Kanzat da haplogruupat klusterois

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2104
Liittyi: 05 08 2008, 19:45

Kanzat da haplogruupat klusterois

Viesti Kirjuttai mp »

Jo ammui tiä ozutin taulukon erähien kanzoin geneettizes jagavundas, da diivuičin kuspäi löydyy lähimii geneettizii rodnii. Data on enimyölleh Pauli Saukkozen kirjaspäi Suomalais-ugrilaisten kansojen ja kielten alkuperäongelma. Nygöi toinah olis tarkembua tieduo, ga toinah se ei ole radikualizesti muuttunuh. Voi kyzyö, midä jagavundois voi piätellä, ga voihäi hos igruija jagavundoinke. Ku kahten kanzan geneettizet kogomukset ollah samanlaizet, toinah se tovestau samantabazes, ku ei yhtehizes, histouries. Kui miärätä samanlazuttu. Karjalazis mužikois enimän on haplogruuppii R1a (41%) - se on minungi tuattoliinien haplogruuppu, N3 (38%) da I (21%). Suomen mužikois on enimän N3 (63%), I (29%) da R1a (8%) haplogruuppii. Eruo on. Uskotah, ku N tulou päivännouzuspäi, I päivänlaskuspäi da R1a Ukrainaspäi. Tämän mugah, vähäzen liijoitellen, Siberispäi tulluot suomelazet ollah enämbi päivännouzurahvastu migu karjalazet - Mustan meren suunnaspäi tulluot. Miäräin eroloi Ln metriekoil (n=1,2,...). Ln metriekas ero on n:s juuri erotuksien ičearvon n:nsien potensoin summas - nenga L1 on eroloin summu, L2 tavalline muantiijolline välimatku, Ln suurel n:l on maksimuero. Nenga L2 ero karjalan da suomen välil on [(41-8)^2+(38-63)^2+(21-29)^2+...]^(1/2). Juohtui mieleh kaččuo, kui minun murrehatlasan verdailuh luajittu ohjelmu ozuttau geneettizet erot. Taulukon eroloi kačelles silmymiärälgi sen voi arbata, selgiembi sen nägöy kartal. Mužikoin haplogruuppien mugah luajittu klusteroindu löydyy tiä naizien mugah luajittu tiä. Suomelazet lövvetäh samanlastu rahvastu Lapis, karjalazet Balties. Uskokkah ken tahtou.

Käyttäjän avatar
mp
Viestit: 2104
Liittyi: 05 08 2008, 19:45

Re: Kanzat da haplogruupat klusterois

Viesti Kirjuttai mp »

Kačon tämän dielon nygöi "valmehekse". Oigei linki kačella klusterikartoi on https://opastajat.net/paikat/haplo/index.html

BUTTON_POST_REPLY