KKK projektan eistymine

[mp]

Valdivo ei anna nimidä, biznesmiehii kucummo abuh.

Nygöi myö Suomes eläjät bisnesmiehet voizimmo availla kukkaron nuorazii da työndiä abuu KKK:n kodisivul ilmoitetule bankutilile.

[Gagarin]

A kuibo nečen tiedäy kunne jengat männäh?
T'ilil kui jengua työndännet gä sid et sua n'i midä kontrollie ičelläh.
Ven'an mual kui ei ainoš kai mäne ihan put'illeh tämänjyttyzis dielois.

[Olói]

Suomes den´gat mennäh Kinnermäen ystävät Ry:n cotal, sit yhtistyksen hallicus pidäy den´gat silmäl. Tässäh on hyvin ruadanuh yhtistys da ylen äijän srojinuh Kinnermäl. Venán puolel meil on Karjalan kielen kodi-yhtistys, kudamas on Ven ´an da Suomen karjalazii, yhtes den´goi silmäl piemmö. Terveh tulgua yhtistykseh yhtes ruadamah da den ´goi silmäl pidämäh!

[mp]

Kodisivustole http://karjalankielenkodi.net on lizätty kerdomus enzimäzen vuvven toimindas. Sežo tovestus Karjalan Kielen Kodi yhtistyksen registriiruičendas on pandu nägyvih - se on ven'akse.

[Pedrunnybly]

Suovattan (3.8.) jallai astuimmo Vieljärven dorogal, pagizutimmo yhty ylen vahnuo akkuo dai kyzyimmö kus on nengoine Karjalan kielen kodi. Ozutti, pakiččemattah pagizi dai tiezi midä sie ruvetah ruadamah. Oh, gu olin hyväs mieles!

[mp]

Hos ongi vahnan da uvven koin väline aigu, KKS:s tapahtuu äijy: bumuaguazieloi, piirustuksii, fundamentan tazoitteluu, dengan suitandua i m.i. Uudizii KKK:n kodisivuloil.

[Maria]

Ongo jo suadu bumuagale tovestuksenke se, ku kodi on kkk:n oma?

[Olói]

Bumuaguruavot kestetäh hätken, jogahine bumuagu ottau kuun-kaksi, bumuagoi on äijy. Uskon ku sygyzyl suammo omakse. Olen suanuh käymäh KKK:s Karjalan suurembii piällikköi da televizorah äijy uudizii, sendäh ku tämägi vaikuttau koin omakse suamizeh

[Olói]

Egläi piimmö Oulus kafeteriedu Karjalan kielen koin hyväkse, sipainiekkoi on pastettu enämbi 200 palua da toiziigi karjalazii dai toizien mualoin piirualoi on pastettu äijy. Suupuagi sai. Kinnermäen ystävät Ry:n nuoret ollah ylen aktiivizet, ylen coma oli kafeterii. Saimmo 801 euruo da vie podarkannu 5450 rubl´ua. Kezän aigah Vieljärvel da Kinnermäl on kerätty 77 000 rublúa (1800 euruo). Nygöi voimmo ruveta fundamentua valamah! Suuret passibot kaikile, Karjalan kielen kodi on suanuh äijy ystävii! Yhtesruavos kodi nouzou!

[Olói]

24.8 10.00:n aigah piemmö subotniekkua Karjalan kielen kois, rubiemmo formua azumah fundamentah (kivijalgah) niskoi. Terveh tulgua!