Grammarnatsi-čupuine

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Yougi
Viestit: 35
Liittyi: 30 01 2019, 09:38

Grammarnatsi-čupuine

Viesti Kirjuttai Yougi »

KARJAL ŽURNUALU kirjutti: Kovimilleh linnut voijah pajattua 80 detsibellan voimazuol Linnut ei pajateta samah tabah jogahizes muančuras.
Linnut lauletah, pajatah vain ristikanzat.

Sinilind
Viestit: 33
Liittyi: 23 08 2017, 10:25

Re: Grammarnatsi-čupuine

Viesti Kirjuttai Sinilind »

Yougi kirjutti:
21 05 2019, 22:45
Linnut lauletah, pajatah vain ristikanzat.
Tämä vikse pidänys kerduo karjalazilegi. Dikarit, kačo, ni omua kieldy ei maltettu:
  • šuokurbičča vihmoo pajattau (Puaden)
  • vigli se rannoil pajattau (Tulemjärvi)
  • kiuruine pajattau, keväd on (Siämärvi)
  • kiuru pajattaa hyvin keväjel (Videl)
  • linnut pajatetah mečäz (Nekkul-Riipuškal)
Čieppizen tiemua myö vie voizimmo nareko kohendella nenga:

vain = vai
pajatah = pajatetah
Grammarnatsi-čupuine = Grammatiekkunacistoin libo Kielioppinacistoin čuppuine

Minä en äijäl suvaiče natsistu/nacistu-terminiä täs, hos Grammar Nazi da kielioppinatsi ollahgi Internetas tavallizet. Erähät nenga nimitelläh toizii, toizet vie iččiedähgi. Kebjieh en sidä sanua käyttäs, ga se vikse vihjuau kielen ”puhtahuon” puolistandah. Vai puhtastu kieldy eihäi ole ni olemas – paiči, tiettäväine, omua hieruu, omua kodii, omua suudu...

Yougi
Viestit: 35
Liittyi: 30 01 2019, 09:38

Re: Grammarnatsi-čupuine

Viesti Kirjuttai Yougi »

Sanos vie, što kukko pajattau. Nagrammo yhtes.

Sinilind
Viestit: 33
Liittyi: 23 08 2017, 10:25

Re: Grammarnatsi-čupuine

Viesti Kirjuttai Sinilind »

Yougi kirjutti:
22 05 2019, 08:34
Sanos vie, što kukko pajattau. Nagrammo yhtes.
Ei, velli, taki liygiläine kukoi laulau, hos ei käskijes. A kukki on vai yksi linduloi, sil kaži syöy piän. Anna toizet linduzet pajatetah hos horman pajuo, kuigi tässäh, ollou sih himo ;)

BUTTON_POST_REPLY