Järvilöin nimet

[mp]

Vastah on tulluh moneh tabah kirjutettuu järven nimie:
Kotkadjärvi, Kudärvi, Lumadjärvi, Mačarvi, Nuožarvi, Siämärvi, Suojärvi, Uut'arvi, Vieljärvi,...
Mindäh samuagi nimie kirjutetah moneh tabah? Mi on oigein? Midä tarkoittau oigein?
Pidäs kuulta suurdu joukkuo paikkakunnal eläjiä. Hyvä olis tiediä nimen histouries. Pidäs tiediä/kehittiä oigiehkirjutussiändölöi. Erähät nimet vikse on translitteroittu moneh kerdah: saami->karjal->suomi->ven'a->karjal. Oigiehkirjutukses jä=dä, tjä=t'a, erähiči j:s jiä vai pehmendys,...

[Feda]

Salmin Orusjärvi = Oruzjärvi, monet duumaijjah, vikse oruzat viskattih järveh da siidy nimi. Iče järvihäi on kartal Ponkolan järvi. Toiset sanotah što se Oruzjärvi juontau Oulu nimespäi.
Tuatan kodijärvi oli Sudimus, i toine pieni Murdojärvi. Misbo nimi Sudimus juontau? - ( sudie = kävellä lyhyin askelin, P.Pohjavalo ?)

[mp]

Salmin Orusjärvi = Oruzjärvi, monet duumaijjah, vikse oruzat viskattih järveh da siidy nimi. Iče järvihäi on kartal Ponkolan järvi. Toiset sanotah što se Oruzjärvi juontau Oulu nimespäi. Tuatan kodijärvi oli Sudimus, i toine pieni Murdojärvi. Misbo nimi Sudimus juontau? - ( sudie = kävellä lyhyin askelin, P.Pohjavalo ?)

Paikannimikyzymykset ollah vaigiet. Rahvahanetymolougiet tavallizesti ollah viärät: Kotkatjärvi ei tule kotkaspäi eigo Nuožarvi nouzemas. Pidäs tiediä histouriedu da kielihistouriedu. Suomen da Karjalan nimilöi sellittäejes pidäs maltua ammustu saamen kieldy. Riputin kirjuforumale tiijot kahtes kniigas, kudamis vois löydyö abuu.

Kuibo karjalas tuatto kalua pyydi.

Valdivolline valdu čomah luaduh pagizou karjalazes perindös da karjalazis juuris, a salbavomerkilöis sanou ku karjalan kieli joudas sinne jiähägi. Opastajat.net kaččou tulieh aigah. Net rahvahat da kielet säilytäh, kuduat maltetah uvvistuo, eliä aijan mugan, viijä kieldy da kul'tuurua uudeh aigah. Uuttu srojitah vahnan piäle. Karjalas on lövvetty tuhanzii vuozii vahnoi verkoloi, nygöi rosboiniekat kalastellah bankuavaimii verkos, internetas.

[Olói]

Käin Jovensuun Carelicum-ozuttelus. Oli kirjutettu ku karjalazih näh olizi ozuttelu. Ni yhty sanua en löydänyh karjalan kieleh näh. Olihäi sie Sortavalan makiettu, ylen hyvin luajittu

[Pekoi]

Käimmö vaste manasteris.Suomes puaksuh sanotah Vasojärven.. Erähicci lugou Vazejärven.. Minä luulen,što allunalgajen järvel on karjalazien annettu nimi.Sen jälles venavutettih da suomelastettih ilmai tolkuu. Konzu kentahto sellittäy minul parembi,sanon sissah Vuasjärvekse.

[mp]

Kertan da Mamontovan paikannimikirjas arbaillah, ku Vuaženijärven nimi tulou akkupedrua merkiččijäs saamen sanas "vaadž", suomekse "vaadin". Sil čural on toinegi nägöjäh saamelaine nimi Ližmijärvi. Toinah ei ole ylen mondu sadua vuottu mennyh niilöin paikoin karjalastumizes (t.s. kielen vaihtandas saamespäi karjalakse).