Karjalan kielen kodi Vieljärveh?

Täl forumal kirjutetah karjalankielizien yhtistyksien ruavos, karjalakse

Valvoi: verkomuagari

Pekoi
Viestit: 356
Liittyi: 18 09 2008, 20:54

Re: Karjalan kielen kodi Vieljärveh?

Viesti Kirjuttai Pekoi »

Kacoin,ongo sie karzin?Piäzöygo vezi alacuraspäi eäre?Valattaugo levo da sulan lumen viet koispäi eäre?Ojii ongo?A,ollahgo parret kiviin piäl,libo peškubankoil?

Olói

Re: Karjalan kielen kodi Vieljärveh?

Viesti Kirjuttai Olói »

Ice en vie tiijä, lähten sinne oraskuus kaccomah. Terveh tulgua! Suomespäi on jygei tuvva materjualoi, da nuagloi voi tuvva, primieräkse

Käyttäjän avatar
mp
Viestit: 2104
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

Pekoi kirjutti: Kacoin, ongo sie karzin? Piäzöygo vezi alacuraspäi eäre? Valattaugo levo da sulan lumen viet koispäi eäre? Ojii ongo? A, ollahgo parret kiviin piäl, libo peškubankoil?
En rubie rakendusinženierakse, a fotokuviigi olen ottanuh sih niškoi ku nilöis suas kuvan koin kunnos. Subotniekat tässah ollah oldu kabrastustu da riiččimisty sih niškoi ku kundo tulis nägyvih da sen mugah vois piättiä kui kohendua. Minun mieles piähuomivot tässah ollah oldu:
- levo truvan lähäl vajattau da on niilöis kohtis hapattanuh levon rakendehii. Uuzi levo pidäy.
- jälgehpäi luajitun verandan levo hapatti palan seinyparzii uuličan puolel. Se verandu joudas ottua iäre ja panna uuttu parttu kahten-kolmen metrin matkal.
- "mečän" muolel levon vajatus da käymäl hapatettih seinyparzii. Tähgi kahten-kolmen metrin matkal pidäy panna uuttu parttu.
- kodi on mättähäl da vezi lähtöy joga suundah, pohju on kuivu. Nimittustu karzinua en ole huomannuh. Suuren zualan al on vähäzen tyhjiä tilua. (Paginanvedäi ehtotteli nuorembile naizile, lähtemmögo tutkimah mittuine tila sie on...)
- pohjukivilöi pidäy kaččuo da erähis kohtis onnuako seiniä pidäy vähäzel nostua.
Moizen yleiskuvan olen suannuh, ku perusrakendehen puoles kodi on enimyölleh aiga terveh, ga erähii kohtii jälgivuozien huolimattomus on hapattanuh. Azientundijat kačokkah, piättäkkäh da kohendakkah net kohtat kui pidäy.
Ku dielot hyvin eistyttäs, sygyzyl piälmainitut vijat oldas jo kohendettu da kois olis sähköt, hos yhtes kohtas. Sit huononemine azettus da remontua vois hil'l'akkazeh jatkua resursoin mugah - da kodii vois jo ruveta käyttämähgi.

Olói

Re: Karjalan kielen kodi Vieljärveh?

Viesti Kirjuttai Olói »

Muga on, hyvät huomivot. Tavoittehennu on suaha fundamentu, seinät da levo kohendettuu sygyzyssäh. Sit talvelgi voi ruaduo syväimes - panna lämböizolátsiedu seinih, yläh da alah, azuo päccilöi i m.i. Ruadajua löydyy, Vieljärven rahvas hyväl mielel ruatah, meijän dielo on löydiä materjualoi/den´goi ruttoh ku ruavot eistyttäs

Käyttäjän avatar
mp
Viestit: 2104
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

KKK:n tagapiha rubieu azettumah oigieh muodoh, ga silitellä vie pidäy. Kuvan oigiel reunal kirjuttajan ajonevvo.
Kuva
Koin sydämes avattih toine käymäl. Kuva mužikoin käymäläs. Huomua käyttöohjeh seinäl: "Unituazua käytetäh vaiku istujen".
Kuva
Jälgiaijal kodi sai pezokonehen kyläläzien käyttöh.
KKK pidäy nellätty roindupäiviä 31.7.2016.

Pekoi
Viestit: 356
Liittyi: 18 09 2008, 20:54

Re: Karjalan kielen kodi Vieljärveh?

Viesti Kirjuttai Pekoi »

Unituazu? En ellendä etymolougiedu,töhlöi olen. :oops: Muitegi pahasmieles pidäy tunnistua;emmo tule roindupäivypruasniekkah.Mucoil vaiku kaksi päiviä väl'liä on,ga jygei on ajua ku vie aijoinaigah pidäy järilleh piästä.
Pruasn'uikkua rukat,i tervehytty sanokkua!

Gagarin

Re: Karjalan kielen kodi Vieljärveh?

Viesti Kirjuttai Gagarin »

"Unituazu" onnuako tulou neniis aijois kui vanha rahvas pidi t´ilan vierel tuazua yön aigan,
kui ei tarvinnuh sit pimies pihal proidie nuushniekkazeh.

Käyttäjän avatar
mp
Viestit: 2104
Liittyi: 05 08 2008, 19:45

Re: Karjalan kielen kodi Vieljärveh?

Viesti Kirjuttai mp »

Unituazu on ven'an sana kudamua Vieljärves käymälmal'l'as käytetäh. Minul ei ole nygöi mahtuo sellittiä sanan alguperiä, ga onhäi ved tuazu ("pesuvati") tuttavu sana? Minägi pagein roindupäivän aijakse Suomeh, ei himoita pruaznuija.

BUTTON_POST_REPLY