Korbisellän murrehtu

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

Korbisellän murrehtu

Viesti Kirjuttai mp »

Eino Leskinen: Karjalan kielen näytteitä, 2. SKS 1932. Korbisellän murreh.
Kehnon annettu regi

Mie kun-oliv-vielä nuori briha, miut tuatto tüöndää heinäh Suarjovella. Miut laitetaa jo aigazeh heinää jotta kergiezin-aigazembah kod'ih, illalla, huban'i kun-olev-vielä aiguizer-ruad'eih.

Muamo miula paisto kurn'iekan evähiksi. Mie läksin-ajamah. Männessä blet'illä nauskuttelen kivilöi da kandoloi da puida. mie siidä piäzen'n'i hüvin heinäpieleksellä' reim-panen, nuorit'šen da-i lähen tagazin-ajamah.

Kun tulen Saiholammin mökin lähillä, ottaa da-i regi kuaduu. Reg-ol' tarttunu kandoh, reist-oli murennut. Paju da miun-ei auttanu muuda kum-purgua heinät pois reistä da ruveta saiholammim- mökkih üöks, päivä kum-mäni lühüöksi da tuli pimie.

No mie siidä mökil- lämmitin da-i söin ildaista sidä kurn'iekkoa. No mie kun süön ka ohkahus kuuluu pät'šin tagua. Miula tukat püstüh piässä noustii: »en-ole uuz engä küpsi». No se ohkahteloo da viimeij-jiävii iänen: »Etkö vieras andais miula süüvä kun siula kurn'iekkua tuada jäi vielä. Mie sail-lapsen-üöllä da ukko had'luagina minne lienöö männü».

No mie sen-kurn'iekan nokkazen nossallan hänellä.

»Heitä vaim-pät'šim-piällä, siidä mie suan», sanoo akka.

No akka sanoo siidä miulan'i: »Rubie poigan' sie muat, väzüttäähän sinuo»! A milma ei n'ukuta, vain kürt'šissün sih heinillä virumah.

No akka se söi sen-kurn'iekan da rubei muat. No mie valavon, vala'von, ka kuuluu jürähti: »Aha i tabazin! Egläin silimät korvat pieksit miuldan'i, mie kannoks muutuin da murennir-rein»! Akka vastuaa: »Ole ole iänettaas, anna muzikka maguaa, vasta n'ukku muat! Sua t'ilah regi miehellä kerram-murennit, sen-kera se häviebi! Mie üöllä läzin, milma kun-ei ois mies süöttät mie oizin n'älägäh kuollut».

Mänö aigua kodvat't'šun'i, ka jürähti pihamuassa: »Tuos-or-regi, paa hebo val'l'ahis da mäne matkahas, en suanu lähembiä kun ilomant'šin pappilasta pid'i käüvä»! Akka sano: »Ole ole iänettäs kum-mies kerran n'ukkuu. Anna maguaa rauhassa da sen-kera se häviebi»! - No mie siidä virun-kodvazen. Rubiebi huondespuoli tulemah üöstä da mie nouzem-pois da lähen-ajamah. Lopuskan kurn'iekan-kuoren heitän-akalla' »heitä vain pät'šim-piällä, siidä mie suan», sanoo akka.

Mänem-pihalla da kat'šon: uuver-rein-on tuonu. No mie heinät paner-regeh da nuorit'šer-rein, hebozev-val'l'assan, da lähen-ajamah hüvim-mie kod'ih i piäzen siidä.

A koissa küzütää: mindähbä nenga viikon-olit, müö jo et't'šimäh jouvuimma sinuo». No mie heilä sanoin: nin-i n'iin miula ugod'i».

No sattuu tulemah vallesmanni kruosteini meilä, da tuatto ser-reim-müöbi kruosteinilla. Se kun-oli kehenon suadu ni ei tuatto pidät sidä.

No erähän kerran-kun se kruosteinir-rengi brokki lähtöö heinäh t'šiikonjovella, da ottaa da regi kuaduu ihan siliellä tiellä. »Keheno ei moista regie ota», brokki sano. sillor-regi hävis. Se keheno veigi sem-pois, tagazi sinne mist-oli ottanu, pappilan sarailda.

Ne kun-ei sidä regie tarvittu n'i ei tiettü kaivata' (ne ol' heitettü ser-rein sinne kiron-kera, muuten-kehno ei niät saiz-ottua.)

BUTTON_POST_REPLY