murreh vai kieli?

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2104
Liittyi: 05 08 2008, 19:45

murreh vai kieli?

Viesti Kirjuttai mp »

Suomes on jälgiaijal noussuh dialogah Jani Koskizen Kiteen da Kesälahten murdehel kirjutettu diplomuruado. Yliopistolois on tavannu hyväksyö diplomuruadoloin kielekse suomi libo ruočči (suomen virrallizet kielet), anglii, libo muu yliopistos opastettavu kieli. Koskinen rinnastau mainitun murdehen varavonalazih kielih da prizmiy oigevuttu sen käyttöh. Päivännouzu-Suomen yliopistos hänen diplomuruaduo ei hyväksytty, a Helsinkin yliopistos se hyväksyttih. A vähä kummallistu on ku tiedokunnan dekuanu rubei jälgehpäi hyväksyndyä čakkuamah, sen jälgeh ku dielos ruvettih julgizesti pagizemah. Päivännouzu-Suomen yliopiston suomen kielen professoru Marjatta Palander sanou (https://yle.fi/uutiset/3-10588855) ku paginkielel kirjutettu diplomuruado on mieldykiinnittäi a hyövytöi ilmivö. Häi sanou:
Meillä on virallista tiedonvälitystä varten kehitetty yhteinen kirjakieli, joka palvelee sekä itä- että länsimurteita. Siksi en näe tarvetta kirjoittaa virallisia opinnäytteitä puhekielisesti. (Meil on virrallizeh kommunikatsieh niškoi kehitetty yhtehine kirjukieli, kudai sluužiu muga päivänouzu- kui i päivänlaskumurdehii. Sendäh en pie tarbehellizennu kirjuttua virralline diplomuruado paginkielel.
Olen samua mieldy Palanderanke. Diplomuruavos kielen tarkoitus on tiijolline kommunikatsii, ei identitietan ozuttamine. Voihäi ellendämättömäl kielel da elehilgi viestittiä, tulengo tappamah vai olengo ystävy, a tiijollizeh kirjuttamizeh pättävän kielen ylläpidämine kyzyy vägie. Yhtehizen kirjukielen tarkoitus on olla kudakui yhtenjyttyöh ellendettävy nenga suurele joukole kui on mahtollistu. A kenbo kirjuttas sotsiualu- da tervehyönhuollon zakonat, kriminualukoodeksan da patentuzakonat Kesälahten murdehel?

Karjalan kielele kehitetäh nygöi rinnakkai viitty kirjukieldy. Mih tävvytäh meijän ruttoh hubenijat väit? Palanderan mugah Suomes on kaheksa murrehgruuppua da nämil alagruupat. Samah tabah, äijängo ven'an kirjukielii pidäs olla? Ga toinah heil, ket tahtotah kehittiä kirjukieli oman čupun murdehele, tavoittehennu ongi luadie monumentu kuolijale murdehele, ei elaigah pädijiä käyttökieldy. A kui Palander sanou, murreh eläy da muuttuu pagizemal, se ei tarviče normua.

BUTTON_POST_REPLY