KKK projektan eistymine

[Olói]

Yksi versii meil on luajittu, toinah sidä olizi hyvä vähäzen kehittiä.

[mp]

Minun tiedämiä, KKK:n tilandeh on alolijan kuvan mugahine:

[Olói]

Muga on, nygöi olemmo vuottamas hindutieduo plotniekoilpäi, ikkunfirmalpäi da päcciniekalpäi

[Pekoi]

Moizet kuvat da tiijot hyvin pätäh tetrattihgi,a vie kuva kylän ristikanzois alguaijan kerähmös,subotniekas im.i.
A vie kettahto tuttavat,kuuluzat rahvas kehittiä voizi avvuttamah.

[mp]

Uuttu kuvua Karjalan Kielen Koin srojindas kodisivuloin karjalankielenkodi.net uudizis.

[Maria]

Kačoin, ku kkk:n sivuloil oli uuttu kuvua. Jogo puututtih matkah ikkunat kodih niškoi?

[mp]

Net oldih vaiku "ikkunostoksii", ikkunat jiädih vie ostamattah.Pyhänpiän vastavundas yhtet äijäl kannatettih plastmassuramkoi. Kuvis on perindehellizii puuramkoi, kudamis on enämbi ruaduo, ga net ollah luonnollizembi vaihtoehto. Pidäy vie hindoigi verdailla. Ga enne ikkunoi pidäy luadie levo da seinät. Levožestit, seinylevyt da -lavvat on jo tilattu da ruado jatkuu niilöinke. Sen jälgeh ikkunat da veriät.Nämmä ollah lähinedälilöin ruavot.

[Maria]

Egläi vastavuttih Varkauksen karjalan kielen kursuniekat školan keitändykluasas. Yhtes pastoimmo šipainiekkua, sulčinua da hapainpiiruadu, sit čuajunke söimmö. Keral oli kanaine, kuduan syväimeh sai panna dengua min tahtoi, KKK:le annettas. Juuli oli ylen innokas kananke, välis pidi jo oppie alevuttua, ku ei kaiken aigua kierdäs kananke astujen, dengah näh paisten. Moni kerdua kirrahti, ku myös on muninuh kana ližiä dengua! Kursuniekoi nagratti, sanottih, ku on putin dengankeriäjy. Ehtäl kois vie panimmo kanaizeh aijembi suittunuzii dengoi. Sanokkua sit parembi karjalua maltajat, mibo se on kana, kudai hyvin muniu.

[mp]

Putin muniju kanaine tiettäväine on stahanovka kanaine, onhäi Nevvostoliitto movvas.

[Olói]

Konzu kana on putin, sit kaikenmostu jäiccie pidäy vuottua