazii i muudu

Täl forumal kirjutetah karjalankielizien yhtistyksien ruavos, karjalakse

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

KKK, kunnivokirjazii i muudu

Viesti Kirjuttai mp »

Ol'ga Gokkojevale vihmuu kunnivokirjazii:
KuvaKuvaKuva
Iče piävyin nengomah kirjazeh:
Vieljärves, 28.8.2018
Karjalan Kielen Kodi yhtistyksen halličuksele

Kyzyn eruo Karjalan Kielen Kodi yhtistyksespäi.

Kymmene vuottu olen täyzipäiväzesti ruadanuh karjalan kielele, sidä
ruaduo jatkan vie. Skuuppu eläkkeheläine, kuuzi vuottu annoin denguabuu
KKK:n srojindah. Sidä ei voi nygöi jatkua, kormani tyhjeni.

Toivonuzin, ku Karjalan Kielen Kodi olis karjalankieline kodi kui nimi
vihjuau, toizin sanojen ruadas karjalan kielel. Nenga sen tarkoituksen
iče ainos ellendin, da nenga se sanottih srojinduaigah tv:n pagizuttelus.
Ven'ankielisty kodii Vieljärvelgi on kylläl. Gostii tiettäväine pidäy
palvella gostien kielil, ku vai nengomien kielien maltajii kois löydynöy.
A kodi on nostettu karjalan kieldy nostamah. Karjalan kielizenny KKK
tundus koile Suomen da toizien mualoin karjalazilegi. Nenga se toimis
ruavahile "karjalan kielen kylynny" da kielenkehityslaboratouriennu,
opastas karjalan kieldy kui "kielipezä" opastau karjalua lapsile. Nenga KKK
olis uskottavu karjalan kielen puolistai. Kyzyn KKK yhtistyksen
halličuksel nengomua Karjalan Kielen Koin tarkoituksen selgendämisty.

Toivon, ku KKK maltas vediä Karjal-diädän ojaspäi kuivale dorogale,
huijustelemattah astumah uudeh, parembah, karjalankielizeh aigah.

tervehyzin,
...
Da nenga halličus vastai minule:
Hallicus on ottanuh vastah erokirjazen.
Ylen ziäli on ku moine ansioitunuh ristikanzu da Koin suurin abuniekku ei tahto olla jäzenenny.
Hallicus ei näe nimidä estehii yhtesruavon jatkole ku tahtonet yhtesruaduo jatkuo.
En tiijä, motiviiruiččigo minun kirjaine täh dokluadah halličuksen agendal.
Mittuine on KKK kymenen vuvven peräs?

Karjalan kielen kois on kehitetty Vieljärven rahvahah niškoi uvvenaigazii ruadotaboi karjalan kielel, kudamis voijah opastuo toizetgi vähembistöt.
Ellendämmö sen kui vähä aigua da resursua on meil karjalan kielen kehitändäh. Sendäh ehoitan, ku emmo duumaiče ven'ankielisty ruaduo nivouse, Vieljärvel on sih niškoi kul'tuurukodi.
Midä konkreettistu voizimmu suaha aigah kymmenes vuvves:
- ildupäiväkerho lapsile, kudamat lähtietäh kielipezäspäi
- kogo KKK on kielipezä - Karjalan kielen suvaiččijat? (sobimus vaiku karjalan kielen käytös KKK:s, kielitieduo, yhtehisty ruaduo da huogavundua karjalan kielel)
- alguškola karjalan kielel
- kerhoruavon kehitändy lapsile (kielipezäs lähtenyöt)
- tervehellizen elaijan tavana kehitändy karjalan kielel
- kahten vuvven peräs kai kerhot ruatah vaiku karjalakse?

Pekoi
Viestit: 356
Liittyi: 18 09 2008, 20:54

Re: KKK, kunnivokirjazii i muudu

Viesti Kirjuttai Pekoi »

Täh dieloh en sano nimidä.Hyviä mieldy en pie.
Ku olluzin aktivistu,menetiijä sanozin.Passivistu olen,ga täsvai tötötän.Ket ellendetäh,sanokkua! :?

Käyttäjän avatar
mp
Viestit: 2108
Liittyi: 05 08 2008, 19:45

Re: KKK, kunnivokirjazii i muudu

Viesti Kirjuttai mp »

Pekoile: Aktivistois en tiijä, kedä on. Iččie pien karjalan kielen ruadajannu. Jo nenga kymmene vuottu se on olluh kaiken aijan täyttäi piäruado. Nenga olis ilmai ilmai Karjalan Kielen Kodiigi. Olin jo koin alguhpanendukerähmös da olen sidä kannattanuh dengal da ruavol. Oman čotan mugah jälgimäzen vuvven aijannu olen käyttänyh puoli ruadovuottu Karjalan Kielen Kodih - jälgiaijannu aigua on mennyh opastusmaterjualan valmistandah. Rubein kannattamah KKK:i sendäh, ku se on rahvahalline kyläprojektu, kudaman nimesgi on karjalan kieli, ku karjalan kielel olis kodi. Minun mieles karjalazien aktiivizus on liigua painottunuh etnokul'tuurallizih pruazniekoih, kudamii kačotah suomen kieles libo ven'an kieles käzin - surman kebjendämisty, sanozin. Sendäh iče keskityn tulien aijan argeh karjalan kielel. Sendäh minun piäh nouzi hörö, konzu erähičči paginanvedäi plakkai ku KKK ei ole karjalankieline, ku nenga ei ole piätetty. Iče duumaičin ku se piätettih silloi, konzu koile annettih nimi. Täh tahtoin selgendysty yhtistyksespäi eruomal. Olen hyväs mieles ku halličus ellendi minun signualan da on ottanuh duumaittavakse "Mittuine on KKK kymmenen vuvven peräs" - onnuako paginanvedäjän tekstua. Halličuksen vastavuksen jälgeh da tämän bumuagan lugiettuu ilmoitin halličuksele, ku jatkan yhtesruaduo kuni on yhteisty intresua, da nimenomah ruaduo kudai suundavuu tulien aijan argeh karjalan kielel. Konkriettizesti tämä tarkoittau minule sidä, ku ajan joga toine nedäli Vieljärveh tiedotehniekan libo robotiekan kursoi pidämäh, kuni on intresua minun karjalankielizih kursoih, semmite nuorii opastujii. Nygöi sidovun pidämäh tiedotehniekan kursua vuvven loppuh (kačo karjalankielenkodi.net sivuston uudizii), kevätpuolel kyzelen tulougo ken robotiekkah da ohjelmoindah. Muite sie kävves piluan da pilkon halguo, kannan halguo da vetty, niitän heiniä kohendan pertilomuloi i m.i. midä konzugi pidäy. Samah aigah minul on muijal on kolme nelli kirjuprojektua. Opin pyzyö loitton kielitoris. Minun huavehennu on, ku omat ruavot hyövytettäs idejua yhtehizes karjalan kieles da uvvenaigazes karjalankielizes kul'tuuras. Hos onnuako iče nengomua en kergie nägemäh.

Käyttäjän avatar
mp
Viestit: 2108
Liittyi: 05 08 2008, 19:45

Re: KKK, kunnivokirjazii i muudu

Viesti Kirjuttai mp »

Päivityksii KKK:n toimindas https://karjalankielenkodi.net/uudizet/ sivustol.

BUTTON_POST_REPLY