Gu huomei minun kieli unohtetah...

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Yougi
Viestit: 35
Liittyi: 30 01 2019, 09:38

Gu huomei minun kieli unohtetah...

Viesti Kirjuttai Yougi »

Toinarrel, 10.09.2019, Udmurtijan piälinnas, valdivon nevvoston talon edes, ristikanzu poltti iččie.
Hänel oli plakatu - "Gu huomei minun kieli unohtetah, olen valmis kuolla tänäpäi"
Illal häi kuoli bol´niččas.
Albert Razin oli sijallizen universitetan professoru, udmurtin kielen aktivistu.
https://udm-info.ru/news/politics/10-09 ... a-udmurtii

Käyttäjän avatar
mp
Viestit: 2108
Liittyi: 05 08 2008, 19:45

Re: Gu huomei minun kieli unohtetah...

Viesti Kirjuttai mp »

Nämih igävih uudizih SU-rahvahatgi suammo tottuo. Kuibo säilyttiä oma toimindukygy nengomii lugiettuu? Pidäy olla realististu tieduo, ei langeta optimizmah eigo pessimizmah. Heittelemätöi kielen elvytys da ylläpidoruado on ainavo realistine taba pidiä kieli elos. Ga erähičči oza on ebäoigevuonmugazesti vastah, toiči tienuamattah myödäine.

Olen hil'l'akazeh ečitellyh da lugennuh elvytyskirjalližuttu. Rubein lugemah kirjua Lenore Grenoble & Lindsay Whaley: Saving languages - an introduction to language revitalization. Äijän ollah ruattu, pädeviä tekstua. Ihan allus sanotah, ku "rehellizesti čotaijen tässah enimät elvytysprojektat ei piästä tavoitteheh". Mindäh, syylöi on äijy da eri tilandehis eri syyt, a kaksi suurdu syydy ollah kanzallisvaldivot da globalizatsii. Kanzallisvaldivon ižändy tahtou ku kanzallisvaldivon ainavo kieli olis kanzalliskieli da kai rahvas toteltas ižändän käskyy kanzalliskielel da annettas oma elaigu hänen hantuzih. Globalizatsii on tuonnuh tehnolougistu da ekonoumiekallistu kehitysty eigo vähembistörahvahat tahtota jiähä sit ozattomikse. Ku pienen rahvahan kai energii menöy oman histouriellizen identitietan ozuttamizeh, ei jiä aigua oman tulien aijan kehittämizeh omal kielel. Uvvet sugupolvet ei tahtota jiähä tehnolougizes kehitykses ozattomakse. A kuibo pikkaraine rahvas voi tarita kazvatukseh kudai andas mahton ekonoumiekallizeh menestykseh.

Iče duumaičen ku karjalazien kogozel rahvahal olis vägie tarita perusopastus nygyaigazen yhteiskunnan eläjäkse omal kielel, da sen bokas tävvendiä kielenmaltoloi toizil kielil, kudamil parastu midägi eričystieduo löydyy.

BUTTON_POST_REPLY