Kieličupun perustamine

Tiä šeikuijah karjalan kielen kielikyzymyksii: kielioppii, sanastuo i m.i.

Valvoi: verkomuagari

BUTTON_POST_REPLY
Käyttäjän avatar
mp
Viestit: 2104
Liittyi: 05 08 2008, 19:45

Kieličupun perustamine

Viesti Kirjuttai mp »

Suomes ei ole orguanua, kudai kaččos karjalan kielen kyzymyksii. Normualizesti se kuulus Kodimaizien kielien tutkimuskeskuksele, a KOTUS eibo ole sidä ottanuh ruavokse, ilmai sih niškoi annettuu resursua. Karjalan Kielen Seuran vuozikerähmö 2010 piätti perustua "kieličupun" sellittämäh Suomen karjalazien kielikyzymyksii. Tarkoitus oli perustua se KKS:n sivuston kylgeh, ga tehnillizis syylöis eibo ole piässyh alguh. Minuu pyvvettih vedämäh mostu čuppuu. Sanoin, ku voin ruveta nämil ehtoloil: Olis parembi ku virralline organizatsii, KOTUS libo yliopisto ottas sen ruavon. Ku KKS löydänöy vedäjän, ken on pädevy da himokas sih hommah, häi sih ruvekkahgi. Sidä vuottajes voin kaččuo, ga "madalal profiilal". Tarvičen kaksi dovariššua šeikuiččemah livvin da vienan kyzymyksii da vastavusehtotuksii. Sen jälgeh rubiemmo kyzymäh yliopistoloin ekspertoil, kui hyö duumaijah nämis kyzymyksih da opimmo piättiä voibigo midätahto tabua rekomenduija.

Kuni ei nousse čuppu KKS:n sivustole, opimmo pidiä čuppuu tiä opastajis. Täs ezimerkikse erähii kyzymyksii, mittuzii voizimmo šeikuija:
  • Ven'an karjalazet kirjutetah ven'an mallin mugah arifmeetiekku, gumanizmu, Gollandii, Riima, Mannergeim, jeuro,... Suomen karjalazien korvah net tullah ylen kummallizil
  • Kuspäi ottua laihinsanua: oblezjan libo abin, slona libo elefantu?
  • Kui eroittua pehmiet da kovan konsonantat: Midä nägöy nänniniekku? Kunne pidäy pehmendysmerki?
Da tuhat muudu kyzymysty.

Nostan ezmäi šeikuittavakse konsonantoin pehmendyskyzymyksen. Riputan yläh kyzymyksen da sen peräh omii duumii. Foruman jäzenet voijah peräh kirjuttua omii mielii, libo kentahto voi kirjuttua sähköpoštači ozutteheh kielicuppu at karjalankielenseura.fi (at tiettäväine on at-kirjain ilmai tyhjiä mollembin puolin.)
Jälgimäi muutti 1 päivänny mp, muutettu kaikkiedah 9 kerdua

BUTTON_POST_REPLY