KKK projektan eistymine

Täl forumal kirjutetah karjalankielizien yhtistyksien ruavos, karjalakse

Valvoi: verkomuagari

BUTTON_POST_REPLY
Gagarin

Re: KKK projektan eistymine

Viesti Kirjuttai Gagarin »

"Sovetskaja uuličču"

A voi voi, viego nengoine adressu pidäy olla ...

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Gagarin kirjutti: "Sovetskaja uuličču"
A voi voi, viego nengoine adressu pidäy olla ...
Ei nimi kodii sporti ku ei kodi nimie... Soviettu tarkoittau nevvostuo da 8 on kui pystyi nossuh ∞. Sendäh "Sovetskaja 8" voibi lugie kui "Iärettömän hyviä nevvuo".

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Uuzimii kuvii koin srojus tiä

Pedrunnybly

Re: KKK projektan eistymine

Viesti Kirjuttai Pedrunnybly »

A ollougo midä koin toizes kerrokzes?

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Toizen kerroksen pertilöi ei ole srojittu da pordahatgi ollah vie endizet väliaigazet. Minun mieles ei ni ole kiireh mennä sinne kuni enzimäzes kerrokses on vie ruattavua: pezotilat, toine wc da inva-wc,... Muitegi hyvä olis ku toimindu da tilat kazvettas rinnai. Vuvven 2015 toimindukerdomustu voi lugie tiä.

Pekoi
Viestit: 356
Liittyi: 18 09 2008, 20:54

Re: KKK projektan eistymine

Viesti Kirjuttai Pekoi »

Aba nygöi? Kuu jo kulgi,keziä vuotammo.. taki ei saitua niken kabrasta,eigo tiijota?

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Konzu Karjalan Kielen Kodi piätettih nostua, allus algajen levitettih "varmua tieduo" ku sit nimidä ei roi, libo rodieu hoteli, libo kultuurutaloi endizen sijah. karjalankielenkodi.net sivuston tarkoitus oli tarita oigiedu tieduo dokumentoinke. Minä olen net tekstat da kuvat riputtanuh sen mugah kui olen iče käynnyh paikal libo minule on työtty tieduo. Nygöi enämbi paginua menöy http://vk.com/public46199459 meedies, enämbi ven'akse da etnokul'tuurallizis teemois.

Minun intressu KKK:h perustuu nimen keskimäzeh sanah, a puaksuh minus tunduu ku kai vk:h kirjuttajat ei olla sidä sanua huomattu. Konzu karjalazien kerähmös vallan evustajat libo vallan dengois rippujat äijäl kiiteltih KKK:ii, ičel kyzelin kuulungo heijänke samah prihodah. Hyö vikse toivottas ku KKK:s rodies etnokul'tuurukeskus, kudai todevuttas valdivon tavoittehien mugastu assimilatsiipoliitiekkua da "surman kebjendäjän" roulii kielen hävitändäs. Minun motivatsii KKK:n kannattamizeh on ku karjalan kielel olis mahto kehittyö tulies aijas argiruavos käytettävy kieli, ku KKK:n tarkoitus ei ole olla pruazniekkuzualu endizien aigoin mustelendah ven'akse.

Koin ustuavu on hyvin kirjutettu ja kyläläzet ollah ruvettu kois käymäh. Aigu ozuttau, kunnepäi KKK rubieu kehittymäh. En ole vieljärveläine engo tahto ruveta heidy neuvomah. Toinah löydys sigäläine, kudai rubies sivustuo pidämäh. A kuibo perustua Suomeh KKK, kudai ruadas yhtes Vieljärven KKK:n ker? Koin seinät ei ruata, se on moneh kerdah nähty, eigo sivusto internetas vie ole kodi.

opastajat.net on iellehgi ozutusikkun minun hommih libo hommuamattomuoh. Vie olen ylläpidäjänny karjalankieliopit.net sivustol, kudai on "verdailii karjalan kielioppi" projektan ozutusikkun. Hil'l'akkazeh sie rubieu nägymäh midä on ruattu.

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Oman koin butkiremontan däh olen evakos Vieljärvel. Kyläläzien teatrugruuppu on olluh ylen aktiivine, muudugi tapahtumua on olluh äijy, kui toimindukerdomukses voi lugie. Täl nedälil KKK:n keitändyčuppu sai jiäškuapan da nenga sie nugöi on kudakui kai midä pidäy. Jälginedälilöil vezi ei tulluh da käymäl ei ruadanuh. Erähän huonon ozan da hädähizen azenduksen däh butki oli vedänyh peškuu da nasossu tyhjendi kaivon vies, kudai ei tulluh kodih. Nygöi se on kohendettu toimijakse da lopullinen kohenduh rodieu kuun peräs.
En ole omin silmin lugenuh a tämä on varmu tiedo. Anatoli Grigorjev oli kirjuttanuh Sauli Niinistöle, ku Karjalan Tazavallan halličus ei lövvä kahtu miljonua rubl'ua, mit tarvittas suomenkielizen Carelia-lehten julguandah, ga ollah lövvetty 6 miljonua Karjalan Kielen Koin srojindah Vieljärvele, hos sie on hyvä škola, eigo rahvas paista karjalakse. Tämähäi on täyzi kielastus. KKK:h ei ole kyzytty eigo suadu valdivon dengua - KKK:n budžetan 7 miljonas rubl'as vaiku 7% on julgistu dengua, segi EU:n etnokul'tuuruprojektan dengua, kudamal ostettih ikkunat. Grigorjev on karjalaine, kudai oli kodvazen KT:n deputuatannugi, a häi kannattau suomen kieldy karjalazien kielekse, da Karjalan liittämisty Suomeh. Omas Muas silloi toiči on jullattu hänen kirjutuksii.

Käyttäjän avatar
mp
Viestit: 2108
Liittyi: 05 08 2008, 19:45

Re: KKK projektan eistymine

Viesti Kirjuttai mp »

Ken tahtou omin silmin lugie mainitun Grigorjevan kirjutuksen, täs se on. Hänen "tiedo" KKK:n dengois on kielastus.

BUTTON_POST_REPLY