ng:n iändämine

[Maria]

Erähänny piän duumaičin ku sanas ollou ng, rubein duumaiččemah ku sanotah ongi (oŋgi) ga sit onget (oŋŋet), eigo oŋget? Suomen kieles lienöy muga ku sanan keskes nk=ŋk (onki, kenkä) a ng=ŋŋ (onget, kengät), ongo toizii tilandehii? Ku ollus kirjain ŋ, sithäi se ollus kebjiembi ku ollus yhtenjyttyöh kui sildu-sillat, reŋgi-reŋŋit, märgy-märrät. Ga yhtelläh enhäi ollus ližiämäs ŋ-kirjaindu kirjaimikkoh ni karjalas ni suomes.

[mp]

Täs kyzymykses minungi silmät da korvat ollah avvoi. Kuundele tarkah "Kaunis Karjala" pajuo. Kuuluu on go. Sellitän sen kahtel tabua: 1) ven'as ei ole ŋ fonemua da 2) ven'as -go liittehen vastineh kirjutetah eri sanakse. Toizel karjalazel kyzyin kui hän sanou Manga (kylä Nuožarven da Priäžän väli).Hänen mieles man-ga ilmai ŋ-fonemua. Täsgi uskon, ku händy školas on opastettu ei käyttämäh ŋ-fonemua sendäh ku ven'as sidä ei ole. En ole vie kuulluh perusteluu, ku karjalas ng iändys eri tabah ku suomes.

[Maria]

(Kerran jo viestin kirjutin, ga viestii työndäjes telefon ilmoitti ku ei sua nettah yhtevytty, da järilleh mendäjes tyhjeni kai tekstu.. Viegohäi mustan midä kirjutin..)

En tiijä äijygo lähikielis on mostu, kus on ŋ, ga uralilazes kandukieles on. Ollusgo muga ku ollou astehvaihtelu ku kaksi iännehty muuttuu geminuatakse, sit ng iännetäh ŋŋ (aku ei ole ŋ-kirjaindu, sidä ei näi geminuatakse), muga kui kurgi-kurret, reŋgi-reŋŋit. Ku ei ole mostu ku tiettylöin vokaliloin ies iännettäs ŋg, tiettylöin ŋŋ. Ku kengy-kengät sanozin [keŋŋät] a mennä-mengäh [meŋgäh].

[Pedrunnybly]

Pahuos hyvyttygi toiči rodieu. Tänäpäi minule rodih paha mieli savus ruadajes: luajittih meile uuzi dorogu linnas siiriči i nygöi pidäy mašinoin šumuu omas pihasgi kuunnella. Duumaičin, Cd-disku on parembi šumuu i ruadajes kuundelin, ku Brendojev lugou omii runoloi. Mustin Marian kyzymyksen dai kiinnitin huomavuon Brendojevan iändämizeh. Häi sanoi [ruŋgu hoŋgu heŋgih kaŋgel].

[Maria]

Ga minun kielioppipiäh ei synny mindäh sanottas kangi - kaŋgel ku ei sanota sildu - sildal eigo märgy - märgäl

[mp]

Enämbi duumaiččemattah, minun mieles

kangi - kaŋŋel sildu-sillal

ollah yhtenjyttymiä astevaihteluu - konsonantu da pitkendys (ll da ŋŋ) on heikombi migu konsonantu da toine konsonantu (ld da ŋg)