2018 meni, 2019 tuli

Tänne paginat kuduat ei synnytä piälolijoih forumoih

Valvoi: verkomuagari

BUTTON_POST_REPLY
Käyttäjän avatar
mp
Viestit: 2108
Liittyi: 05 08 2008, 19:45

2018 meni, 2019 tuli

Viesti Kirjuttai mp »

Forumas
Vuvven vaihtujes päivitin foruman vuozistatistiekan https://opastajat.net/tmp/vuozistats.html. Forumu on perustettu vuonnu 2008, huippuvuvvet oldih 2010-2011, sen jälgeh kirjutus da jäzenluvut ozutetah alamägie. Olengo pahas mieles? En ole. Pidäy panna kehitys perspektiivah.
Perustin foruman informatsiikanuavakse vuottu aijembi perustetule opastajat.net verkosivustole. Se sivustogi kehittyy hil'l'akkazeh, a eläy. Forumale otetah vaiku karjalankielizii kirjutuksii. Sendäh potentsiualizien kirjuttajien lugu ei voi kazvua ylen suurekse. Spambot kyzymys estäy piäzyn robotoil da karjalan kieldy maltamattomil kirjuttajil. Teemoikse on miäriteldy opastus da karjalan kieli da kul'tuuru da stiilakse aziistiilu. Kriittine suau olla, a azielline. Nenganimitetyn sotsializen meedien nouzu on viennyh alguaijan kirjoittelijoi muijale. En mene peräs, pyzyn alguperäzes tehtäväs. Forumal jäzenii eri aijoil on olluh toinah sadoi, a jälgivuozinnu käytös on olluh poliitiekku karzie kolme kuudu kirjuttamattomat jäzenet - se on pidännyh jäzenien miärän nenga kymmenes. Nygöi forumu kudakui on ylläpidäjän (mp) weblog (80% kirjutuksis). A pyzykkäh forumannu - kentahto, kel on sanottavua nämis ramkois, voi registriiruijakseh da on tervehtulluh kirjuttamah.

Ruavos
Vähäzen vie omis ruadolois. Jo moni vuottu olen ičekäskietys ruavos karjalan kielel, täyziaigazesti, čuasuloi en ole čotainnuh. Vuonnu 2018 ruadoaigu jagavui puolikse Verdailii karjalan kielioppi projektan da Robotiekkua da ohjelmoindua 9-99 vuodehizile kursoin KKK:s kesken. Mollembis ohjelmoindu (hyvä) da tiedotehniekan probliemat (paha) vei suuren vuitin aijas. Algannuh vuozi on erilaine. Kielioppiprojektas on kiännösruaduo, toinah tutkimustugi. Robotiekkua da ohjelmoindua teemas jatkuu vie opastundu, a opastusmaterjualat pidäs kirjuttua kirjakse. Tyhjendin kormanin KKK:h da eroin KKK-yhtistykses. Opastan da ruan sie vie ylläpidoruadoloi, a kezäh mennes kačon jogo se täydyy minun vuitikse KKK:s. Kezäl olin alguhpanemas paginkluubua Kuopios. Toinah se voi jatkua minuttahgi. Sendäh ozutahe, ku vuvves 2019 minule rodieu yksinäzen, stahanovilazen, kirjallizen ruavon vuozi.

BUTTON_POST_REPLY