Srojindusanasto
Valvoi: verkomuagari
- mp
- Viestit: 2108
- Liittyi: 05 08 2008, 19:45
Srojindusanasto
Karjalan kielen kehitykses oli viijenkymmenen vuvven loukko. Yhtelläh sinny aijannu eländy-ymbäristö kehityi - kieli jäi jälgeh. Petroskoin sanastokomissii on oppinuh täyttiä loukkoloi, ga eihäi hyö kaikkie kerritä eigo malteta - eri aloin ruadajien pidäs yhtyö sanastoruadoh. En ole iče kodii nostannuh, a Karjalan kielen koin nostandua Vieljärvel kaččojes juohtui mieleh ku täs dielos pidäs voija paista karjalakse. Lövvin erähän suomi-anglii-ven'a rakendussanaston da kyzyin Tan'a Kuznetsovua, kudai minule piirdi riputandupačaskizan kuvat, piirdämäh niilöi kuvii, hos kaksi- kolmesadua. Täl sivul on vähäzen alguu. Sanoi en ole vie ruvennuh smiettimäh. Pidäy kyzellä alan tiedäjil, tietähgo hyö pättäviä sanua nämile veššilöile da materjualoile. Onnuako enimät sanat pidäy luadie. Ollougo kel tieduo?
Re: Srojindusanasto
Lumial ei nävytä nämmä kuvasanakniigaizen sivut. Kai tekstat ollah toine toizes piäliči, ei ole kuvua toine toizes bokači, ga kai toine toizen al
- mp
- Viestit: 2108
- Liittyi: 05 08 2008, 19:45
Re: Srojindusanasto
Kummu dielo. Firefox livain ozuttau, vahnan Nokian livain (Safari ozuttau), Android-telefonan livain ozuttau. Dillo-livain, kudamal tarkastan standartan mugazuttu, ei ozuta vigua, pidäs olla puhtastu html:iä. Sit midä luadie?
P.S. Nägöjäh IE 9:s toimiu. Tädägo tarkoittau Elopan mainostettu "ekosistiemu": standartan mugahizet soveldukset ei toimita, pidäy olla sih telefonah niškoi luajittu?
P.S. Nägöjäh IE 9:s toimiu. Tädägo tarkoittau Elopan mainostettu "ekosistiemu": standartan mugahizet soveldukset ei toimita, pidäy olla sih telefonah niškoi luajittu?
Re: Srojindusanasto
En tiiä kui suas Lumias nägymäh. Himoittas vezilinduu lykätä täl telefonal, no en tahto nimidä pahua linduloile. Tämä telefon on olluh jälgimäzen vuvvengo minul vaiku nettutelefonannu kois, koin langattoman netan vuoh nettua livuan, ei täl sua zvonie ku ei iänet kuuluta. Ga eibo rua kai nettusivutgi putilleh
- mp
- Viestit: 2108
- Liittyi: 05 08 2008, 19:45
Re: Srojindusanasto
Sain 40 uuttu kuvua srojindusanastoh da lizäin net endizele sivule. Vuotan vie liziä kuvua enne ku ottavun uuttu sanua luadimah.