čomua sanua

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

čomua sanua

Viesti Kirjuttai mp »

Minule on jälgiaijal puuttunuh kačella livvin sanoi. Enimät sanat tunnutah ku net oldas oldu aijoin allussah, ga toizii ainos jiäy diivuiččemah, mindäh on moine. Lumoi da bol'bokku hyvin kuvatah niilöi kukkii. Bobakondii on vessel sana. Jumalanlehmäine panou duumaiččemah ku jumal on laktouzuintolerantu. Ku puuttunet ryyppypruazniekkah da sinuu ruvetah käbälöiččemäh, pidäy kirrata, "Läkkä iäres, rökköpočči!". Rökköpoččiloin kui heboloingi on hyvä tiediä ku sanat da merkičykset vaihtellah paikas toizeh. Livvis onnuako voimmo pidiä normannu, ku salvata tarkoittau kiini panendua, salvua seinien liittämisty da salvattamine kastriiruičendua. Ku pidänöy muuttua uveh orihekse, se pidäy salvatuttua (huom. ero suomeh!. Suomes joga keziä hevosnel'l'ukizois yksi ori ruunataan kuningahakse.) Ga nägöjäh tämä pagin kiändyi šitanšelondakse.

Gagarin

Re: čomua sanua

Viesti Kirjuttai Gagarin »

Šitanšelonda siul kuadies! ;) ;) ;)

Suojärvel sanottih n'oloida "pahaččuks", i pahahai se on ...

Pekoi
Viestit: 356
Liittyi: 18 09 2008, 20:54

Re: čomua sanua

Viesti Kirjuttai Pekoi »

Enol minun oli mieldy myö sanondu "taposhkoi mushikka" min oli kuulluh Suistamos pikoi brihannu.Minä hänes kyzelin midäbö se merkiccöy,a duumain,häi ei tarkah sidä ellendännyh.
Ice minä lougiellisen sellityksen löyvin,a varmu en ole. Sanokkua kentahto,ongo tuttavu sana libo min se teile tuou mieleh.

Käyttäjän avatar
mp
Viestit: 2108
Liittyi: 05 08 2008, 19:45

Re: čomua sanua

Viesti Kirjuttai mp »

Pekoi kirjutti:
22 01 2017, 12:04
Enol minun oli mieldy myö sanondu "taposhkoi mushikka" min oli kuulluh Suistamos pikoi brihannu. Minä hänes kyzelin midäbö se merkiccöy,a duumain,häi ei tarkah sidä ellendännyh.
Toinah hänel yksi iänneh vaihtui? Minägi mustan sanan "takouskoi". Se tulou ven'aspäi, takoi=nengoine, takouskoi=(kudakui) nengomah pättävy. Perusmerkičys on neitral'noi, ga paginas toinah toičči on negatiivine vivahtus. Nenga "takouskoi ruadai" ruadau, ga toinah ei ihan putilleh?

Pekoi
Viestit: 356
Liittyi: 18 09 2008, 20:54

Re: čomua sanua

Viesti Kirjuttai Pekoi »

Minun mieles kandusana on "tapos"... da muga ielleh...?

Pekoi
Viestit: 356
Liittyi: 18 09 2008, 20:54

Re: čomua sanua

Viesti Kirjuttai Pekoi »

Kohendan vie..."taposkoi" pideli sanuo.
Minun teorii on moine: ammui tapos merkicci zvierin libo hirven tapandukohtua,myöhembi ziivatangi ishkiendypaikkua.Vie myöhembi mitahto ruadokohtu kus enembi ruadajua oli,sanottih: olemmo täl tapoksel.
Ku tahtottih sanuo kazakan libo muun rahvahan olevan omalistuo,ei mieron käyjiä,sanottih taposkoikse.

BUTTON_POST_REPLY