opastajat.net/forum

Karjalan Kielen Kodi lähtöy nelländele. Alguhpanendukerähmö oli 22.7.2012, roindupäiviä pruaznuijah pyhänpiän 26.7. Karjalan Kielen Kois, Vieljärves, puolespäiväs edehpäi. Enzimäine vuozi oli riičindyvuoze, sit kaksi srojinduvuottu. Toimindugi jo on piässyh alguh.

Pruazniekas olimmo,äijy rahvastu,äijy ohjelmua da kaikin hyväs mieles! Suuret passibot!

Täshäi on se pruazniekku: https://www.youtube.com/watch?v=torGXUjoQI0 Voinnus vie olla enämbi programmua karjalakse, vähembi ven'akse...

Passibo meijängi puoles Kummu olo oli olla talois, kudamua moni kerdua oli kuvis da videolois nähnyh. Ylen väzynyh olo on kaikkien matkan aijannu kulgiettuloin kilometrilöin jälles, emmogo vie ole suanuh ni kaikkii tavaroi sumkoispäi iäre

löydigo Juuli paginkanzua?

Juuli sanoi, ku paginkanzua oli Ga häi ei paginkanzua löydänyh, paginkanzu löydi hänet tuldih hänelluo paginale.

Kačoin Kinermäl, ku ei olluh nimidä probliemua elostua ven'alazien lapsienke, hos Juuli ei maltanuh ven'akse, Pol'a da Liza ei maltettu karjalakse.

Vähä Juuli allus varai mennä joukkoh, ku ei ven'akse malta, erähän sanan vaiku.

Karjalan kielen koin roindupäivy meni kui kai dostalit roindupäivät, ken on avvuttanuh tuli gostih da erähät abuniekat omua progruammua ozutettih. Pahakse mielekse karjalankielisty progruammua vie ei lövvy kolmekse cuassukse ku tahtonet midätah uuttu. Ruskei neicyt-progruammoi löydyy joga kyläs. Yksikai hos sidä niken ei ni dogadinuh, pruaznkiekan aigah oli kolmen nygyaigazen karjalankielizen pajon enzi-ildu. Tatjana Baranova kiändäy pajoloi karjalan kielel, da vähä ken vie niilöi pajattau. Suuret passibot Mariale ku pidi omua karjalankielisty master-kluassua! Tulien vuon olizi hyvä suaha enämbi karjalankielisty progruammua Suomespäi. Olizigo ehtotuksii?

Uuzimii KKK:n srojindu-uudizii linkis http://karjalankielenkodi.net/uudizet/