Sananluajindas

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

Pekoi
Viestit: 356
Liittyi: 18 09 2008, 20:54

Re: Sananluajindas

Viesti Kirjuttai Pekoi »

Kobrattšu on mostu luaduu suomen evakkorahvahan paginua,gu tahtotah vägeh käyttiä sanua mi eule yhtehine Suomen sananke.Ven'an laihinsanoigi pietäh parembinnu migu yhtehisty kandua olevat kandusuomelazet libo ammuikarjalazet sanat.Käzi -sanagi on ammustu luaduu;kobrua on käytty zvierin,linnun libo brujan yhtevyksis.Gu midätahto pahanluadustu tahtottih ristikanzah näh,allettih kobrua harvazeh käyttiä.
Toivon,što tiijän mužikan ken vuvvennu 2005 algavui kobraccuu käyttämäh.Ei ni minun korvua se mielyttännyh.
Muite:äijy on ven'anlaihinoigi mil ollah selgiet histouriellizet perustat.Ei niidygi kaikkii pie osudie.

Gagarin

Re: Sananluajindas

Viesti Kirjuttai Gagarin »

"Kobrattšu on mostu luaduu suomen evakkorahvahan paginua,gu tahtotah vägeh käyttiä sanua mi eule yhtehine Suomen sananke.Ven'an laihinsanoigi pietäh parembinnu migu yhtehisty kandua olevat kandusuomelazet libo ammuikarjalazet sanat."

A voi voi kui ei kobraččuo suvaita! Miun korvis neče oliz l'uboi karjalani sana.
Ei karjalaks sua sanuo "kännykkä", i "telefon" iččenäh on ven'an laihinsana.

"Muite:äijy on ven'anlaihinoigi mil ollah selgiet histouriellizet perustat.Ei niidygi kaikkii pie osudie."

Ei pie ei! Monie semmoizie sanaloi on kudamat suomen kieleh ruoččis ollah otettu a karjalan kieleh ven'as.
Erähie ruoččin sanaloi oli dai Suojärvel kui sanottih "huusi", "n'äsdykki", "lykky", i muga ielleh.

Käyttäjän avatar
mp
Viestit: 2104
Liittyi: 05 08 2008, 19:45

Re: Sananluajindas

Viesti Kirjuttai mp »

Kargiesti sanojen kaikkien kielien kai sanat ollah laihinsanat. Enimät tiijollis-tehnillizet sanat, kui telefon, on otettu latinas libo gretsiespäi, kui telefon. Kobra/koura on suomelazile da karjalazile yhtehine sana. Se ei olluh minun kritiekku.Elättitiijos ristikanzu luokitellah käjellizih, kudai käzil ruadau kaikkie, ei yksin soita telefonal. Telefon tarkoittau loitos pagizendua. Suomen sana "puhelin" puolikse vihjua oigieh suundah. Ruoččilazet, ven'alazien, litvoin da suomelazien jyttyöh, ollah oldu karjalazien herroinu. Sendäh ei ole kummu, ku karjalazien paginah on tartunuh ruoččilaziigi sanoi, moizii kui herru.

Käyttäjän avatar
mp
Viestit: 2104
Liittyi: 05 08 2008, 19:45

Re: Sananluajindas

Viesti Kirjuttai mp »

Enneglästy minul oli paginkanzannu "Karjalan mua on kaikkii paras" Saveljev. Häi pagizi paiči pajoloin luajindas, a sanoingi luajindas. Häi paheksi sidä ku sudre otetah ven'an sanua, voishäi omuagi luadie. Häi otti ezimerkikse "parikmaherskoin" kudai on ven'ah otettu germuanien kieles da sidäpaiči, sehäi merkiččöygi ihan muudu. Hänen ehtotus oli "keričendypaikku" libo nengoine yhtyssana. Minul oli nenän al Ahtian johto-oppi, sanoin mindähbo sit ei "keriččimö". Suomen sana "kampaamo" kiändys "sugimokse" da "parturi" "breiččimökse". Ga enimyöllehhäi sie vikse katkatah tukkii sendäh "keriččimö" olis paras. Ga šuutkannu nämii taričen.

Kirilä

Re: Sananluajindas

Viesti Kirjuttai Kirilä »

Kuspäi tulou sana breiččimö? Minule uuzi da vakkinani! Keriččimö-sanua suvaičen.

Käyttäjän avatar
mp
Viestit: 2104
Liittyi: 05 08 2008, 19:45

Re: Sananluajindas

Viesti Kirjuttai mp »

breijä onnuako on viännös ven'an sanas

Pekoi
Viestit: 356
Liittyi: 18 09 2008, 20:54

Re: Sananluajindas

Viesti Kirjuttai Pekoi »

Vahnoi laihinsanoigi ei pie osudie,hos oldannou konzu venua konzu suomie.Pidäy mustua,suomeh da venahgi on sanua otettu karjalaspäi.Suomen karjalaziin mieldy myö on muzikat,dorogat i m.i. Karjalan tazavallas nenet tuskevutetah.
Paista pidäy!

Gagarin

Re: Sananluajindas

Viesti Kirjuttai Gagarin »

Kuibo tuskevutetah? Ainošhai karjalazed neniil sanaloil ollah paissu.

Käyttäjän avatar
mp
Viestit: 2104
Liittyi: 05 08 2008, 19:45

Re: Sananluajindas

Viesti Kirjuttai mp »

Tiä Ven'an VK:s on paginua uuzien sanoin luajindas. Erähii kebjieh heitettylöi ga toizii parembigi duumaittuloi. Segi on hyvä ku rinnakkai pannah ehtotuksii da kyzytäh toizien mielii.
A pidäyhäi minun täsgi sanuo kui iče sananluajindas duumaičen. Sanua on äijy. Kymmenkirjaimizii sanoi on nenga 30 potensah 10 nenga 2 potensah 50 nenga tuhat potensah 5 nenga miljardu miljounua. Ku kieles yhtelaigua ollou nenga sada tuhattu sanua, voi käytettävän sanan vallita nenga kymmenes miljardas kandiduatas, ga ihan kuitahto ei pidäs vallita. Kielentiedäjät maltetah sanuo, mittustu sanua misgi kieles voi luadie da mittustu voi suuspäi työndiä. Sanankäyttäjät tietäh, mindäh sidä sanua tarvitah da kui sidä käytetäh, t.s. merkičyksen da funktsien. Sendäh kalastajat ollah parahat nimittämäh kalastusvehkehii da sovanombelijat sobii, kielitiedoilijat voijah avvuttua sanamaterjualan valličendas da sanan muodoilus. Mugahäi muuttujas muailmas ezim. suomen kieleh sanua kehitetäh: on kielentiedäjil tävvendettylöi alakohtazii sanastokomitiettoi. Karjal on ähkätty bokkah tozielaijas, sendäh kentahto voi midätahto kymmenes miljardas kandiduatas ehtottua. Ga sananluadijan pidäs hyvin duumaija.
Käyttöveššilöi olis parembi nimittiä käyttötavan migu todevutustehniekan mugah. Mustopuikkozen tärgiet ominazuot ollah ku se mustau da sen voi čökätä tiedokonehen bokkah. Tavallizen käyttäjän ei tarviče ajatella, ongo se todevutettu EEPROM tehniekal NAND veriälöinke da viego se huomeigi nenga todevutetah, mih "flešku" vihjuau.

Käyttäjän avatar
mp
Viestit: 2104
Liittyi: 05 08 2008, 19:45

Re: Sananluajindas

Viesti Kirjuttai mp »

Ainos olen sanonuh ku sanoi pidäs johtua lougiellizesti da käyttiä hyväkse tuttavii sananvardaloloi, ku merkičys olis helpo arvata. Ga ainos ei kielikorvu sano, midä johtetun sanan vardalo+johtin pidäs tarkoittua. Omua Muadu lugijes tuli vastah virkeh kudai rubei muheloituittamah. Ihan tarkah en musta a se meni kudakui nenga: "Petroskoin herrat vierastettih Moskovan herroi". Vikse tarkoitus oli korvata "gostittua" sana omal sanal, da tiettih ku suomesgi on sana "vierastua". Se vai ei tarkoita "gostittamistu".

BUTTON_POST_REPLY