opastajat.net/forum

Huomenizekse 22.12. huavattu subotniekku buito jiäy pidämättäh kovan pakkazen däh. Subotniekkuhäi on hiihtokižah verrattavu tapahtumu da sendäh samua siändyögi soveldetah: pakkasraja on -20 gruadussua.

Vuvven vaihtujes on avattu Karjalan Kielen Koin kodisivut ozuttehes http://karjalankielenkodi.net
Niilöil sivuloil suau kaččuo, kui kodiruavot, seinät dai syväindö, eistytäh. KKK:l ei ole omua forumua, sendäh iellehgi uudizii KKK:s voi opastajat.netan forumoile kirjutella, sidä vuotammogi. Ga toinah pidäs tämä KKK forumu siirdiä järilleh Uudizet foruman al?

Hyvä dielo ku on omat sivut Karjalan kielen koil. Da forumal minun mieles KKK:n dielot voijah olla kui nygöigi erize

Hispaanies tundietah sananpolvi: "Zamorua ei voitettu čuasus". Moine boju oli läs tuhat vuottu tagaperin, linnan ottamine kesti seiččie kuudu. Nygöi se tarkoittau ku suuri ruado ei valmistu kerras.

Vieljärven koin luajindas nygöi on hil'l'u aigu. Kui mečän puuloin, pidäy valmistuo kezäh. KKK on enne kaikkii vieljärveläzien dielo ga on se vähä kaikkien karjalaziengi dielo, kui se rubie eistymäh. KKK:n kodisivuloil (karjalankielenkodi.net) kerrotah koispäi, kui ollah dielot. Opin täs arbata, midä rubie tapahtumah da vois tapahtuo täs edehpäi.

• KKK yhtistyksen registriiruičendu Ven'an hallindoh on tapahtumas. Sen jälgeh kodi voi virallizesti siirdyö Piräzän hallindolpäi KKK yhtistyksen omakse. Sit voi suaha sähköt da voi ruveta pertilöi kohendamah. (Ga vie on kabrastusruaduogi moneh subotniekkah).
• Registriiruičendan jälgeh voi aktiivizemmin ruveta mainostamah da keriämäh jengua rakendusmaterjualoih niškoi Suomen da Ven'an bankutililöile.
• Ilmoin lämmettyy jatkutah subotniekat, ga rakendamizen opastujii da ammattimiehiigi ruvetah tarviččemah, materjualoi pidäy ruveta eččimäh.
• Toivommo, ku kezäl hos yksi perti olis moizes tilas, ku kylän rahvas da gost'at voidas kerävyö hos kerähmyö, libo pikkarastu kursua pidämäh, sit tundus ku ruado eistyy. Ga ollahhäi subotniekat da KKK yhtistyksen vastavundatgi opastundua (Sanoihäi McLuhan: "The medium is the message - meedii on viesti")
• Sit pidäy meijän muijalgi ruveta duumaiččemah, ongo meil midä vaihtettavua Vieljärven KKK:n ker. Voisgo KKS:n keskus Jovensuus olla hos virtualine KKK Suomes, onhäi Suomen Pohjas-Karjal jullistettu karjalazien kodirandualovehekse Suomes.
• KKK:n ustuavas da kodisivuloil on luveteltu mahtollizii ruadomuodoloi da kursoi. Jo tänä vuon olis hyvä midätahto, rakenduksen lizäkse, todevuttua konkriettizesti.

Idejoi?

Tahtougo ken tulla kezäl subotniekoile Vieljärvele? Ku löydynöy tulijoi, sit voizin kyzellä vieljärveläzii 3-5-päivän yhtehizeh subotniekah näh. Hyvä olizi suaha Suomen karjalazet Vieljärven karjalazien perehih elämäh. Yhtes elämine da ruadamine kehittäs kielen Suomen dai Karjalan karjalazil.

Tahton,tiettäväine! En vai tiijä maltango midä ruadua. Muite,olettogo kacconnuh materjualoi,veššii da brujua mit oldais huogiembat libo muite pättävembät tuuva Suomespäi? A pidäygo varata,što vie kentahto suuri herru sanou: etto sua kodii,mengiä iäres höyhöttämäh!

Ainoshäi pidäy varata:) da yksikai edehpäi menemmö. Suurembii materjualoi (lavvat, lämböizolátsii, levyt) ostammo/pakicemmo Ven´al, sähkö- da LVI-brujat jo voizimmo Suomespäi tuvva. Sih näh vie kirjutan. Vuotammo vie vähäzen, viego tulou ruadajua opastajat.net:n kauti

Tulen kezäl subotniekale, gu kentahto vedänöy minuu Vieljärveh! Opin kuda-midä ruadua...

Pekoi kirjutti: ... A pidäygo varata, što vie kentahto suuri herru sanou: etto sua kodii, mengiä iäres höyhöttämäh!

Moizii suurii herroi on, kuduat nenga sanottas. Hyö segi "tietäh" ku ven'alazet ijän elettih Karjalas, karjalazet vastevai tuldih, kolme sadua vuottu tagaperin. A se suuri herru, kudai uskaldau andua koin, on ičegi karjalaine da kannattau KKK:i. Nengomua kodii Karjalas on äijy happanemas. Koin arvo on rahvahas, kudai rubieu sidä akkiloiččemah. Sendäh se pidäs suaha virallizestigi omakse enne gu arvo rubieu äijäl nouzemah.

Sezo minä tahton tulla subotniekale ku vai jogu kyydih ottanou.Mugavuhäi olizi ruadua täs hyväs dielos.