KKK projektan eistymine

[Maria]

Oli kyzymys kui jagua tilua eri toimindoloile. Se tiettäväine ei vie enzimäzii kyzymyksii ole, äijy muudugi ruaduo.. Ga suurelego joukole tilua huavatah? Ku tilua on, hos mitah suurembi zualu, no pidännöy monenmostu suaha sih samazeh pertih, hyvä olis azuo mittuizettahto siirrettävät da kiänettävät stolat, ku suas stolua suurembale joukole da sit siirrettyy net bokkah ku pidännöygi tilua, sanommo, teatrah libo fiskul'tuurah niškoi. Pidännöy keitändypertii da suurdu pertii divanoinke, ga onnuako yksi perti olis hyvä olla "muuttui perti" kuduas ollus monekse

[Pekoi]

Tulijal nedälil opimmo käyvä kattšomah...

[mp]

On käytändöllizii tarbehii kui (kuiva)käymäl, suihku/pezoperti, sobaperti, toimistoperti da varastotilua, keitändyperti suuren päčinke lämmitändäh da šipainiekoin pastandah, toinegi päčči pidäy kunnetahto sijoittua. Sit net KKK-tilat: välly pagizendu, čuajun juondu, lehtien da kniigoin luvendu, internettu da tiedokonehel ruadamine, käziruadoloin ruadamine, pienes gruupas opastundu, fiskul'tuuru, pruazniekkuzualu, ... Suuri zualu toinah vois olla endizes kohtas, pieni zualu duumaija uvvessah, jiännöygo keitändyperti endizeh paikkah. Päivännouzu-pohjasčuppu pidänöy jagua ruadopertilöikse?
Kai rippuu sitgi, rubieugo kodi nouzemah endizien piirustuksien mugah vai ihan eri tabah. Uuzi fundamentu pidäy luadie da vaihtua uuzii parzii hapannuzien tilale. Uuzih piirustuksih menemine avuas uuzii kyzymyksii. Omistusazieloingi sellittämine on hätkestynnyh. Hos sit ei pidäs olla suurdu probliemua, ga on varavo ruveta suureh kohendamizeh enne niilöin sellittämisty.
Yhtelläh srojindan zobotat ollah pienet verraten koin toimindan kehittämizeh. Ihan enzimäine pikkaraine kursu on luvendan opastamine latinalastu kirjaimikkuo tundemattomile vieljärveläzile. Toinah midätahto muudugi vois keksie vieljärveläzile da muijal eläjile internetači.
A kaikkii suurembi kyzymys on, tahtotahgo karjalazet pidiä karjalan kielen. Tahtommo uskuo ku tahtotah. Ku sidä tahtuo ollou, KKK:n hapannuot parret ei olla probliemu.

[Olói]

Karjalan kielen koin kehittämine viey aigua, srojindu on kebjembi protsessu mi gu mielen muuttamine. Ven´al ei ole yhtistyksil omii kodiloi, sendäh rahvas ei uskota nengomah ruadoh. Toizekse kestäy hätken enne ku karjalazet uskotah ku tämä ruado on karjalan kielen hyväkse. Puaksuh on sanottu karjalan kieles da ruado on mennyh ven´akse da pruaznikoin järjestämizekse. Hätken pidäy ruaduo da ozuttua ku olemmo karjalan kielen puolel. Yksikai tädä ruaduo pidäy jatkua.

[Maria]

Mittumiigo dieloloi vie on sih nähte, ku suaha kodi yhtistyksen omakse, ku niken ei sidä suas järilleh ottua. Ku uskaldettu ollou, mittuinego protsessu on vie ies sih niškoi, libo ongo vaiku muga ku hätken vedäy hos ei nimittumii dieloloi olisgi estehenny?

Da mittumatgo pluanat tänäpäi ollah, ku pidäy kai fundamentu uvvessah srojie, hätkengo pidäy ku ollus kodi uvvessah nostettu?

[mp]

Karjalan kielen koin kehittämine viey aigua, srojindu on kebjembi protsessu mi gu mielen muuttamine.

Onnuako kanzallizuspoliitiekan tavoiteh jälgivuozikymmenien aigua Suomes da Ven'al ongi olluh kiändiä karjalazien mielet pruaznuiččemizeh da andua ellendiä ku karjalan kieldy libo ei ole libo se on pädemätöi. Sit Karjal rubies tarkoittamah vaiku paikkua da karjalazet sie eläjii, kuduat nimidä ei tietä karjalan kieles da kul'tuuras. Vuozikymmenes toizeh toistamal opastukset ruvetah tarttumah. Ga suau ebäillä midä tovennu taritah da kyzellä, midä taza-arvos on sanottu YR:s libo EN:s. Kielen kiändämine kiändäy mielengi. Mugai vazara da nuaglu.

[Olói]

Bumuaguvoinu kest'y sygyzyssäh, koin projektu pidäs luadie terväh, fundamentan voi srojie sen jälles. Rungokodi terväh nouzou, da sih vie pidäs kerätä 6 000 euruo

[mp]

Karjalan kielen koil on täs heinykuus äijän ruattu. Jälgimäzet kuvat http://karjalankielenkodi.net sivustol ollah egläi otetut, ga tänäpäi net jo ollah vahnannuot. Vuozi algukerähmön (22.7.2012) jälgeh ei ole valmistu kodii, a se on nygöi vuottu lähembä migu silloi.

[Olói]

Tänäpäi piimmö subotniekan Kinnermän ystävien kel da Vieljärven rahvahan kel. Äijän on ruattu. Ezmässarren jatkammo, sit jo vahnua kodii ei ole olemas. Zavodimmo fundamenturuavot elokuus.

[Maria]

Hyvin eistyy ruado, hyvä kuulla