opastajat.net/forum

vastavus - vastavundu - kerähmö - konferensii - kongressu

Hyvin livvii maltajan inehmizen ker paistes häi paheksui ku Omas Muasgi vastavus da vastavundu sanoi sevoitetah. Vastavus on kyzymykseh libo kirjazeh, vastavundu konzu ristikanzat, tavallizesti tuttavat, vastavutah. Nenga sellittäzin nämmä sanat:

• vastavus: reaktsii kyzymykseh, kirjazeh i m.i.
• vastavundu: vastakkai, yhteh tulendu, tavallizesti tuttavien ker sovittu
• kerähmö: suurembi joukko rahvastu kučutah, kerävytäh yhteh, toinah ei ni tundieta toine tostu
• konferensii: "yhteh tuondu", suurembi, virallizembi kučuttu kerähmö, ulgomualaziigi
• kongressu: "yhteh menemine", erähiči konferensien sinounimu, ga voi tarkoittua orguanuagi.

Nenga opingi käyttiä nämii sanoi.

Ga, sit on vie Pentozen sanakniigas 'miitingu'. Ollougo se sinoniumu konferensil?

Pedrunnybly kirjutti: Ga, sit on vie Pentozen sanakniigas 'miitingu'. Ollougo se sinoniumu konferensil?

Konzu rahvas, opastujat da eläkkeheläzet, keräyvytäh jarmankale da kirrutah "Liziä dengua!!", se on "miitingu".Täs merkičykses se on ven'an sanakniigasgi. Sežo mustan ku ispaanien kieles "mitingu" tarkoittau poliittistu yhteh kerryndiä. Anglii on rahvahan kieli, dengoin prizmijöile. Tiedomiehii kučutah latinakse tiedopaginoi pidämäh, se on konferensii.